15 Oktober

15 Oktober is die 288ste dag van die jaar in die Gregoriaanse kalender (289ste in skrikkeljare). Daar volg nog 77 dae in die res van die jaar.

Gebeure

Mata Hari

• 638 – Pous Severinus word as pous gekies; hy moet twee jaar wag voordat die keiser sy verkiesing goedkeur.
• 1529 – Die Eerste beleg van Wene deur Turkse magte word beëindig.
• 1539 – Ugo Boncompagni (later Pous Gregorius XIII) word regter van die Campidoglio.
• 1582 – Die Gregoriaanse kalender vervang die Juliaanse kalender, wat sedert 45 v.C. in gebruik was, op dié dag in o.m. Spanje, Portugal, Pole, Litaue en dele van Italië. In dié wêrelddele het Vrydag 15 Oktober 1582 dus direk gevolg op Donderdag 4 Oktober 1582.
• 1892 – Langlaagte stig af van Johannesburg as tweede NG gemeente in die Goudstad.
• 1894 – Die Dreyfus insident: Alfred Dreyfus, 'n Joodse artillerie-offisier in die Franse weermag, word verkeerdelik vir hoogverraad in hegtenis geneem.
• 1917 – Nederlandse ontkleedanseres Mata Hari word in Frankryk tydens die Eerste Wêreldoorlog deur 'n vuurpeloton tereggestel vir spioenering vir Duitsland.
• 1989 – Walter Sisulu word saam met sewe ander Suid-Afrikaanse politieke gevangenes vrygelaat.

Geboortes

• 1608 – Evangelista Torricelli, 'n Italiaanse fisikus, wiskundige en uitvinder van die barometer († 1647).
• 1844 – Friedrich Nietzsche, Duitse filosoof en filoloog († 1900)
• 1926 – Michel Foucault, Franse filosoof († 1984)

Sterftes

• 1389 – Pous Urbanus VI, die 202de pous van die Rooms-Katolieke Kerk (* 1318).
• 1926 – Ferdie Aston, Suid-Afrika se vierde Springbokkaptein (* 1871).
• 1934 – Sydney Charles Buxton, Britse politikus en tweede Goewerneur-generaal van Suid-Afrika (1914–1920) (* 1853).
• 1945 – Pierre Laval, voormalige eerste minister van Frankryk (* 1883).
• 2000 – Cor Dirks, skoolhoof en Afrikaanse skrywer (* 1911).
• 2018 – Paul Allen, Amerikaanse sakeman en medestigter van Microsoft (* 1953).

Vakansies, vierings, en waarnemingsdae

• 15 Oktober: White Cane Safety Day (VSA)