2002 Bali-bomaanvalle

Die 2002 Bali-bomaanvalle het op 12 Oktober 2002 in die toeristedistrik Kuta, Bali, Indonesië plaasgevind. Die aanval is gedoen deur lede van Jemaah Islamiyah, 'n Islamitiese terreurgroep en 'n bondgenoot van Al-Kaïda.

Die Bali-bomaanvalle gedenkteken.

AanvalWysig

Lede van die Jemaah Islamiyah-terreurgroep het twee bomme in die volgepakte Sari Club en Paddy's Pub laat ontplof.[1] Altesaam 202 mense is in die ontploffings dood, waarvan 88 Australiëers was. Twee Suid-Afrikaners het ook gesterf. 'n Derde bom het rondom dieselfde tyd buite die Amerikaanse konsulaat in Denpasar, Bali ontplof.[1]

GevolgeWysig

Kort ná die bomontploffings het die Indonesiese polisie verskeie lede van Jemaah Islamiyah gearresteer.[2] Imam Samudra, Amrozi Nurhasyim en Huda bin Abdul Haq is skuldig bevind en in November 2008 deur 'n vuurpeloton tereggestel.

Op 19 Januarie 2022 is Arif Sunarso, ook bekend as Zulkarnaen, gevangenisstraf van 15 jaar opgelê vir sy aandeel aan die Bali-bomaanvalle.[3] Zulkarnaen het vir 18 jaar lank inhegtenisneming ontduik en is in Desember 2020 in Lampung, Indonesië gearresteer.[3]

Sterftes volgens nasionaliteitWysig

Land Aantal sterftes[4]
  Australië 88
  Indonesië 38
  Verenigde Koninkryk 23
  Verenigde State 7
  Duitsland 6
  Swede 6
  Nederland 4
  Frankryk 4
  Denemarke 3
  Switserland 3
  Nieu-Seeland 2
  Brasilië 2
  Kanada 2
  Japan 2
  Suid-Afrika 2
  Suid-Korea 2
  Ekuador 1
  Griekeland 1
  Ierland, Republiek van 1
  Italië 1
  Pole 1
  Portugal 1
  Taiwan 1
Onbekend 2
Totaal 202

Sien ookWysig

VerwysingsWysig