Yan Pascal Tortelier
Yan Pascal Tortelier (gebore op 19 April 1947) is 'n Franse dirigent en violis. Hy is in Parys gebore en is die seun van die tjellis Paul Tortelier, asook die broer van Maria de la Pau. Tortelier het op 4-jarige leeftyd met klavier - en vioolstudies begin. Teen die ouderdom van veertien jaar was hy 'n pryswenner in viool by die Paryse Konservatoria.[1]
Tortelier het baie werk in die Verenigde Koninkryk gedoen. Hy was vanaf 1989 tot 1992 die hoofdirigent van die Ulster Simfonieorkes gewees. Hy het ook vanaf 1992 tot 2003 gedien as Hoofdirigent van die BBC Filharmoniese Orkes in Manchester, en hou tans die titel van dirigent-emeritus met die orkes. Hy was verder ook 'n prinsipiële gasdirigent van die Nasionale Jeugorkes van Groot Brittanje. Tortelier het van 2005 tot 2008 as die Prinsipiële Gasdirigent van die Pittsburgh Simfonieorkes gedien. Hy was van 2009 tot 2011 hoofdirigent van die Orquestra Sinfônica do Estado de São Paulo gewees, en het vanaf 2011 tot 2013 die titel gehou van honorêre gasdirigent met die orkes. Tortelier het die eerste keer in 1998 die Yslandse Simfonieorkes gedirigeer. In Oktober 2015 het die orkes die aanstelling van Tortelier as die orkes se volgende hoofdirigent aangekondig - met ingang die 2016-2017 seisoen - met 'n kontrak van drie jaar.[2] Tortelier het in Junie 2019 sy tyd by die orkes beëindig, en sal in 2020 deur Eva Ollikainen vervang word.
Tortelier se opnames sluit sy eie orkestrasie van Ravel se Klaviertrio in. Hy is 'n gereelde opname-kunstenaar vir Chandos Records, en het verskeie kommersiële opnames saam met die BBC Filharmoniese Orkes,[3] die BBC Simfonieorkes,[4] en die São Paulo Simfonieorkes gemaak vir Chandos gemaak.[5] Op Plasson se 1978 opname van Orphée aux enfers kan gehoor word hoe hy die viool solos daarin speel.
Verwysings
wysig- ↑ Rosanna Greenstreet (1 Januarie 1999). "The questionnaire: Yan Pascal Tortelier". The Guardian (in Engels). Geargiveer vanaf die oorspronklike op 15 April 2019. Besoek op 6 Oktober 2015.
- ↑ Iceland Symphony Orchestra (Sinfóníuhljómsveitar Íslands) (6 Oktober 2015). "Yan Pascal Tortelier Named Chief Conductor". Persberig. Archived from the original on 22 November 2015. https://web.archive.org/web/20151122072426/http://www.sinfonia.is/en/news/nr/3001/. Besoek op 2015-10-06.
- ↑ Andrew Clements (29 September 2000). "The distiller of dreams". The Guardian (in Engels). Geargiveer vanaf die oorspronklike op 1 Desember 2017. Besoek op 6 Oktober 2015.
- ↑ Andrew Clements (28 Oktober 2010). "Ravel: The Piano Concertos; Debussy: Fantaisie; etc – review". The Guardian (in Engels). Geargiveer vanaf die oorspronklike op 8 April 2019. Besoek op 6 Oktober 2015.
- ↑ Fiona Maddocks (3 Julie 2011). "Schmitt: La tragédie de Salomé; Le palais hanté; Psaume 47 – review". The Guardian (in Engels). Geargiveer vanaf die oorspronklike op 8 April 2019. Besoek op 6 Oktober 2015.
Eksterne skakels
wysig| Kulturele poste | ||
|---|---|---|
| Voorafgegaan deur Vernon Handley |
Hoofdirigent, Ulster Simfonieorkes 1989–1992 |
Opgevolg deur Dmitri Sitkovetski |
| Voorafgegaan deur Edward Downes |
Hoofdirigent, BBC Filharmoniese Orkes 1992–2003 |
Opgevolg deur Gianandrea Noseda |
| Voorafgegaan deur John Neschling |
Hoofdirigent, Orquestra Sinfônica do Estado de São Paulo 2009–2011 |
Opgevolg deur Marin Alsop |