21 Junie

21 Junie is die 172ste dag van die jaar in die Gregoriaanse kalender (173ste in skrikkeljare). Daar volg nog 193 dae in die res van die jaar.

Gebeure

• 1208 – Otto van Wittelsbach vermoor koning Philip van Swabe.
• 1700 – Pous Innocentius XII stel nog drie nuwe kardinale aan, waaronder Johannes Philipp von Lamberg, biskop van Passau.
• 1749 – Halifax, Nova Scotia word gestig.
• 1788 – New Hampshire word die negende deelstaat van die Verenigde State.
• 1813 – Napoleon verloor die Slag van Vitoria.
• 1824 – Cyrus McCormick kry 'n patent vir sy maaimasjien.
• 1870 – Tianjin Massamoord, xenofobie in China.
• 1915 – 'n Wet in Oklahoma wat sekere mense verbied om te stem word deur die Hooggeregshof van die VSA omgekeer in die saak Guinn v. United States.
• 1919 – Die Kanadese berede polisie skiet op 'n skare werklose oorlogsveterane, met twee noodlottig gewond, tydens die 'n algemene staking in Winnipeg.
• 1940 – Tweede Wêreldoorlog: Frankryk kapituleer teen Duitsland.
• 1945 – Tweede Wêreldoorlog: die Amerikaners verower Okinawa.
• 1963 – Pous Paulus VI volg Pous Johannes XXIII op.
• 1964 – Lede van die Ku Klux Klan het burgerreg-aktiviste Andrew Goodman, James Cheney en Mickey Schwerner, vermoor in Mississippi, VSA.
• 1975 – Wes-Indië klop Australië in die eindstryd met 17 lopies en wen sodoende die eerste Krieketwêreldbeker in Engeland.
• 1982 – John Hinckley, sluipskutter van Ronald Reagan, onskuldig bevind weens kranksinnigheid.
• 2009 – Pakistan wen die eindstryd van die tweede T20I-wêreldbeker in Engeland met agt paaltjies teen Sri Lanka.

Geboortes

• 356 v.C. – Alexander die Grote, die koning van Makedonië († 323 v.C.).
• 1002 – Pous Leo IX, die 152ste pous van die Rooms-Katolieke Kerk in Eguisheim, Elsas († 1054).
• 1731 – Martha Washington, Eerste Dame van Amerika († 1802).
• 1732 – Johann Christoph Friedrich Bach, Duitse komponis († 1795).
• 1779 – Sir Christoffel Josephus Brand, die eerste Speaker van die Kaapse parlement († 1875).
• 1857 – Johannes Baptist Hoffman, Duitse Jesuïet, taalkundige en sendeling tot die Munda-mense in Indië († 1928).
• 1868 – Cor Delfos, baanbreker in die Suid-Afrikaanse yster- en staalbedryf († 1933).
• 1884 – Claude Auchinleck, Britse veldmaarskalk († 1981).
• 1891 – Hermann Scherchen, Duitse dirigent († 1966).
• 1905 – Jean-Paul Sartre, Franse filosoof, dramaturg, skrywer, biograaf en aktivis († 1980).
• 1918 – Ds. Phil Olivier, NG predikant, assistent-redakteur Kerkbode († 2008).
• 1919 – Paolo Soleri, Italiaans-Amerikaanse argitek († 2013).
• 1921 – Jane Russell, Amerikaanse rolprentaktrise en sangeres († 2011).
• 1932 – Gert Basson, Afrikaanse skrywer en joernalis.
• 1947 – Meredith Baxter, Amerikaanse aktrise.
• 1948 – Ian McEwan, Britse skrywer van romans en rolprentdraaiboeke.
• 1952 – Gregory David Roberts, Australiese skrywer.
• 1953 – Benazir Bhutto, Pakistanse politikus en voormalige premier († 2007).
• 1955 – Gwede Mantashe, Suid-Afrikaanse politikus en voorsitter van die African National Congress.
• 1982 – William, Prins van Wallis, Britse prins, seun van Charles III.

Sterftes

• 1377 – Edward III, koning van Engeland (* 1312)
• 1527 – Niccolò Machiavelli, historikus en politiese skrywer (* 1469).
• 1582 – Oda Nobunaga, Japannese daimyō en een van die leidende figure in die Sengoku-tydperk (* 1534).
• 1925 – J.H. Leopold, Nederlandse digter (* 1865).
• 1954 – Gideon Sundbäck, Sweedse uitvinder, geassosieer met die ontwikkeling van die ritssluiter (* 1980)
• 1957 – Johannes Stark, Duitse fisikus, Nobelpryswenner (* 1874).
• 1969 – Maureen Connolly, Amerikaanse tennisspeler (* 1934).
• 1970 – Sukarno, president van Indonesië (* 1901)
• 1980 – Pierre Fourie, Suid-Afrikaanse bokskampioen (* 1943)
• 2001 – Carroll O'Connor, Amerikaanse akteur en vervaardiger (* 1924).
• 2001 – Soad Hosny, Egiptiese aktrise (* 1943).
• 2003 – Leon Uris, Amerikaanse soldaat en outeur (* 1924).
• 2013 – Elliott Reid, Amerikaanse akteur en draaiboekskrywer (* 1920).

Vakansies, vierings, en waarnemingsdae

• Wintersonstilstand in die Suidelike Halfrond, en somersonstilstand in die Noordelike Halfrond.
• Nasionale Inboorlingdag in Kanada sedert 1996.