Rosalynn Carter
Rosalynn Eleanor Smith Carter (18 Augustus 1927 in Plains, Georgia – 19 November 2023 in Plains, Georgia) was tussen 1977 en 1981 die Verenigde State se Eerste Dame as eggenote van die 39ste president, Jimmy Carter. Sedert 1962, die jaar waarin Jimmy Carter as senator vir Georgia verkies is, is Rosalynn Carter aktief by politiek betrokke. As Eerste Dame van Georgia het sy na die belange van geestelik gestremde burgers omgesien. Sy het vyf jaar lank die amp van voorsitter van die Special Olympics for Retarded Children vir gestremde kinders beklee en was ere-medewerker van Atlanta se hospitaal.[1]
| Rosalynn Carter | |
 Amptelike portretfoto van 1977 | |
Eerste Dame van die Verenigde State
| |
| Ampstermyn 20 Januarie 1977 – 20 Januarie 1981 | |
| President | Jimmy Carter |
|---|---|
| Voorafgegaan deur | Betty Ford |
| Opgevolg deur | Nancy Reagan |
Eerste Dame van Georgia
| |
| Ampstermyn 12 Januarie 1971 – 14 Januarie 1975 | |
| Voorafgegaan deur | Hattie Cox |
| Opgevolg deur | Mary Busbee |
Persoonlike besonderhede
| |
| Gebore | 18 Augustus 1927 Plains, Georgia |
| Sterf | 19 November 2023 (op 96) Plains, Georgia |
| Politieke party | Demokraat |
| Eggenoot/-note | Jimmy Carter (∞ 1946) |
| Kind(ers) | John William "Jack" (1947) James Earl III "Chip" (1950) Jeffrey Donnel (1952) Amy Lynn (1967) |
| Alma mater | Georgia Southwestern State University |
| Handtekening | 
|
Rosalynn Carter word deur biograwe as terughoudend van karakter beskryf, maar ook as intelligente en suksesvolle sakevrou wat die Carter-gesin se fortuin aktief help opbou het. Ook het sy haarself as briljante politieke aktivis bekwaam en kon sodoende 'n belangrike bydrae lewer tot haar man se goewerneursveldtog in 1970 en die presidensiële verkiesingsveldtog van 1976. Gedurende die presidentskap van haar man was Rosalynn Carter sy naaste adviseur en het aan kabinetsvergaderings deelgeneem. Verskeie kere het sy as verteenwoordiger van die Verenigde State in die buiteland opgetree, onder meer in Latyns-Amerika.
Rosalynn Carter het elke avontuur, sukses en neerlaag met haar man gedeel. Sy poging om vir 'n tweede ampstermyn herverkies te word het misluk, maar die Carters het gou 'n nuwe welkome uitdaging vir hulself gevind met die stigting van die Carter Center, 'n nie-winsgewende instelling wat menseregte en vrede bevorder.
Rosalynn Carter se outobiografie First Lady from Plains is in 1984 gepubliseer. In 2019 het Rosalynn en Jimmy Carter die langste getroude presidensiële egpaar geword.[2]
Dood
wysigCarter is op 19 November 2023 in Plains, Georgia oorlede. Sy was 96 jaar oud.[3]
Verwysings
wysig- ↑ E. Stanly Godbold, Jr.: Jimmy & Rosalynn Carter. The Georgia Years, 1924–1974. New York NY: Oxford University Press 2010, bl. 216
- ↑ CNN Politics, 18 Oktober 2019: Jimmy and Rosalynn Carter just became the longest-married presidential couple. Besoek op 15 Junie 2020
- ↑ Former First Lady Rosalynn Carter Passes Away at Age 96 (Engels). The Carter Center (19 November 2023). URL besoek op 19 November 2023.
Eksterne skakels
wysig- The Carter Center
- Rosalynn Carter Center for Caregiving