20 Mei

20 Mei is die 140ste dag van die jaar in die Gregoriaanse kalender (141ste in skrikkeljare). Daar volg nog 225 dae.

Gebeure

• 526 – Aardbewing: 300 000 mense sterf in Sirië en Antiochië.
• 1285 – Pous Honorius IV gekroon.
• 1293 – Koning Sancho IV van Castile stig die Studie van Algemene skole van Alcala.
• 1497 – John Cabot seil vanaf Bristol met sy skip Mathew opsoek na 'n roete na die weste (ander dokumente dui 'n datum van 2 Mei aan).
• 1498 – Portugese ontdekkingsreisiger Vasco da Gama arriveer by Kalkutta, Indië.
• 1521 – Slag van Pampeluna.
• 1524 – Alessandro Farnese (later Pous Paulus III) word biskop van Porto en Santa Rufina.
• 1570 – Abraham Ortelius gee die eerste moderne atlas uit.
• 1574 – Pous Gregorius XIII publiseer die bul Dominus ac Redemptor noster Jesus wat die Jubileum van 1575 aankondig.
• 1690 – Engeland keur die Act of Grace goed, en vergewe daardeur die aanhangers van Jakobus II.
• 1705 – Pous Clemens XI verklaar Theresa van Portugal heilig.
• 1753 – Pous Benedictus XIV verklaar Juliana van Collalto salig.
• 1776 – Pous Pius VI stel Guido Calcagnini, biskop van Osimo en Cingoli en Angelo Maria Durini, titulêr aartsbiskop van Ancira, president van Avignon, aan as kardinale.
• 1845 – Die HMS Erebus en Terror met 134 mans onder John Franklin seil vanaf die Teemsrivier en begin 'n mislukte ekspedisie om die Noordwestelike weg te vind.
• 1862 – President Abraham Lincoln onderteken die Homestead Act.
• 1874 – Levi Strauss en Jacob Davis verkry 'n VSA-patent vir blou denimbroeke (jeans) met koper klinknaels.
• 1882 – Drievoudige alliansie tussen Duitsland, Oostenryk-Hongarye en Italië.
• 1891 – Eerste publieke vertoning van Thomas Edison se prototipe kinetoskoop.
• 1902 – Kuba verkry onafhanklikheid van die Verenigde State.
• 1916 – Die eerste uitgawe van die maandblad De Huisgenoot verskyn, voorloper van die weekblad Huisgenoot.
• 1927 – Verdrag van Jedda: Saudi Arabië word onafhanklik van die Verenigde Koninkryk.
• 1927 – Teen 7:52 vm vertrek Charles Lindbergh vanaf Roosevelt-vliegveld in Long Island, New York op die wêreld se eerste solo ononderbroke vlug oor die Atlantiese Oseaan (hy land by Le Bourget-vliegveld in Parys teen 10:22 nm die volgende dag).
• 1932 – Amelia Earhart vertrek op die wêreld se eerste solo ononderbroke vlug oor die Atlantiese Oseaan deur 'n vroulike vlieënier.
• 1940 – Holocaust: Die eerste gevangenes arriveer by 'n nuwe konsentrasiekamp by Auschwitz.
• 1941 – Tweede Wêreldoorlog: Slag van Kreta - Duitse troepe val Kreta binne.
• 1954 – Chiang Kai-shek word herverkies as President van die Republiek China op Taiwan.
• 1965 – 'n Boeing 720-B van die Pakistanse lugredery val tydens landing by Kaïro-lughawe, Egipte. 121 mense sterf.
• 1983 – Agtien mense sterf in die Kerkstraat-bomontploffing in Pretoria en 217 word beseer.
• 1985 – Propaganda: Radio Marti begin uit te saai na Kuba.
• 1990 – Die eerste na-Kommunistiese presidensiële en parlementêre verkiesings word gehou in Roemenië.
• 2002 – Herstel van Oos-Timor se onafhanklikheid van Indonesië.

Geboortes

• 1470 – Pietro Bembo, Italiaanse kardinaal († 1547)
• 1737 – William Petty Fitzmaurice, Britse staatsman († 1805)
• 1772 – Heer William Congreve, uitvinder († 1828)
• 1799 – Honoré de Balzac, Franse skrywer († 1850)
• 1806 – John Stuart Mill, Engelse filosoof († 1873)
• 1830 – Hector Malot, skrywer
• 1838 – Jules Méline, Franse Staatsman († 1925)
• 1851 – Emil Berliner, telefoon- en opnamebaanbreker
• 1873 – Anje Hendriks Strik, ma van Hendrik Frensch Verwoerd († 14 Oktober 1940)
• 1882 – Sigrid Undset, outeur en ontvanger van die Nobelprys vir Letterkunde 1928 († 1949)
• 1883 – Koning Faisal I van Irak († 1933)
• 1894 – Adela Rogers St. Johns, outeur († 1988)
• 1901 – Max Euwe, Nederlandse wêreld-skaakkampioen († 1981).
• 1903 – Barbara Hepworth, beeldhouer († 1975)
• 1905 – Gerrit Achterberg, Nederlandse digter († 1962)
• 1906 – Giuseppe Cardinal Siri, senior kardinaal van die Rooms-Katolieke Kerk († 1989)
• 1908 – Jimmy Stewart, akteur († 1997)
• 1911 – Annie M. G. Schmidt, skrywer van kinderboeke
• 1911 – Gardner Fox, skrywer († 1986)
• 1913 – William Hewlett, mede-stigter van Hewlett-Packard († 2001)
• 1914 – Corneliu Coposu, politikus († 1995)
• 1915 – Moshe Dayan, Israeli generaal († 1981)
• 1919 – George Gobel, Amerikaanse komediant († 1991)
• 1921 – Wolfgang Borchert, dramatis († 1947)
• 1921 – Hendrik Vermooten, 'n Suid-Afrikaanse argitek wat veral verantwoordelik was vir die ontwerp van 144 Afrikaanse kerkgeboue († 2013).
• 1933 – Danny Aiello, Amerikaanse akteur
• 1944 – Joe Cocker, Engelse sanger († 2014)
• 1944 – Boudewijn de Groot, sanger
• 1946 – Cher, Amerikaanse sangeres
• 1955 – Zbigniew Preisner, filmkomponis
• 1959 – Bronson Pinchot, Amerikaanse akteur
• 1959 – Israel Kamakawiwo'ole, sanger
• 1971 – Tony Stewart, motorrenjaer
• 1972 – Busta Rhymes, rap-sanger

Sterftes

• 685 – Ecgfrith, Koning van Northumbria.
• 1254 – Koning Conrad IV van Duitsland.
• 1277 – Pous Johannes XXI, die 187ste pous van die Rooms-Katolieke Kerk (* ±1215).
• 1506 – Christopher Columbus, ontdekkingsreisiger (* 1451).
• 1622 – Osman II, sultan van Turkye en keiser van die Ottomaanse Ryk (* 1604).
• 1793 – Charles Bonnet, Switserse naturalis.
• 1841 – Joseph Blanco White, Britse teoloog.
• 1873 – Heer George-Étienne Cartier, Frans-Kanadese staatsman.
• 1896 – Clara Schumann, komponis (* 1819).
• 1917 – Philipp von Ferrary, posseëlversamelaar.
• 1989 – Gilda Radner, Amerikaanse komediant, aktrise (* 1946).
• 1996 – Jon Pertwee, akteur (Doctor Who).
• 2000 – Jean Pierre Rampal, fluitspeler.
• 2019 – Niki Lauda, Oostenrykse Formule Eenrenjaer en 'n driemalige wêreldkampioen (* 1949).