Maak hoofkeuseskerm oop

American Institute of Architects

American Institute of Architects logo.svg.png

OctagonHouse-Washington-DC DSC6648.jpg

American Institute of Architects (AIA)

Washington, DC
Vlag van Verenigde State van Amerika Verenigde State


Stigting

23 Februarie 1857


Tipe

Nie-regeringsorganisasie (NRO)


Hoof uitvoerende beampte

Robert A. Ivy, FAIA


AIA Voorsitter

William J. Bates, FAIA


Webtuiste
www.aia.org

Die American Institute of Architects (AIA) is die leidende beroepsorganisasie van Amerikaanse argitekte wat in 1857 deur dertien argitekte in New York gestig is en sy hoofkwartier sedert 1898 in die historiese Octagon House in Washington, DC gehad het (tans in die American Center for Architecture, 'n moderne kantoorgebou vlakby Octagon House wat in die 1960's opgerig is).

Die AIA se ledetal van meer as 94 000 sluit gelisensieerde argitekte (AIA - Licensed Architects), beroepslui in bouverwante beroepe soos bou-ingenieurs en vennote in wat in meer as 260 afdelings op deelstaat- en plaaslike vlak georganiseer is. Die eerste internasionale AIA-afdeling vir Amerikaanse argitekte en praktyke, wat in die buiteland werksaam is, is in 1993 in Londen gevestig. Later het afdelings in vastelandse Europa (1994), Hong Kong (1997), Japan (2005), die Midde-Ooste (2010) en Shanghai (2015) gevolg.[1]

Die AIA voer 'n verskeidenheid programme deur ter bevordering van die argiteksberoep. Sy aktiwiteite sluit ook die toekenning van eerbewyse en pryse in soos die AIA se Goue Medalje en die Architecture Firm Award. Die AIA tree daarnaas as gasheer op van die jaarlikse AIA National Convention and Design Exposition, een van die grootste vergaderings van argitekte en professionele ontwerpers in die Verenigde State. Die AIA organiseer 'n jaarlikse konferensie oor argitektuur waarvan die volgende, die A’20 Conference on Architecture 2020, tussen 14 en 16 Mei 2020 in Los Angeles gehou sal word.[2]

Architectural AdventuresWysig

Die AIA organiseer sy eie reisprogram vir argitektuur-entoesiaste of ander belangstellendes na internasionale bestemmings met 'n belangrike argitektoniese en kulturele erfenis. Deskundiges verskaf as toergidse agtergrondinligting oor die betrokke plekke in 'n internasionale konteks.[3]

In 2020 bring klein toergroepe van Architectural Adventures-reisigers besoeke aan Havana, Trinidad en Cienfuegos in Kuba, Egipte, die waterweë van Nederland, Japan, Portugal en Noord-Spanje, Berlyn, Marokko, Brasilië, Peru, die Ryn, die Donau en die Baltiese hoofstede Tallinn, Riga en Vilnius.

VerwysingsWysig

Eksterne skakelsWysig