Frans Josef I van Oostenryk
Frans Josef I uit die dinastie Habsburg, volle naam Franz Joseph Karl, (* 18 Augustus 1830 in Wene, Oostenryk; † 21 November 1916 in Wene) het tussen 1848 en 1867 as laaste keiser van die Keiserryk Oostenryk en tussen 1867 en 1916 as eerste keiser van Oostenryk-Hongarye regeer.
| Frans Josef I | |
|---|---|
| Keiser van Oostenryk Koning van Hongarye Koning van Boheme Koning van Kroasië-Slawonië en Dalmasië | |
 Frans Josef I
| |
| Vorstehuis | Habsburg |
| Titels | Keiser van Oostenryk Koning van Hongarye Koning van Boheme Koning van Kroasië-Slawonië en Dalmasië |
| Regeer | 2 Desember 1848 – 21 November 1916 |
| Voorganger | Ferdinand I |
| Opvolger | Karel I |
| Volle naam | Franz Joseph Karl |
| Gebore | 18 Augustus 1830; Wene, Oostenryk |
| Oorlede | 21 November 1916; Wene, Oostenryk |
| Eggenoot | Elisabeth |
| Kinders | Sophie Friederike Gisela Rudolf Marie Valerie |
| Vader | Frans Karel Josef |
| Moeder | Sophie |
| Handtekening | 
|
Frans Josef I was die kleinseun van Frans II en die seun van Frans Karel. Sy jonger broer Maksimilian I het tydens die Franse intervensie onder Napoléon III van Frankryk tussen 1864 en 1867 die Tweede Meksikaanse Keiserryk regeer. Frans Josef I het ná die nederlaag in die Duitse Oorlog teen die Koninkryk Pruise in 1866 die Austro-Hongaarse Kompromie in 1867 voltooi en Oostenryk-Hongarye gestig. Hy het ná die sluipmoord op aartshertog Frans Ferdinand in Sarajewo, Serwië, oorlog verklaar, wat die begin van die Eerste Wêreldoorlog was.