Île de la Possession

Die 150 km² groot Île de la Possession is die grootste van die vyf Crozeteilande. Die eiland se naam verwys na die In-besit-neem plegtigheid wat op 24 Januarie 1772 gehou is toe Julien Crozet aan wal gegaan het en 'n bottel met 'n perkament in die naam van koning Louis XV van Frankryk neergelê het. Die eiland se bergagtige landskap word deur diep gletservalleie deurkruis. Die hoogste punt is die 934 meter hoë Pic du Mascarin. Die valleie en kusgebiede is bedek deur subantarktiese plantegroei. Swart rotte kom op die grootste deel van die eiland voor. Die eiland is onbewoon behalwe vir 'n navorsingstasie, beman deur omtrent 20 mense, aan die oostelike punt. Aan die Ooskus bied die La Baie du Marin beskutting teen die winde uit die weste. Die eerste kamp is in 1961 in die omgewing van La Grande Manchotière opgerig. Die permanente basis is in 1963–1964 op die plato bo Port-Alfred en la Grande Manchotière aan die voet van Mont Branca opgerig, op 'n hoogte van byna 130 meter. Die naam, Base Alfred Faure is in 1969 aan die basis gegee en dit is vernoem na die Alfred Faure (1925–1968), meteoroloog en eerste hoof van die sending van 1961 tot 1962.

Île de la Possession Inheemse naam: Île de la Possession
Kaart van die Île de la Possession
Geografie
Ligging	Suidelike Oseaan
Koördinate	46°25′S 51°45′O
Argipel	Crozeteilande
Oppervlakte	150 vk km
Hoogste punt	Pic du Mascarin 934 m
Administrasie
Frankryk
Oorsese gebied	Crozeteilande

Île de la Possession (links) en Île de l'Est (regs)

Eksterne skakels

• Virtuele toer van die Crozeteilande
• Bird life inskrywing oor Île de la Possession Geargiveer 29 September 2007 op Wayback Machine