30 Oktober

30 Oktober is die 303de dag van die jaar in die Gregoriaanse kalender (304de in skrikkeljare). Daar volg nog 62 dae in die res van die jaar.

Gebeure

• 701 – Pous Johannes VI volg Pous Sergius I op.
• 942 – Pous Marinus II volg Pous Stefanus VIII (IX) op.
• 1119 – Pous Callixtus II ban Keiser Hendrik V en Teenpous Gregorius VIII uit die kerk.
• 1198 – Pous Innocentius III skryf ’n brief aan die stede Ancona, Assisi, Perugia en Spoleto, waarin hy die oppermag van die pous bevestig.
• 1470 – Die Graaf van Warwick herstel Hendrik VI van Engeland tot die troon tydens die Oorlog van die Rose.
• 1471 – Rodrigo Borgia (later Pous Alexander VI) word priester en kardinaal-biskop.
• 1682 – Pous Innocentius XI vaardig ’n edik uit waarin die Jode van Rome verbied word om geld uit te leen.
• 1831 – Nadat hy maande lank weggekruip het, word die Amerikaanse slaaf Nat Turner gevang en in hegtenis geneem vir die lei van ’n slawerebellie wat brutaal onderdruk is.
• 1899 – Tweede Vryheidsoorlog: Die Slag van Nicholsonsnek vind plaas.
• 1961 – Tsaar Bomba, ’n Sowjet-waterstofbom, word ontplof oor die Nowaja Zemlja in die Arktiese Oseaan; dit is die grootste kernwapen wat nog ontplof is.
• 1974 – By die Rumble in the Jungle-boksgeveg in Zaire slaan Muhammad Ali vir George Foreman uit.
• 1995 – Die Kanadese provinsie Quebec stem in ’n referendum ten gunste daarvan om deel te bly van Kanada. Ongeveer 50,6% van kiesers het gestem om te bly.

Geboortes

• 1735 – John Adams, tweede president van die VSA († 1826).
• 1878 – Paul Roos, Suid-Afrika se negende Springbokkaptein († 1948).
• 1898 – Phil Mostert, Suid-Afrika se 16de Springbokkaptein († 1972).
• 1906 – Hermann Fegelein, Duitse SS-generaal († 1945).
• 1956 – Nick Mallett, Springbokrugbyspeler en -afrigter.
• 1956 – Brümilda van Rensburg, Suid-Afrikaanse aktrise.
• 1960 – Diego Maradona, Argentynse sokkerspeler en -afrigter († 2020).

Sterftes

• 1932 – Paul Methuen, Britse krygsman (* 1845).
• 1937 – J.H.H. de Waal, Afrikaanse taalstryder en politikus (* 1871).
• 2009 – Claude Lévi-Strauss, Franse kulturele antropoloog (* 1908).