Die 2013 7’s Premierliga was die tweede toernooi van die 7s Premierliga wat op 11 en 12 Januarie 2014 op Outeniekwapark in George gehou is. Die toernooi sou aanvanklik op 14 en 15 Desember 2013 gehou woord maar is uitgestel na die afsterwe van Nelson Mandela.[1]
Die spanne is opgedeel in vier poele van drie spanne elk. Op dag een het elke span in Poel A teen elke span in Poel B gespeel, so ook Poele C en D. Die boonste twee spanne in elke poel het gekwalifiseer vir die Bekerkwarteindronde en die onderste spanne in elke poel het in die Bakhalfeindstryd gespeel. Die wenners van die Bekerkwarteindrondes het deurgedring na die Bekerhalfeindstryde en die verloorders het in die Plaathalfeindrondes gespeel. Elkeen van die Beker, Plaat en Bak het dus ’n eerste tot vierde posisie waarvoor gespeel is.
