Maak hoofkeuseskerm oop
747 Wing House, 'n ongewone struktuur in die Santa Monica-berge
Vervoer van 'n vlerk
'n Boeing Chinook CH-47 dubbelenjin-vraghelikopter het een van die vlerke na die bouperseel geneem

747 Wing House is 'n unieke en ongewone woonhuis wat die vlerke van 'n uit bedryf gestelde Boeing 747-100-makrostraler as dakelemente bevat. Die huis, wat noordwes van Malibu, Kalifornië in Ventura County se gedeelte van die Santa Monica-berge geleë is, het internasionale mediasensasie veroorsaak weens sy ongewone ontwerp, sy volhoubare gebruik van hersikleerde materiale, die opspraakwekkende vervoer van die vliegtuigvlerke per vragmotor en helikopter na die bouperseel en die kreatiewe hergebruik van verlate infrastruktuur vir 'n beduidende argitektoniese werk.

Naas die vlerke is ook ander dele van die vliegtuig hergebruik as bouelemente. Dele van die vliegtuigromp is omgebou tot 'n kunsateljee, 'n gastehuis en 'n skuur, terwyl die vlieënierskajuit as meditasieruimte dien.

Die projek, wat in 2011 voltooi is nadat owerhede jare lank geskroom het om hul toestemming daaraan te verleen, is behartig deur die Amerikaanse argitek David Randall Hertz, 'n genoot van die American Institute of Architects, en sy ateljee Studio of Environmental Architecture, in samewerking met sy vennoot Lucas Goettsche.

GeskiedenisWysig

PerseelWysig

Die huis is op 'n 55-akker-erf 'n entjie af van Cotharin Road, noordwes van Malibu teen die westelike rand van die Santa Monica-berge in die distrik Ventura County gebou. Dit was oorspronklik die eiendom van die Hollywood-toneelontwerper Tony Duquette (1914–1999). Duquette se privaat woning is in 1993 in 'n verwoestende brand, die Green Meadow- of Malibu-brandramp, heeltemal in puin gelê, saam met 'n twintigtal strukture wat Duquette en sy vrou van hersikleerde voorwerpe en rolprent-coulisses geskep het.[1][2][3]

VerwysingsWysig