Woodside Petroleum
Woodside Petroleum Limited is 'n ru-olie-eksplorasie- en ontginningsmaatskappy. Dit is 'n openbare maatstkappy wat op die Australiese Aandelebeurs genoteer is met sy hoofkantoor in Perth, Wes-Australië.
| Woodside Petroleum Limited | |
| Tipe | Aandelemaatskappy |
|---|---|
| Gestig | 26 Julie 1954 |
| Hoofkantoor | Perth, Wes-Australië, Australië |
| Sleutelpersone | Peter Coleman (hoof uitvoerende beampte) |
| Industrie | Aardolie en gas |
| Inkomste | A$4,352 miljard[1] (2009) |
| Netto inkomste | A$1,824 miljard (2009) |
| Werknemers | ~3 000 |
| Moedermaatskappy | Regering van Wes-Australië |
| Webwerf | woodside.com.au |
Geskiedenis
wysigWoodside is in 1954 gestig met die naam Woodside (Lakes Entrance) Oil Co NL. Die maatskappy is vernoem na die dorp Woodside in Victoria in Australië wat naby aan die gebied is waar die maatskappy aanvanklik sy soektog vir olie van stapel laat stuur het.[2]
Woodside se soektog na olie op land en in die see langs Victoria het tien jaar lank onsuksesvol voortgeduur. In 1963 is eksplorasieregte aan die maatskappy toegeken vir 'n groot deel van die see noordwes van Australië in 'n gebied wat bekend staan as die North West Shelf. Boorgate in die gebied het gelei tot die ontdekking van groot olie- en gasfondse insluitende by Scott Reef (nou bekend as Torosa), North Rankin en Angel in 1971 en Goodwyn in 1972.
Woodside is een van Australië se grootste maatskappye. Die maatskappy het tans meer as 3000 mense in hul diens in verskeie wêrelddele. Die maatskappy het 'n markkapitalisasie van AUD 30 Miljard en hul reserwes met ingang Desember 2006 het 1,58 miljard olie-ekwivalente vate beslaan. Shell Australië het 'n 34% aandeelhouding in Woodside.[3]
Bedrywe
wysigBinne Australië bedryf Woodside die North West Shelf Venture wat bestaan uit 'n aantal gas en gas-kondensaat velde ter see insluitende Goodwyn en North Rankin. Gas word ontgin en deur 'n pyplyn na Karratha gelei waar dit verwerk word vir Australiese en uitvoermarkte. Die maatskappy het ook die Legendre olieveld buite Karratha bedryf maar het al sy belange daarin aan Exxonmobil verkoop. Woodside is tans die hoofaandeelhouer en bedryfsmaatskappy van die Enfield olieveld in die see langs die kus van Exmouth in Wes-Australië, die Laminaria-Corallina olieveld in die see langs die kus van Noord-Australië en die Thylacine en Geographe gasvelde in die see langs die kus van Victoria in Suid-Australië.
Eksplorasie en ontwikkelings duur ook voort in 'n aantal streke buite Australië insluitend die Golf van Meksiko in die V.S.A.
Woodside het in September 2007 aangekondig dat hulle hul belang in die Chinguetti olieveld in see langs Mauritanië aan Petronas gaan verkoop.[4]
Kritiek
wysigIn Februarie 2006, het die Mauritaniese regering onder leiding van Ely Ould Mohamed Vall die wysigings in die oliekontrak wat deur die voormalige outoritêre leier, Maaouya Ould Sid'Ahmed Taya met Woodside Petroleum gesluit is. In 2004 het Woodside ingestem om VS$ 600 miljoen te belê in die ontwikkeling van Mauritanië se Chinguetti aflandige projek. Die omstrede wysigings, wat volgens die Mauritaniese owerhede geteken is "buite die wetlike raamwerk van normale praktyk, tot groot nadeel van ons land", sal Mauritanië soveel as $200 miljoen per jaar kos alvorens BBC News.[5] Die Australiese Federale Polisie het Woodside in Junie 2006 ondersoek weens aantygings van omkopery en korrupsie in Mauritanië volgens die Sydney Morning Herald.[6][7] Die AFP het bevind dat die maatskappy onskuldig was aan enige wandade in Mei 2008.
Woodside Petroleum probeer tans om antieke rotstekeninge uit die Burrup skiereiland in Wes-Australië te laat verskuif om toegang te verkry tot 'n natuurlike gasreserwe daar.[8][9]
Wes-Australië es Burrup skiereiland het die wêreld se grootste gebied met rotstekeninge en bevat rotstekeninge van wêreldwye belang wat moontlik terugdateer tot sowat 30 000 jaar gelede, en sluit ook een van die eerste afbeeldings van die menslike gesig in die geskiedenis.[10]
Daar is beweer dat die intense beïnvloeding deur Woodside Petroleum bygedra het tot die besluit van die Australiese kabinet om nie die verhandeling van emissies in Augustus 2000 goed te keur nie.[11]
Verwysings
wysig- ↑ (en) [1] Geargiveer 16 Februarie 2011 op Wayback Machine
- ↑ http://www.woodside.com.au/Profile/History.htm Geargiveer 3 Maart 2008 op Wayback Machine Geskiedenis van Woodside Petroleum, nagegaan op 20 Augustus 2007
- ↑ http://au.finance.yahoo.com/q/apr?s=WPL.AX Yahoo Finance – Profiel van Woodside Petroleum Ltd; nagegaan op 20 Augustus 2007
- ↑ http://www.woodside.com.au/NR/rdonlyres/B56F619A-1FB9-4516-B921-D1EF8F5535ED/0/SaleofMauritaniaInterests.pdf Geargiveer 22 Julie 2008 op Wayback Machine Aankondiging deur die maatskappy met betrekking tot die verkoop van hul belange in Mauretanië, nagegaan op 27 September 2007
- ↑ "Mauritania and firm row over oil". BBC News. 6 Februarie 2006.
- ↑ http://www.theage.com.au/news/business/police-start-woodside-probe-over-bribery-claim/2006/10/12/1160246263011.html – Nuusberig oor vervolging
- ↑ http://www.smh.com.au/news/business/slick-operator/2006/06/02/1148956541283.html?page=fullpage#contentSwap2 Sydney Morning Herald – Besigheidsverslag
- ↑ http://mc2.vicnet.net.au/home/dampier/web/index.html Geargiveer 1 Januarie 2007 op Wayback Machine Webblad van 'n groep wat die Dampier rotstekeninge wil bewaar
- ↑ http://www.deh.gov.au/cgi-bin/ahdb/search.pl?mode=place_detail;place_id=105711[dooie skakel] – Australian Heritage Databasis
- ↑ http://www.standupfortheburrup.com/ Geargiveer 24 Desember 2008 op Wayback Machine Aktiviste webwerf vir die bewaring van die Burrup
- ↑ http://www.highanddry.com.au/ Guy Pearse, High & Dry: John Howard, Climate Change and the Selling of Australia's Future, Penguin (Australië) 2007, bladsy 75