'n Wurgknoop (Engels: strangle knot) is 'n knoop, soortgelyk aan die konstriktorknoop (Engels: constrictor knot), behalwe vir die twee kante wat by die sye uitsteek, en nie by die bo- en onderkant soos by die konstriktorknoop nie.

Wurgknoop (Enkel)

Gebruike wysig

Hierdie knoop is baie effektief om silindriese voorwerpe mee vas te maak. Dit kan ook gebruik word om twee stokke 90° met mekaar vas te maak (bv. die stutte van 'n vlieër), of om voorwerpe permanent of semi-permanent vas te bind. Dit is veral geskik vir take waar die punte naby die knoop afgesny moet word, sonder dat die knoop losgaan. Die knoop moet egter eers styf vasgetrek word voor die punte afgesny word.

Eienskappe wysig

Dit is 'n baie veilige knoop, wat nie maklik losgaan nie, maar ook baie moeilik is om los te maak. As hierdie knoop styfgetrek is, word gereedskap soos bv. 'n els benodig om dit los te maak, of soms moet dit selfs afgesny word om dit los te kry.

Verwante knope wysig

Verwante knope sluit o.a. die volgende knope in:

 
Dubbele wurgknoop
 
Boaknoop