Maak hoofkeuseskerm oop

Rome
Roma Capitale
Rome Montage 2017.png

Kaart Wapen
Italyrome.png
Insigne Romanum coronatum.svg
Vlag
Flag of Rome.svg
 Land Vlag van Italië Italië
 Administratiewe gewes Flag of Lazio.svg Latium
 Provinsie Rome
 Koördinate 41°53′N 12°29′O / 41.883°N 12.483°O / 41.883; 12.483
 Gestig op 753 v.C.
 Oppervlakte:  
 - Totaal 1 287,36 vk km
 Hoogte bo seevlak 21 m
 Bevolking:  
 - Totaal (28 Feb 2014) 2 866 238[1]
 - Bevolkingsdigtheid 2 222,6 vk/km
 Tydsone UTC +1 (MET)
 - Somertyd UTC +2 (MEST)
 Burgemeester Virginia Raggi
 Amptelike webwerf comune.roma.it

Rome (Latyn en Italiaans: Roma, [ˈroːma], ) is die hoofstad van Italië en die Italiaanse streek Latium. Rome is aan die Tiberrivier geleë en die stad het omtrent 2,87 miljoen inwoners. Die enklawe van die Vatikaanstad is in die noordweste van Rome. Rome is bekend vir sy museums en besienswaardighede en het 'n gewilde toeristebestemming geword. Die historiese sentrum is in 1980 deur Unesco as wêrelderfenisgebied gelys.

Die Forum Romanum, middelpunt van antieke Rome
Die Palazzo della Civiltà Italiana in die Quartiere XXXII - Europa is oorspronklik volgens die beginsels van die razionalismo italiano ontwerp en gebou vir die beplande Wêreldtentoonstelling van 1942. Sedert 2015 dien dit as nuwe hoofkwartier van die mode-etiket Fendi te Rome. Die openingsplegtigheid is deur FENDI5, die vyf legendariese Fendi-susters, en modetsaar Karl Lagerfeld bygewoon[2][3]

Rome se huidige stadsbeeld is oor 'n tydperk van sowat 3 000 jaar gevorm, met antieke Romeinse ruïnes soos die Colosseum en Forum Romanum asook enkele geboue wat bewaar gebly het soos die Pantheon as stomme getuies van die stad se goue tydperk as caput mundi, die hoofstad van die wêreld, en administratiewe sentrum van die magtigste ryk wat ooit in Europa ontstaan het. 'n Ryk argitektoniese erfenis is aan Rome se latere funksie as setel van die Rooms-Katolieke Kerk te danke. Antieke en sakrale boukuns word aangevul deur 'n groot verskeidenheid wêreldlike geboue uit later styltydperke soos Renaissance en barok, waaronder kunsvolle piazza's (openbare pleine) en fonteine.

Rome word onder die wêreld se globale stede gereken en is danksy sy kunsskatte die mees besoekte stad in Italië asook die derde gewildste stedelike toeristebestemming in die Europese Unie. Naas die Italiaanse regering en parlement, die regerings van die admininstratiewe streek Lazio en die Metropolitane Stad Roma Capitale het 'n aantal spesiale agentskappe van die Verenigde Nasies hul setel in Rome, soos die FAO (Voedsel- en Landbou-organisasie), die WFP (Wêreldvoedselprogram) en die IFAD (Internasionale Fonds vir Landbou-ontwikkeling).

Belangrike internasionale ondernemings het hulle hoofkwartiere in die Italiaanse hoofstad, waaronder Eni, Enel, TIM en Leonardo S.p.A. asook banke soos Unicredit en BNL. Rome se mode-, ontwerp- en rolprentbedrywe is internasionale rolspelers van formaat. In Rome se Cinecittà-filmateljees is 'n verskeidenheid rolprente vervaardig wat met Oscars bekroon is.

Inhoud

Stigting en vroeë geskiedenisWysig

Volgens 'n bekende legende is Rome op 21 April 753 v.C. deur Romulus gestig. Romulus het sy tweelingbroer, Remus, vermoor. Romulus en Remus is, volgens die legende, deur 'n wolvin grootgemaak, en Romulus het ook later die eerste koning van Rome geword.

Rome is aanvanklik op die Sonheuwel gebou. Die Sonheuwel is later na Palatyn hernoem. Die stad het gegroei en uitgebrei en is nou op altesame sewe heuwels gebou: Palatyn, Aventyn, Kapitolyn, Kwirinaal, Viminaal, Eskwilyn en Caelius. Rome was aanvanklik die middelpunt van die Romeinse Koninkryk, later van die Romeinse Republiek, en toe van die Romeinse Ryk.

OpvoedingWysig

Rome is 'n opvoedkundige sentrum in Italië. Die kinders is verplig om met skool te begin op ouderdom van ses jaar, en teen die ouderdom van veertien voltooi hulle Junior-hoërskool. Die Universiteit van Rome is die grootste universiteit in Italië en is in 1303 gestig. Ongeveer 200 000 studente is by hierdie universiteit ingeskryf. Ander universiteite in Rome is: Universiteit Guglielmo Marconi en Universiteit Niccolò Cusano.

VervoerWysig

Rome het 'n lughawe genaamd die Leonardo da Vinci Internasionale Lughawe (IATA-kode: FCO).

 
'n Panoramiese uitkyk oor Rome vanuit 'n vliegtuig.

Belangrike geboue in Rome en besienswaardighedeWysig

 
Die Colosseum
 
Die Trevi Fonteine
 
Piazza Navona

Sien ookWysig

VerwysingsWysig

Eksterne skakelsWysig

Media