Shou Zi Chew
Shou Zi Chew (gebore 1 Januarie 1983) is 'n Singapoerse sakeman en entrepreneur wat sedert 2021 as hoof uitvoerende beampte van TikTok gedien het.[1][2][3]
Vroeë lewe en opvoeding
wysigChew is op 1 Januarie 1983 in Singapoer gebore.[4] Hy is in 'n werkersklasgesin gebore, sy pa het in konstruksie gewerk terwyl sy ma 'n boekhouer was.[5]
Na sy graduering aan die Hwa Chong-inrigting,[5] het Chew voortgegaan om sy nasionale diensplig te doen waartydens hy 'n offisier in die Singapoer Gewapende Magte was.[5]
Na sy militêre diensplig het Shou verder aan die Universiteitskollege van Londen studeer[6] waar hy in 2006 met 'n Baccalaureusgraad in Ekonomie gegradueer het.[7]Hy het daarna 'n Meestersgraad in Besigheidsadministrasie aan Harvard Besigheidskool in 2010 voltooi.[4] Terwyl hy aan Harvard-universiteit gestudeer het, het Chew 'n somer-internskap by Facebook voltooi.[8]
Loopbaan
wysigNadat hy in 2006 aan die University College London gegradueer het, het Shou vir twee jaar by Goldman Sachs in Londen gewerk as 'n bankier voordat hy by die waagkapitaalfirma DST Global aangesluit het.[5] By DST Global het Chew 'n span vroeë beleggers in ByteDance in 2013 gelei.[5] In 2015 het Shou by die slimfoonreus Xiaomi aangesluit as sy finansiële hoof.[5] Hy sou later in 2019 Xiaomi se internasionale sakepresident word. [5]
In Maart 2021 het Shou by ByteDance aangesluit as sy finansiële hoof.[9] Hy het daarna die voormalige uitvoerende hoof van TikTok, Kevin A. Mayer, vervang,[10] wat die filiaalmaatskappy van ByteDance verlaat het na drie maande in die pos. [11]
In Maart 2023 het Chew voor die Amerikaanse Kongres getuig oor die wetgewende poging om TikTok in die Verenigde State te verbied.[12]
Persoonlike lewe
wysigShou het getrou met die Taiwanese Amerikaner Vivian Kao. Hulle het albei in 2008 ontmoet terwyl hulle by Harvard besigheidskool studeer het.[5] Die egpaar het twee kinders.[5]
Chew hou daarvan om te gholf en lees boeke oor teoretiese fisika in sy vrye tyd.[13]
Verwysings
wysig- ↑ "TikTok CEO to meet EU antitrust chief Vestager on Tuesday". Reuters (in Engels). 6 Januarie 2023. Besoek op 13 Januarie 2023.
- ↑ "TikTok CEO Shou Zi Chew Will Launch a European Charm Offensive After the Company Admitted ... - Latest Tweet by Bloomberg". LatestLY (in Engels). 10 Januarie 2023. Besoek op 13 Januarie 2023.
- ↑ "TikTok Launches EU Charm Offensive Amid US Crackdown". Bloomberg.com (in Engels). 10 Januarie 2023. Besoek op 13 Januarie 2023.
- ↑ 4,0 4,1 Thorbecke, Catherine (20 Januarie 2023). "Who is Shou Zi Chew? Mounting scrutiny on TikTok could put new spotlight on its CEO | CNN Business". CNN.
- ↑ 5,0 5,1 5,2 5,3 5,4 5,5 5,6 5,7 5,8 Lee, Amanda (23 Maart 2023). "From Facebook intern to TikTok CEO: Who is Singaporean Chew Shou Zi? | The Straits Times". The Straits Times (in Engels). Besoek op 23 Maart 2023.
- ↑ "State governments are banning TikTok, and global leaders are applauding the effort". Tubefilter (in Engels (VSA)). 10 Januarie 2023. Besoek op 13 Januarie 2023.
- ↑ "TikTok fined $5.4 million by France for 'cookies' related issues". WION. Besoek op 13 Januarie 2023.
- ↑ "Who is TikTok CEO Shou Zi Chew?". WION. Besoek op 23 Maart 2023.
- ↑ AP (11 Januarie 2023). "TikTok boss Shou Zi Chew meets European officials as scrutiny intensifies". www.business-standard.com (in Engels). Besoek op 13 Januarie 2023.
- ↑ Iyengar, Rishi. "What TikTok Has on You". Foreign Policy (in Engels (VSA)). Besoek op 13 Januarie 2023.
- ↑ "TikTok CEO Shou Zi Chew meets with EU Commission vice-president". SABC News - Breaking news, special reports, world, business, sport coverage of all South African current events. Africa's news leader. (in Engels (VSA)). 10 Januarie 2023. Besoek op 13 Januarie 2023.
- ↑ Shepardson, David; Ayyub, Rami (24 Maart 2023). "TikTok congressional hearing: CEO Shou Zi Chew grilled by US lawmakers". Reuters (in Engels). Besoek op 24 Maart 2023.
- ↑ "TikTok Launches EU Charm Offensive Amid US Crackdown". CNN.com (in Engels). 20 Januarie 2023. Besoek op 23 Maart 2023.