A.E. Waite
Arthur Edward Waite (2 Oktober 1857 - 19 Mei 1942) was 'n Britse digter en mistikus wat baie geskryf het oor die okkulte en Westerse eroteriese sake. Hy was ook die medeskepper van die Rider-Waite-tarotpak.
A.E. Waite | |
|---|---|
 Waite in 1911. | |
| Gebore | Arthur Edward Waite 2 Oktober 1857 Brooklyn, New York, VSA |
| Sterf | 19 Mei 1942 (op 84) Londen, Engeland |
| Bekend vir | Rider-Waite-tarotpak |
| Noemenswaardige werke |
|
Hy was 'n Vrymesselaar en lid van die Hermetiese Orde van die Goue Daeraad. Hy het die grootste deel van sy lewe in of naby Londen gewoon, waar hy aan verskeie uitgewerye verbonde was en die redakteur van die tydskrif The Unknown World was.
Skrywer
wysigWaite was 'n skrywer en het verskeie tekste geskryf oor onderwerpe soos waarsêery, esoterie, vrymesselary, seremoniële towerkuns, kabbala en alchemie; hy het ook verskeie werke oor misterie vertaal en heruitgereik.[1][2]
Tarotkaarte
wysigWaite is veral bekend vir sy betrokkenheid by die Rider-Waite-tarotpak, wat in 1910 die eerste keer gepubliseer is, met illustrasies deur 'n medelid van die Goue Daeraad, Pamela Colman Smith. Waite het die meegaande boekie, die Key to the Tarot, geskryf en dit is in 1911 uitgebrei en gepubliseer as die Pictorial Key to the Tarot, 'n gids vir die lees van tarotkaarte.[3] Die Rider-Waite-tarot was die eerste pak waarin al 78 kaarte ten volle geïllustreer is, in 'n tyd toe net die 22 kaarte van die Groot Arcana gewoonlik geïllustreer was. Die pak het 'n groot invloed gehad op moderne okkulte tarot.
Verwysings
wysig- ↑ Anon (n.d.). "Arthur E. Waite". Freemasonry.bcy.ca. Grand Lodge of British Columbia and Yukon. Besoek op 30 November 2022.
- ↑ Gilbert, R. A. (1987). A. E. Waite: Magician of Many Parts (1ste uitg.). Wellingborough, Northamptonshire: Crucible. ISBN 185274023X.
- ↑ Waite, A. E. (1911a). The Pictorial Key to the Tarot. Londen: William Ryder & Son, Ltd.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
