4 April

4 April is die 94ste dag van die jaar in die Gregorian Kalender (95ste in 'n skrikkeljaar). Daar is nog 271 dae in hierdie jaar.

Gebeure

• 1139 – Pous Innocentius II begin die tweede Lateraanse Konsilie.
• 1312 – Pous Clemens V roep op tot 'n nuwe kruistog tydens die konsilie van Vienne.
• 1477 – Koning Lodewyk XI betaal 100000 Gulde aan die Switserse Bondgenootskap om 6000 huursoldate binne die Bondgenootskap te werf.
• 1553 – Giambattista Catagna (later Pous Urbanus VII) word tot biskop gewy.
• 1581 – Ses maande ná sy wêreldomseiling slaan koningin Elizabeth I van Engeland die ontdekkingsreisiger Francis Drake tot ridder.
• 1650 – Benedetto Odescalchi (later Pous Innocentius XI) word biskop van Novara.
• 1792 – Pous Pius VI publiseer Ubi Communis teen die Franse grondwet.
• 1814 – Napoleon tree af vir die eerste keer.
• 1905 – In Kangra, Indië sterf 370 000 mense in 'n aardbewing.
• 1932 – Alfons Paoli Schwartz keer as laaste Duitse krygsgevangene van die Eerste Wêreldoorlog terug na Duitsland. Hy was op Frans-Guayana geïnterneer.
• 1939 – Ghazi I, Koning van Irak sterf en word opgevolg deur sy seun Faisal II. Omdat Faisal II nog minderjarig is aanvaar sy oom Abd ul-Ilah die regentskap.
• 1941 – Die Libiese stad Benghazi word tydens die Tweede Wêreldoorlog deur Duits-Italiaanse pantsereenhede verower.
• 1945 – Die Duitse stad Nordhausen word tydens 'n Britse bomaanval grotendeels vernietig. Tydens die lugaanval sterf meer as 8800 mense, hoofsaaklik burgerlikes.
• 1949 – Die twaalf nasies België, Denemarke, Frankryk, Italië, Kanada, Luxemburg, Nederland, Noorweë, Portugal, die Verenigde Koninkryk, die Verenigde State van Amerika en Ysland teken die Noord-Atlantiese Verdrag en stig die Noord-Atlantiese Verdragsorganisasie.
• 1968 – Apollo 6 word gelanseer.
• 1976 – Prins Sihanouk bedank as leier van Kambodja.
• 1983 – Pendeltuig Challenger se eerste ruimtetog.
• 1984 – President Ronald Reagan vra vir 'n internasionale verbanning van chemiese wapens.
• 1984 – Die kernreaktor by Koeberg wek vir die eerste keer elektrisiteit op.

Geboortes

• 186 – Caracalla, Romeinse keiser († 217).
• 1889 – Henry Fagan, Suid-Afrikaanse skrywer, politikus, regter en joernalis († 6 Desember 1963).
• 1906 – Bea Benaderet, Amerikaanse aktrise († 1968).
• 1928 – Maya Angelou, Amerikaanse skrywer en digter († 2014).
• 1932 – Andrei Tarkofski, Sowjet-Russiese rolprentregisseur, filmteoretikus, toneel- en operaregisseur († 1986).
• 1932 – Anthony Perkins, Amerikaanse akteur († 1992).
• 1935 – Kenneth Mars, Amerikaanse akteur († 2011).
• 1938 – Hermann Giliomee, Suid-Afrikaanse geskiedkundige.
• 1939 – Hugh Masekela, legendariese Suid-Afrikaanse trompetspeler († 2018).
• 1945 – Craig T. Nelson, Amerikaanse akteur "Coach" "The District".
• 1950 – Christine Lahti, Amerikaanse aktrise.
• 1960 – Hugo Weaving, Engelse akteur.
• 1965 – Robert Downey Jr., Amerikaanse akteur.
• 1970 – Barry Pepper, Kanadese akteur.
• 1973 – Ernst van Dyk, Suid-Afrikaanse handfietsrenjaer.
• 1979 – Heath Ledger, Australiese akteur († 2008).

Sterftes

• 896 – Pous Formosus, die 111de pous van die Rooms-Katolieke Kerk (* ±816).
• 1284 – Alfonso X, Koning van Kastilië en León
• 1292 – Pous Nicolaas IV, die 191ste pous van die Rooms-Katolieke Kerk (* 1227)
• 1588 – Frederik II van Denemarke, Koning van Denemarke en Noorweë (* 1534).
• 1617 – John Napier, Skotse wiskundige (* 1550)
• 1774 – Oliver Goldsmith, Ierse skrywer en dokter (* 1728).
• 1841 – William Henry Harrison, generaal en negende President van die Verenigde State (* 1773).
• 1875 – Karl Mauch, Duitse ontdekkingsreisiger van Afrika (* 1837)
• 1968 – Dr. Martin Luther King Jr., burgerregte-aktivis, vermoor in die Lorraine Motel in Memphis, Tennessee, VSA (* 1929).
• 1979 – Ali Bhutto, President en Eerste Minister van Pakistan (* 1928).
• 1983 – Gloria Swanson, Amerikaanse aktrise (* 1899).
• 1984 – Oleg Konstantinowitsch Antonow, Sowjet-Russiese vliegtuigontwerper (* 1906).

Vakansies en vierings

Hierdie dag in die geskiedenis: 04-03 | 04-04 | 04-05