Asaph Hall
Asaph Hall (1829-1907) was 'n Amerikaanse sterrekundige. Hy is bekend vir die ontdekking van Mars se mane in 1877, Fobos en Deimos. Hy het ook die bane van ander planete en dubbele sterre se satelliete bepaal en die rotasie van Saturnus en die massa van Mars bereken.
Asaph Hall | |
|---|---|
 | |
| Gebore | Asaph Hall III 15 Oktober 1829 Goshen, Connecticut |
| Sterf | 22 November 1907 |
| Nasionaliteit | Verenigde State van Amerika |
| Bekend vir | Ontdek Mars se mane |
| Ouer(s) | Asaph Hall II Hannah Palmer |
Biografie
wysigHall is op 15 Oktober 1829 in Goshen, Connecticut in die Verenigde State van Amerika gebore. Op 13-jarige ouderdom begin hy, na die dood van sy ouers, as 'n vakleerling by 'n timmerman te werk. Hy het 'n groot passie vir wiskunde gehad. In 1856 kry hy 'n werk by die sterrewag van die Harvard-universiteit in Cambridge, Massachusetts, waar hy vinnig as 'n kenner in die berekening van die wentelbane van hemelliggame bekend raak.
In 1862 word Hall 'n assistent-sterrekundige aan die U.S. Naval Observatory in Washington DC, waar hy binne 'n jaar na sy aankoms as professor aangestel is. In 1875 word die 66-cm Great Equatorial Refracting Telescope onder sy verantwoordelikheid geplaas. Dit was die grootste teleskoop van sy soort in daai tyd gewees.
In 1884 bewys hy dat die elliptiese baan van Huperion, 'n maan van Saturnus, 'n "afwyking" van +-20° per jaar toon.
Hy ontvang 'n goue medalje van die Royal Astronomical Society van Groot Brittanje in 1879, asook verskeie ander toekennings oor sy lewe.
Hall is op 22 November 1907 in Annapolis, Maryland oorlede. Die Hall-krater op die maan is na hom vernoem.
Eksterne skakels
wysig
Wikimedia Commons het meer media in die kategorie Asaph Hall.
