ACE-kabel
Die ACE-kabel is ‘n ondersese optiese vesel-kommunikasiekabel vir data-uitruiling tussen Europa en die lande aan die weskus van Afrika.
Hierdie kabel het ‘n lengte van 17000km en strek van Penmarck in Frankryk en Carcavelos (net wes van Lissabon) op die bedding van die Atlantiese Oseaan tot by Van Riebeeckstrand by Kaapstad. Dit bied ‘n diens aan ‘n 400 miljoen mense in 24, lande insluitende Mali en Niger wat beide nie ‘n kuslyn het nie. Die kabel het ‘n kapasiteit van 5.12 teragrepe per sekonde.
‘n Groot konsortium onder leiding van die Franse telekommunikasiereus Orange is die eienaars. Die kabel is op 15 Desember 2012 in werking gestel.
Die naam ACE-kabel is ‘n akroniem vir African Coast to Europe. Suid-Afrika word deur minstens vier ander soortgelyke kabels aan die internet verbind.
Ander kabels
wysig- SAT-3/WASC-kabel
- WACS-kabel
- SEACOM
- EASSy-kabel
- SACS-kabel
Bibliografie
wysig- acerafrica.co.za