1983

Die jaar 1983 was 'n gewone jaar wat volgens die Gregoriaanse kalender op 'n Saterdag begin het. Dit was die 83ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 10 Januarie - Die konsep tegnologiese singulariteit word vir die eerste keer geartikuleer deur die wetenskapfiksie skrywer Vernor Vinge in die Omni tydskrif.
• 18 April – 'n Selfmoordbomaanvaller vernietig die VSA ambassade in Beiroet, Libanon.
• 25 April – Pioneer 10 reis verby Pluto se wentelbaan.
• 20 Mei – Agtien mense is in die Kerkstraat-bomontploffing in Pretoria dood en 217 is beseer.
• 9 Junie – Margaret Thatcher herverkies as Britse Eerste Minister.
• 9–25 Junie – Die 3de Krieketwêreldbeker word in Engeland en Wallis aangebied en deur Indië gewen.
• 13 Junie – Pioneer 10 word die eerste mensgemaakte voorwerp om die sonnestelsel te verlaat.
• 18 Junie – Eerste Amerikaanse vrou in die ruimte: Sally Ride.
• 24 Junie – Sally Ride, die eerste vroulike ruimtevaarder van die VSA keer terug na die aarde.
• 5 Augustus – Die skip Castillo de Bellver slaan aan die brand en veroorsaak 'n groot olie-besoedelingsramp aan die Weskus van Suid-Afrika.
• 1 September – Die handelslugredery-vliegtuig Korean Air Vlug 7, met 246 passasiers en 23 bemanningslede aan boord, word deur 'n Sowjet Soechoi Su-15 vegvliegtuig afgeskiet.
• 19 September – St. Kitts en Nevis word van die Verenigde Koninkryk onafhanklik.
• 23 September – Gerrie Coetzee van Suid-Afrika word die eerste swaargewigbokskampioen vanuit Afrika.
• 10 Oktober – Die Israelse Shamir I-kabinet onder leiding van eerste minister Yitzhak Shamir word geïnstalleer.
• 15 Oktober – Die 1983 Suid-Afrikaanse Grand Prix vind plaas.
• 15 November – Die Turkse Republiek van Noord-Siprus verklaar eensydig sy onafhanklikheid van Siprus.

Geboortes

• 8 Januarie – Kim Jong-oen, huidige Noord-Koreaanse staatshoof
• 18 Januarie – Caroline Wöstmann, Suid-Afrikaanse ultramaraton-atleet
• 4 Maart – Jaque Fourie, Springbokrugbyspeler (senter)
• 10 April – Ryan Merriman, Amerikaanse akteur.
• 13 April – Schalk Burger, Springbokrugbyspeler (flank)
• 13 Mei – Grégory Lemarchal, Franse sanger († 2007)
• 11 Junie – Wynand Olivier, Springbokrugbyspeler (senter)
• 12 Junie – Anja Rubik, Poolse foto- en loopplankmodel
• 27 Junie – Dale Steyn, Suid-Afrikaanse toetskrieketspeler
• 1 Julie – Izak Davel, Suid-Afrikaanse akteur, sanger, danser en model
• 12 Julie – Bryan Habana, Springbokrugbyspeler (vleuel)
• 20 Julie – Phumzile van Damme, uitgetrede DA-politikus.
• 14 Augustus – Mila Kunis, Amerikaanse aktrise
• 19 Augustus – Reeva Steenkamp, Suid-Afrikaanse model († 2013)
• 20 Augustus – Christo Davids, Suid-Afrikaanse akteur
• 14 September – Amy Winehouse, Britse sangeres en liedjieskrywer († 2011)
• 18 September – Sasha Son, Litause sanger en liedjieskrywer
• 6 Oktober – Sunette Viljoen, Suid-Afrikaanse Olimpiese atleet en krieketspeler
• 15 Oktober – Bruno Senna, Brasiliaanse renjaer
• 21 November – Ronald Lamola, Suid-Afrikaanse prokureur en politikus, Minister van justisie en korrektiewe dienste

Sterftes

• 8 Januarie – Gerhard Barkhorn, Duitse bobaasvlieënier en slegs die tweede vegvlieënier wat meer as 300 vyandige vliegtuie kon neerskiet (* 1919).
• 30 Januarie – Fritz Machlup, Oostenryks-Amerikaanse ekonoom (* 1902).
• 25 Februarie – Tennessee Williams, Amerikaanse dramaturg (* 1911).
• 3 Maart – Hergé, die skepper van die Kuifie reeks kinderstories (* 1907).
• 4 April – Gloria Swanson, Amerikaanse aktrise (* 1899)
• 30 April – George Balanchine, Russiese danser (* 1904).
• 7 Julie – Herman Kahn, Amerikaanse fururis (* 1922).
• 10 Julie – G.D. Scholtz, Suid-Afrikaanse geskiedkundige, skrywer en koerantredakteur. (* 1905).
• 19 Julie – Erik Ode, Duitse akteur (* 1910).
• 25 Julie – M.I. Murray, Afrikaanse lektrise, skrywer en dramaturg (* 1899).
• 29 Julie – David Niven, Britse akteur (* 1910).
• 10 September – John Vorster, Suid-Afrikaanse politikus, sewende Eerste Minister van Suid-Afrika (1966–1978) en vierde Staatspresident van Suid-Afrika (1978–1979) (* 1915).
• 25 September – Leopold III van België, koning van België (* 1901).
• 4 November – Hendrik Bernardus Thom, 'n bekroonde Afrikaanse skrywer en historikus (* 1905).
• 2 Desember – Fifi D'Orsay, Amerikaanse aktrise (* 1904).
• 25 Desember – Joan Miró, Spaans-Katalaanse skilder (* 1893).
• Onbekend – Leon Maré, 'n Afrikaanse skrywer en Hertzogpryswenner vir prosa (* 1889).