Wikipedia

AVN

Amerikaanse vaktydskrif vir die volwassevideobedryf.

Adult Video News (ook bekend as AVN) is ’n Amerikaanse vaktydskrif vir die volwassevideobedryf. Volgens The New York Times is AVN vir pornografiese rolprente wat Billboard vir musiekalbums is. AVN borg die jaarlikse Adult Entertainment Expo, of AEE, in Las Vegas, Nevada, asook ’n prysseremonie vir die volwassebedryf, die AVN-pryse, wat op die Oscars geskoei is.[3][4]

Adult Video News
Redakteur
Kategorieë Vaktydskrif
Frekwensie Maandeliks
Uitgewer Theo Sapoutzis[1]
Totale Oplaag 40 000 (2006)[2]
Jaar gestig 1983
Eerste uitgawe 1983
Land VSA
Taal Engels
Webwerf www.avn.com
ISSN 0883-7090

AVN gradeer pornoflieks en berig oor nuus in die bedryf. Tot 500 fliekresensies kan in een uitgawe voorkom.[5][6] Sowat 80% van die tydskrif bestaan uit advertensies en is gemik op handelaars in volwassevideo's.

Geskiedenis

wysig

Paul Fishbein, Irv Slifkin en Barry Rosenblatt het AVN in 1983 in Philadelphia, Pennsilvanië, gestig. Slifkin is in 1984 weg; hy het belangstelling verloor in die resensering van pornoflieks ná die skuif van rolprente na video's. Rosenblatt en Fishbein het in 1987 ’n uitval gehad en eindelik het Fishbein die tydskrif na die San Fernando-vallei in Kalifornië geskuif van waar dit nog steeds bedryf word.[7] Hy het die maatskappy in 2010 verkoop.[1]

AVN word wyd aangehaal oor verskeie sterre in die pornobedryf en die bedryf se inkomste.[8][9][10] AVN raam die verkoop en uithuur van pornovideo's het in 2000[8] en 2002[9] sowat $4 miljard ingebring. Forbes het dit egter oordrewe genoem en ’n ander bron raam dit op sowat $1,8 miljard.[8]

AVN-pryse

wysig
Die hoofartikel vir hierdie afdeling is: AVN-prys.

AVN hou elke jaar ’n prystoekenningsaand wat op die Oscars geskoei is.[11][12][13] Daar is meer as 100 kategorieë en meer as 3 500 mense woon dit gewoonlik by.[14] David Foster Wallace het skepties opgemerk AVN het in 1997 meer as 4 000 nuwe uitreikings in elke kategorie geresenseer, teenoor die 375 flieks wat vir die Oscars gekyk moes word.[2] Dié getal het in 2008 vermeerder tot 8 000, en Paul Fishbein het opgemerk dit is "’n lang, verskriklike proses".[15] Volgens The New York Times is "die presiese kriteria vir die wen van ’n AVN nie, wel, eksplisiet nie".[16] Pryse gaan dikwels na gereelde adverteerders in die tydskrif.[17]

Die seksskrywer Violet Blue het gesê dieselfde maatskappye en name wen jaar ná jaar . . . "Om aan die 'porno-Oscars' te dink as ’n ware verteenwoordiging van porno se heel bestes, is soos om seks te hê met ’n Jenna Jameson-pop en vir jou vriende te vertel jy het met die pornoster bed toe gegaan."[18]

GayVN-pryse

wysig

AVN het ook elke jaar die GayVN-pryse geborg vir die gay pornobedryf nadat dit van 1988 tor 1998 deel was van die AVN-pryse. Dié toekenningsaand is ná 2010 vir 'n paar jaar nie gehou nie, maar is in 2018 hervat.

Verwysings

wysig
  1. ↑ 1,0 1,1 Nick Wingfield (9 Januarie 2012). "Silicon and Silicone Split, as C.E.S. and Adult Entertainment Expo Part Ways". The New York Times (in Engels). Geargiveer vanaf die oorspronklike op 30 Januarie 2020. Besoek op 10 Januarie 2012.
  2. ↑ 2,0 2,1 David Foster Wallace (12 Maart 2006). "First Chapter - 'Consider the Lobster'" (in Engels). New York Times. Geargiveer vanaf die oorspronklike op 25 April 2016. Besoek op 2 Januarie 2008.
  3. ↑ Timothy Egan (23 Oktober 2000). "Wall Street Meets Pornography". New York Times. Besoek op 6 Augustus 2014.
  4. ↑ Steve Kroft (5 September 2004). "Porn In The U.S.A." (in Engels). 60 Minutes. Geargiveer vanaf die oorspronklike op 4 November 2013. Besoek op 2 Januarie 2008.
  5. ↑ Frank Rich (27 Julie 2003). "Finally, Porn Does Prime Time". New York Times. Besoek op 9 Augustus 2014.
  6. ↑ DPA, Los Angeles (17 Julie 2003). "Porn loses seedy image, becomes mainstream in US" (in Engels). Taipei Times. Geargiveer vanaf die oorspronklike op 28 Junie 2018. Besoek op 2 Januarie 2008.
  7. ↑ Anthony Layser (9 Januarie 2008). "Porn Supremecy" (in Engels). Philadelphia Weekly. Geargiveer vanaf die oorspronklike op 23 Februarie 2009. Besoek op 18 Januarie 2008.
  8. ↑ 8,0 8,1 8,2 Dan Ackman (25 Mei 2001). "How Big Is Porn?" (in Engels). Forbes. Geargiveer vanaf die oorspronklike op 16 April 2020. Besoek op 2 Januarie 2008.
  9. ↑ 9,0 9,1 Bill Keveney (16 Oktober 2003). "Hollywood gets in bed with porn" (in Engels). USA Today. Geargiveer vanaf die oorspronklike op 26 Junie 2012. Besoek op 2 Januarie 2008.
  10. ↑ Jonathan Silverstein (19 Januarie 2006). "Is Porn a Growing or Shrinking Business?" (in Engels). ABC News. Geargiveer vanaf die oorspronklike op 3 Maart 2016. Besoek op 2 Januarie 2008.
  11. ↑ "The Oscars of porn" (in Engels). Sydney Morning Herald. 9 Januarie 2006. Geargiveer vanaf die oorspronklike op 16 Desember 2017. Besoek op 25 Julie 2007.
  12. ↑ Brent Hopkins (3 Junie 2007). "Porn: The Valley's secret industry" (in Engels). Los Angeles Daily News. Geargiveer vanaf die oorspronklike op 29 Julie 2013. Besoek op 25 Julie 2007.
  13. ↑ David Schmader (9 Maart 2000). "Porn's Big Night" (in Engels). The Stranger. Geargiveer vanaf die oorspronklike op 24 Junie 2018. Besoek op 25 Julie 2007.
  14. ↑ Stuart McGurk (4 Maart 2006). "And the winner is ..." (in Engels). The Guardian. Geargiveer vanaf die oorspronklike op 28 Junie 2018. Besoek op 4 Januarie 2008.
  15. ↑ Adam Tanner (14 Januarie 2008). "Porn industry seeks recognition with annual awards" (in Engels). Reuters. Geargiveer vanaf die oorspronklike op 6 April 2009. Besoek op 15 Januarie 2008.
  16. ↑ Matt Richtel (10 Januarie 2006). "A Night to See the Stars Actually Wearing Clothes". The New York Times (in Engels). Geargiveer vanaf die oorspronklike op 3 Mei 2016. Besoek op 5 Januarie 2008.
  17. ↑ The teenager & the porn star: will 18-year-old Sasha Grey become the adult film industry's next Jenna Jameson? Los Angeles Magazine
  18. ↑ Violet Blue (18 Januarie 2007). "The Rise of Indie Porn?" (in Engels). SF Gate. Geargiveer vanaf die oorspronklike op 23 Augustus 2009. Besoek op 4 Januarie 2008.

Eksterne skakels

wysig
Ontsluit van "https://af.wikipedia.org/w/index.php?title=AVN&oldid=2431697"