1970

Die jaar 1970 was 'n gewone jaar wat volgens die Gregoriaanse kalender op 'n Donderdag begin het. Dit was die 70ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 5 Januarie – All My Children word vir die eerste keer op die ABC televisienetwerk uitgesaai, en vier in 2005 sy 35ste draaijaar in die Verenigde State.
• 28 Januarie – Die Henley on Klip busramp vind plaas.
• 1 Maart – Ysland betree die Europese Vryhandelsvereniging.
• 11 April – Die ruimtetuig Apollo 13 word gelanseer.
• 17 April – Die ruimtetuig Apollo 13 keer veilig terug.
• 22 April – Die eerste Aardedag word gevier.
• 24 April – Gambië word ’n republiek.
• 4 Mei – Die Kent State-skietvoorval vind plaas in Ohio.
• 31 Mei-21 Junie – Die negende FIFA Sokker-Wêreldbekertoernooi word in Meksiko gespeel, wat deur Brasilië gewen word.
• 4 Junie – Tonga word onafhanklik binne die Britse Statebond.
• 6 September – Vier passasierstralers word tegelykertyd gekaap deur lede van die Populêre Front vir die Bevryding van Palestina (PFBP) waaronder Leila Khaled.
• 3 Oktober – Die National Oceanic and Atmospheric Administration word in Amerika gestig.
• 10 Oktober – Fidji word onafhanklik van die Verenigde Koninkryk.
• 18 Desember – Egskeidingswetgewing kom tot stand ten spyte van teenkanting deur die Rooms-Katolieke Kerk.
• Benoit Mandelbrot speel ’n sleutelrol in die ontwikkeling van chaosteorie deur die konsep van fraktaalmeetkunde bekend te stel.

Geboortes

• 3 Januarie – Rocco de Villiers, Suid-Afrikaanse pianis.
• 27 Januarie – Martin Watt, Suid-Afrikaanse komponis.
• 2 Februarie – Busisiwe Mkhwebane, die huidige Openbare Beskermer van Suid-Afrika.
• 19 Februarie – Kurt Darren, Afrikaanse sanger en liedjieskrywer.
• 16 Maart – Joakim Berg, Sweedse musikant.
• 27 Maart – Mariah Carey, Amerikaanse sangeres.
• 6 April – Irina Bilyk, Russiese sangeres en musikant.
• 19 April – Andre Agassi, Amerikaanse tennisster.
• 3 Julie – Arlene Foster, Noord-Ierse politikus.
• 19 Julie – Nicola Sturgeon, Skotse politikus.
• 8 Augustus – Chester Williams, 'n Springbokrugbyspeler († 2019).
• 31 Augustus – Debbie Gibson, Amerikaanse sangeres en aktrise.
• 3 September – Einat Kalisch-Rotem, Israelse argitekt en burgemeester.
• 8 Oktober – Sadiq Khan, Britse politikus.
• 8 Oktober – Matt Damon, Amerikaanse akteur.

Sterftes

• 2 Februarie – Bertrand Russell, Britse filosoof (* 1872).
• 19 Februarie – Dr. Hendrik Johannes van Eck, Suid-Afrikaanse ingenieur en nyweraar (* 1902).
• 1 Maart – Ed. Hoornik, Nederlandse digter, skrywer, dramaturg (* 1910).
• 16 April – Richard Neutra, Oostenryks-Amerikaanse modernistiese argitek (* 1892).
• 7 Junie – E.M. Forster, Britse skrywer (* 1879).
• 18 Junie – NP van Wyk Louw, Suid-Afrikaanse digter, akademikus en dramaturg (* 1906).
• 21 Junie – Soekarno, Eerste president van Indonesië (* 1901).
• 29 Julie – John Barbirolli, Britse dirigent en tjellis (* 1899).
• 30 Julie – George Szell, Hongaarsgebore Amerikaanse dirigent en komponis (* 1897).
• 8 September – Percy Spencer, Amerikaanse ingenieur en uitvinder van die mikrogolfoond (* 1894).
• 14 September – Rudolf Carnap, Duitse filosoof (* 1891).
• 18 September – Jimi Hendrix, popster (* 1942)
• 28 September – Gamal Abdel Nasser, Egipte se tweede president (* 1918).
• 31 Oktober – Dr. P.C. Schoonees, Afrikaanse leksikograaf (* 1891).
• 9 November – Charles de Gaulle, Franse militêre generaal en staatsman (* 1890).
• 14 Desember – Cecilia Wessels, Suid-Afrikaanse operasangeres (* 1895).