18 Augustus

18 Augustus is die 230ste dag van die jaar in die Gregoriaanse kalender (231ste in skrikkeljare). Daar volg nog 135 dae in die res van die jaar.

Gebeure

• 778 – Slag van Roncevalles, besing in die Rolandslied.
• 1516 – Adriaan Florenszoon Boeyens (later Pous Adrianus VI) word biskop van Tortosa, Spanje.
• 1665 – Die eerste Nederduitse Gereformeerde gemeente in Suid-Afrika gestig (1665) met die landing van ds. Johannes van Arckel as eerste leraar van die NG gemeente Kaapstad.
• 1748 – Pous Benedictus XIV verklaar Joseph Calasanz salig.
• 1877 – Asaph Hall ontdek Mars se grootste en naaste maan, Phobos.
• 1932 – Die Switserse professor August Piccard se vlug in die stratosfeer op ´n hoogte van 16 201 m bo seevlak breek die wêreldrekord.
• 1964 – Weens apartheid word Suid-Afrika uit die Olimpiese Spele-beweging geskors.

Geboortes

• 1830 – Frans Josef I van Oostenryk, laaste keiser van Oostenryk en eerste keiser van Oostenryk-Hongarye († 1916).
• 1855 – Adriaan Moorrees, teoloog en leier in die NG Kerk, skrywer en digter († 1938).
• 1870 – Sarel Eloff, Boere-kommandant van die ZAR en ’n kleinseun van pres. Paul Kruger († 1944).
• 1906 – André van Gyseghem, Engelse akteur en teaterdirekteur († 1979).
• 1927 – Rosalynn Carter, die Verenigde State se Eerste Dame tussen 1977 en 1981.
• 1927 – Victor Edouard d'Assonville, Suid-Afrikaanse akademiese teoloog, historikus en skrywer († 2022).
• 1933 – I.D. Lamprecht, Suid-Afrikaanse skrywer († 2017).
• 1935 – Hifikepunye Lucas Pohamba, tweede president van Namibië en leier van SWAPO.
• 1936 – Robert Redford, Amerikaanse akteur.
• 1971 – Kevin Leo, Suid-Afrikaanse opera- en ligte liedjiesanger.
• 1984 – Wilhelm van der Walt, Suid-Afrikaanse akteur, Ty in 7de Laan.
• 1989 – Willie le Roux, Springbokrugbyspeler.
• 1989 – Reeza Hendricks, Suid-Afrikaanse krieketspeler.

Sterftes

• 440 – Pous Sixtus III, die 44ste pous van die Rooms-Katolieke Kerk (* onbekend).
• 1276 – Pous Adrianus V, die 186ste pous van die Rooms-Katolieke Kerk (* ±1220).
• 1258 – Theodorus II Laskaris, keiser van die Niceense Ryk (* Circa 1222)
• 1503 – Pous Alexander VI, die 214de pous van die Rooms-Katolieke Kerk (* 1431).
• 1559 – Pous Paulus IV, die 223ste pous van die Rooms-Katolieke Kerk (* 1476).
• 1793 – Joachim van Plettenberg, goewerneur van die Kaapkolonie (* 1739).
• 1829 – Sir David Baird, 'n Britse generaal en militêre goerwerneur in die Kaapkolonie (* 1757).
• 1840 – A.C.W. Staring, 'n Nederlandse landheer, landboukundige en digter (* 1767).
• 1917 – Charles Eugène Bertrand, 'n Franse plantkundige, paleobotanis en geoloog (* 1851).
• 1940 – Walter Chrysler, Amerikaanse nyweraar, pionier van die motorbedryf (* 1875).
• 2015 – Khaled al-Asaad, Siriese argeoloog (* 1934).
• 2018 – Kofi Annan, Ghanese diplomaat en sewende sekretaris-generaal van die Verenigde Nasies (* 1938).

Vakansies, vierings, en waarnemingsdae

• Feesdag van Pous Sixtus III in die Rooms-Katolieke Kerk.