1920

Die jaar 1920 was 'n skrikkeljaar wat volgens die Gregoriaanse kalender op 'n Donderdag begin het. Dit was die 20ste jaar van die 20ste eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• 28 Januarie – Die Afrikaanse Hogere Skool, voorganger van die Afrikaanse Hoër Seunskool, open.
• 14 Februarie – Stigting van Université de Montréal (Kanada).
• 20 April-12 September – Die sewende Olimpiese Somerspele word in Antwerpen, België, aangebied.
• 16 Mei – Pous Benedictus XV verklaar Johanna van Arkel (Jeanne d'Arc) heilig.
• 29 Mei – Giovanni Battista Montini (later Pous Paulus VI) word priester.
• 31 Augustus – Die eerste radio nuusuitsending word in Detroit, Michigan gemaak.
• 15 November – Die eerste algemene vergadering van die Volkebond word in Genève, Switserland, gehou.
• Onbekend – Warden in die Oos-Vrystaat word 'n munisipaliteit.

Geboortes

• 2 Januarie – Isaac Asimov, Amerikaanse wetenskapfiksie-skrywer († 6 April 1992).
• 19 Januarie – Javier Pérez de Cuéllar, 'n Peruaanse diplomaat en politikus († 2020).
• 19 Januarie – Johnny Haymer, Amerikaanse akteur († 1989).
• 12 Februarie – Raymond Mhlaba, Anti-apartheidsaktivis en ANC politikus († 2005).
• 29 Februarie – James Mitchell, Amerikaanse akteur († 2010).
• 11 Maart – Ben Ferencz, 'n Amerikaanse aanklaer by die Neurenberg-verhore († 2023).
• 3 Maart – James Doohan, Kanadese akteur ("Scotty" in die TV-reeks Star Trek; † 2005).
• 16 Maart – Alba Bouwer, Suid-Afrikaanse kinderboekskryfster, joernalis en maatskaplike werker († 2010).
• 17 Maart – Sheikh Mujibur Rahman, Eerste Minister van Bangladesj in die vroeë 1970's († 1975).
• 2 April – Jack Webb, Amerikaanse akteur, regisseur en vervaardiger († 1982).
• 18 Mei – Karol Józef Wojtyła (later Pous Johannes Paulus II), die 264ste pous van die Rooms-Katolieke Kerk in Wadowice, Pole († 2005).
• 12 Junie – Peter Jones, Britse akteur († 2000).
• 18 Junie – Aster Berkhof, Vlaamse skrywer († 2020).
• 15 Julie – Kathryn Adams Doty, Amerikaanse akteur († 2016).
• 3 Augustus – P. D. James, Engelse skryfster van misdaadfiksie († 2014).
• 7 Augustus – Willie Maree, Suid-Afrikaanse boer en politikus, leier van die Nasionale Party in Natal († 1980).
• 13 Augustus – Neville Brand, Amerikaanse akteur († 1992).
• 16 Augustus – Charles Bukowski, Duits-Amerikaanse digter, romanskrywer en kortverhaalskrywer († 1994).
• 22 Augustus – Ray Bradbury, Amerikaanse skrywer († 2012).
• 29 Augustus – Charlie Parker, Amerikaanse jazz saxofoonspeler en komponis († 1955)
• 18 September – Jack Warden, Amerikaanse akteur († 2006).
• 1 Oktober – Walter Matthau, Amerikaanse filmakteur († 2000).
• 12 Oktober – Braam Raubenheimer, Suid-Afrikaanse politikus en oudminister van waterwese († 2014).
• 16 Oktober – Gert van den Bergh, Suid-Afrikaanse akteur († 1968).
• 17 Oktober – Montgomery Clift, Amerikaanse rolprent- en teaterakteur († 1966).
• 20 Oktober – P.H. Nortjé, Afrikaanse storieverteller en skrywer († 2012).
• 20 Oktober – Dr. Gert van der Linde, predikant van die Gereformeerde Kerk († 2001).
• 14 November – Jan Rabie, Afrikaanse skrywer († 2001).
• 24 November – Prof. M.C.E. van Schoor, ook bekend as Tienie van Schoor, bekende Afrikaanse historikus en skrywer († 2009).
• 26 November − Paul Rodenko, belangrike Nederlandse digter, kritikus, essayis en vertaler († 1976)
• 6 Desember – Dave Brubeck, Amerikaanse jazzpianis († 2012).
• Onbekend – Trevor Lloyd Wadley, Suid-Afrikaanse fisikus en uitvinder († 1981).

Sterftes

• 3 Mei – Nettie Bredell, 'n kleindogter van pres. Paul Kruger (* 1877).
• 25 Mei – Henry Barber, grootwildjagter, ontdekkingsreisiger en sakeman (* 1850).
• 14 Junie – Max Weber, Duitse ekonoom (* 1864).
• 17 Junie – Ds. Johannes Rudolph Albertyn, een van die mees gevierde kanselredenaars in die Nederduitse Gereformeerde Kerk (* 1847).
• 2 Oktober – Max Bruch, Duitse komponis (* 1838).
• 11 Desember – Olive Schreiner, Suid-Afrikaanse skrywer, pasifis, feminis en intellektuele (* 1855).
• 13 Desember – Willem Postma een van die eerste voorstanders vir Afrikaans as skryftaal (* 1874).