3 Augustus

3 Augustus is die 215de dag van die jaar in die Gregoriaanse kalender (216de in skrikkeljare). Daar volg nog 150 dae in die res van die jaar.

Gebeure

• 1492 – Christophorus Columbus vertrek op sy eerste ontdekkingsreis.
• 1523 – Pous Adrianus VI sluit hom aan by keiser Karel V.
• 1645 – Die Tweede slag van Nördlingen tussen Frankryk en die Heilige Roomse Ryk vind plaas.
• 1789 – Pous Pius VI stel Ludovico Flangini Giovanelli, ouditeur van die Heilige Roomse Rota, aan as kardinaal.
• 1916 – Sir Roger Casement word gehang weens sy aandeel in die Paasopstand in Ierland.
• 1937 – Die eerste internasionale sweefvliegtuig-kompetisie word by Rochers de Naye in Switserland gehou.
• 1957 – Tunku Abdul Rahman, ’n Maleise prins wat in Brittanje gestudeer het, word tot staatshoof verkies voor onafhanklikheid van Brittanje.
• 1958 – Die duikboot USS Nautilus word die eerste vaartuig om die Noordpool onder water oor te steek.
• 1960 – Niger word van Frankryk onafhanklik.
• 2003 – Die Anglikaanse Kerk stem ten gunste van die aanstelling van die eerste openlik gay biskop.
• 2016 – Suid-Afrikaanse kiesers gaan na die stembus vir 'n munisipale verkiesing.

Geboortes

• 1872 – Haakon VII van Noorweë, eerste koning van Noorweë († 1957).
• 1887 – Rupert Brooke, Engelse digter († 1915).
• 1924 – Max van der Stoel, Nederlandse minister († 2011).
• 1924 – Leon Uris, Amerikaanse skrywer († 2003).
• 1925 – L.A.P.A. Munnik, Suid-Afrikaanse politikus († 2016).
• 1934 – Jonas Savimbi, Angolese versetstryder († 2002).
• 1936 – Juvénal Habyarimana, Rwandese president († 1994).
• 1940 – Martin Sheen, Amerikaanse akteur.
• 1941 – Hage Geingob, Namibiese politikus en derde president van Namibië (2015–hede).
• 1947 – Tadahiko Ueda, Japannese sokkerspeler († 2015).
• 1954 – Divan Serfontein, Suid-Afrika se nege-en-dertigste Springbokkaptein.
• 1959 – John C. McGinley, Amerikaanse akteur.
• 1964 – Lucky Dube, Suid-Afrikaanse reggae-musikant († 2007).
• 1971 – Kazuaki Tasaka, Japannese sokkerspeler.
• 1972 – Brigid Brannagh, Amerikaanse aktrise.
• 1984 – Jon Foster, Amerikaanse akteur.
• 1989 – Jules Bianchi, Franse F1-renjaer († 2015).

Sterftes

• 1823 – Jacob Abraham de Mist, staatshoof van die Bataafse Republiek en kommissaris-generaal van die Kaapkolonie (* 1749).
• 1916 – Roger Casement, Ierse nasionalis (* 1864).
• 1924 – Joseph Conrad, Pools-Britse skrywer (* 1857).
• 1954 – Colette, Franse skrywer (* 1873).
• 1964 – Flannery O'Connor, Amerikaanse outeur (* 1925).
• 1998 – Alfred Schnittke, Sowjet-Duitse komponis (* 1934).
• 2002 – Carmen Silvera, Britse aktrise (* 1922).
• 2004 – Henri Cartier-Bresson, Franse fotograaf (* 1908).
• 2005 – G.J. Krüger, Afrikaanse digter en apteker (* 1938).
• 2006 – Elisabeth Schwarzkopf, Duits-Britse sopraan en operasangeres (* 1915).
• 2011 – Bubba Smith, Amerikaanse akteur en sokkerspeler (* 1945).
• 2014 – Hennie van Loggerenberg, TV- en radio-persoonlikheid en 'n boereorkeslegende.
• 2015 – Coleen Gray, Amerikaanse aktrise (* 1922).

Vakansie-, vierings- en waarnemingsdae

• Onafhanklikheidsdag in Niger (1960)