3. Liga

Die 3. Liga oftewel Dritte Liga is die derde hoogste vlak van Duitse sokker. Die liga is op 25 Julie 2008 gestig en het met die seisoen 2008–09 afgeskop.

3. Liga
2020–21
Kenteken van die 3. Liga
Sportsoort	Sokker
Gestig	25 Julie 2008
Eienaar	Duitse sokkerbond
Inwydingseisoen	2008–09
Deelnemende lande	Duitsland
Aantal spanne	20
Mees onlangse kampioen	Bayern München II (2019–20)
Verwante kompetisies	Bundesliga 2. Bundesliga

Die Regionalliga, wat tans uit twee stapels bestaan (Noord en Suid), sal met die inwerkingtreding van die 3. Liga die vierde vlak van Duitse sokker word en uit 3 stapels bestaan.

Reserwespanne

Anders as die Bundesliga en die 2. Bundesliga, sal reserwespanne in die 3. Liga toegelaat word. In ruil vir hierdie reg sal hulle egter voortaan nie meer aan die DFB-Pokal mag deelneem nie.

In die nuwe kompetisie-opset sal 'n maksimum van 4 reserwespanne in die eerste seisoen mag meeding, maar daarna sal hulle gepromoveer en gerelegeer word net soos enige ander klub.

Modus

Die 3. Liga sal uit 'n enkele stapel van 20 spanne bestaan. Vir die eerste seisoen sal die spanne as volg saamgestel word:

• Die 4 spanne wat uit die 2. Bundesliga gerelegeer word.
• Die spanne wat 3de tot 10de eindig in elk van die Regionalliga Suid en Noord (die spanne wat eerste en tweede eindig promoveer na die 2. Bundesliga).

Aan die einde van die eerste seisoen (2008/09) sal die klubs wat eerste en tweede eindig direk na die 2. Bundesliga promoveer (behalwe reserwespanne, wat nie kwalifiseer vir 2. Bundesliga-lisensies nie). Die klub wat derde eindig sal 'n uitspeelwedstryd speel teen die span wat derdelaaste eindig in die 2. Bundesliga.

Die laaste drie spanne onder aan die punteleer van die 3. Liga sal jaarliks relegeer na die Regionalliga, terwyl die klubs wat eerste eindig in elk van die drie Regionalligastapels promoveer na die 3. Liga.

Lisensiëring

Klubs wat in die 3. Liga wil meeding sal om 'n lisensie moet aansoek doen, net soos vir die ander Duitse ligas. Lisensiëring is onderhewig aan gesonde finansies, 'n funksionele jeugafdeling en sekere veiligheidstandaarde by die klub se tuisveld. Die tuisveld sal verder 'n kapasiteit van mistens 10 000 moet hê om vir 'n lisensie te kwalifiseer.

Eksterne skakels

• Deutscher Fußball-Bund (DFB)
• Kicker.de
• 3. Liga wedstrydplan by Weltfussball.de

3. Liga 2010/11-seisoen

Rooiwit Ahlen – SV Babelsberg 03 – 1. FC Heidenheim 1846 – FC Hansa Rostock – Kickers Offenbach – FC Rooiwit Erfurt – SpVgg Unterhaching – FC Bayern München II – SV Sandhausen – VfB Stuttgart II - Eintracht Brunswyk – TuS Koblenz – Dynamo Dresden – SV Wacker Burghausen – SV Wehen – VfR Aalen – SSV Jahn Regensburg – FC Carl Zeiss Jena – SV Werder Bremen II – 1. FC Saarbrücken