Maak hoofkeuseskerm oop

Italiaanse nasionale rugbyspan

Die Italiaanse nasionale rugbyspan verteenwoordig Italië in rugby en staan ook bekend as gli Azzurri (Italiaans vir: "die Hemelbloues"). Savojeblou is die gewone kleur van die nasionale spanne wat Italië verteenwoordig, aangesien dit die tradisionele kleur was van die Huis van Savoje wat van 1860 tot 1946 oor die Koninkryk Italië regeer het. Rugby word in Italië deur die Italiaanse Rugbyfederasie geadministreer.

Italië
Federazione Italiana Rugby.jpg
Unie Italiaanse Rugbyfederasie
Bynaam(e) Gli Azzurri
Stadion Stadio Olimpico
Kapasiteit 70 634
Afrigter(s) Vlag van Ierland Conor O'Shea
Kaptein(s) Sergio Parisse
Spankleure


Alt. kleure

Statistiek
Meeste toetse Sergio Parisse (142)
Meeste punte Diego Dominguez (983)
Meeste drieë Marcello Cuttitta (25)
Eerste internasionale wedstryd
Vlag van Spanje Spanje 9 – 0 Vlag van Italië Italië
(20 Mei 1929)
Grootste oorwinning
Vlag van Tsjeggië Tsjeggië 8 – 104 Italië Vlag van Italië
(18 Mei 1994)
Grootste nederlaag
Vlag van Suid-Afrika Suid-Afrika 101 – 0 Italië Vlag van Italië
(19 Junie 1999)
Wêreldbeker
Verskynings 9 (Eerste in 1987)
Beste uitslag Twee seges in 2003, 2007, 2011, 2015, 2019
Unie webwerf
www.federugby.it
Italië speel teen Wallis tydens die Sesnasies-toernooi in 2007 op Stadio Flaminio, Rome

Italië speel sedert 1929 internasionale rugby en het hulle eerste toets teen Spanje daardie jaar beslis. Italië is oor dekades as een van die sterkste Europese spanne buite die destydse Vyfnasies-toernooi beskou. Sedert 2000 neem Italië jaarliks aan die Sesnasies-toernooi deel saam met Engeland, Frankryk, Ierland, Skotland en Wallis. In 2013 kon Italië die Giuseppe Garibaldi-trofee, wat jaarliks tussen Frankryk en Italië tydens die Sesnasies-toernooi uitgespeel word, inpalm. Die Italiaanse rugbyspan is tans (16 November 2019) twaalfde op Wêreldrugby se wêreldranglys gelys.[1]

Italiaanse rugby het in 2000 momentum verkry toe die nasionale span by die Vyfnasies-toernooi aangesluit het om die Sesnasies-toernooi te vorm. Hulle moes in die eerste jare binne die toernooi swaar nederlae verduur, maar in onlangse jare kon die span sy mededinging verbeter, met vierde plekke in onderskeidelik 2007 en 2013, en eensydige nederlae het minder geword. Die Azzurri het tuis al respekvolle resultate gelewer: hulle kon Frankryk 22–21 tydens die 2011-Sesnasies klop; en tydens die 2013-Sesnasies weer Frankryk 23–18 verslaan,[2] en ook Ierland 22–15 verslaan.[3] Italië kon egter sedert hul 22–19 wegwen teen Skotland in die derde rondte van die 2015-toernooi nie meer 'n wedstryd wen nie; dit is gelykstaande aan 'n verloorreeks van 22 wedstryde.

Die Italiaanse span het ook aan elke Rugbywêreldbeker wat sedert 1987 gehou is, deelgeneem, en in die eerste openingswedstryd teen Nieu-Seeland (70–6) te staan gekom. Italië kon egter nog nie tot die uitklopfase vorder nie. Die span het 'n reputasie as 'n konstante middelste speler by die toernooi ontwikkel. Italië se resultate sedert die invoering van 'n nuwe groepformaat tydens die Rugbywêreldbeker 2003 bestaan uit 'n konsekwente vertoning van twee oorwinnings en twee nederlae tydens elke toernooi.

Die huidige hoofafrigter is Conor O'Shea en die kaptein is die agsteman Sergio Parisse.[4]

RekordsWysig

Algehele rekordWysig

 
Italië se plek op Wêreldrugby se ranglys vanaf 10 Oktober 2003 tot op hede

Italië het teen 16 November 2019 186 van hulle 504 toetswedstryde gewen, 'n wenrekord van 36,90%.[5]

Italië se toetsrekord teen alle lande: (Korrek op 16 November 2019)[5]

Teen Gespeel Gewen Verloor Gelykop % Gewen
  Argentinië 22 5 16 1 22,73
  Australië 18 0 18 0 0
  Australië XV 2 0 2 0 0
  België 2 2 0 0 100
  Bulgarye 1 1 0 0 100
  Cookeilande 1 0 1 0 0
  Duitsland 6 2 4 0 33,33
  Engeland 26 0 26 0 0
  Engeland XV 1 0 0 1 0
  Engeland B 1 0 1 0 0
  Engeland o/23 3 1 1 1 33,33
  Fidji 12 6 6 0 50
  Frankryk 42 3 39 0 7,14
  Frankryk XV 30 1 28 1 3,33
  Frankryk Espoirs 1 0 1 0 0
  Georgië 2 2 0 0 100
 Goue Leeus 1 0 1 0 0
 Grens Bulldogs 1 0 1 0 0
   Ierland 31 4 27 0 12,90
  Japan 8 6 2 0 75
  Kanada 9 7 2 0 77,78
  Katalonië 2 1 0 1 50
  Kroasië 1 1 0 0 100
 Luiperds 3 2 1 0 66,67
  Madagaskar 2 2 0 0 100
  Marokko 8 6 2 0 75
 Middlesex 1 0 1 0 0
  Namibië 4 2 2 0 50
 Natalse Haaie 1 0 1 0 0
  Nederland 4 4 0 0 100
  Nieu-Seeland 14 0 14 0 0
  Nieu-Seeland XV 1 0 1 0 0
  Junior All Blacks 1 0 1 0 0
 Noordelike Vrystaat 1 0 1 0 0
 Noordoos-Kaap 1 0 1 0 0
 Oxfordshire 1 0 1 0 0
  Pasifiese Eilanders 1 0 1 0 0
  Pole 7 6 1 0 85,71
  Portugal 12 10 1 1 83,33
 Pumas 1 0 1 0 0
  Roemenië 42 23 16 3 54,76
  Rusland 5 5 0 0 100
  Samoa 7 2 5 0 28,57
  Serwië 3 3 0 0 100
  Skotland 30 8 22 0 26,66
  Skotland A 3 1 2 0 33,33
  Sowjetunie 14 4 9 1 28,57
  Spanje 27 23 3 1 85,19
  Suid-Afrika 14 1 13 0 7,14
 Sussex 1 0 1 0 0
  Tsjeggië 1 1 0 0 100
  Tsjeggo-Slowakye 12 10 1 1 83,33
  Tonga 5 3 2 0 60
  Tunisië 3 3 0 0 100
  Uruguay 3 3 0 0 100
  Verenigde State 5 5 0 0 100
  Wallis 27 2 24 1 9,25
  Wes-Duitsland 14 13 0 1 92,86
  Zimbabwe 3 3 0 0 100
Totaal 504 186 304 14 36,90

SesnasierekordWysig

    Engeland   Frankryk    Ierland   Italië   Skotland   Wallis
Toernooie 123 90 125 20 125 125
Regstreekse oorwinnings
(Gedeelde oorwinnings)
Tuisnasies 5 (4) N.v.t. 4 (4) N.v.t. 10 (3) 7 (4)
Vyfnasies 17 (6) 12 (8) 6 (5) N.v.t. 5 (6) 15 (8)
Sesnasies 6 5 4 0 0 5
Algeheel 28 (10) 17 (8) 14 (9) 0 (0) 15 (9) 27 (12)
Grand Slams
Tuisnasies 0 N.v.t. 0 N.v.t. 0 2
Vyfnasies 11 6 1 N.v.t. 3 6
Sesnasies 2 3 1 0 0 4
Algeheel 13 9 3 0 3 12
Driekrone
Tuisnasies 5 N.v.t. 2 N.v.t. 7 6
Vyfnasies 16 N.v.t. 4 N.v.t. 3 11
Sesnasies 4 N.v.t. 5 N.v.t. 0 4
Algeheel 25 N.v.t. 11 N.v.t. 10 21
Houtlepel
Tuisnasies 11 N.v.t. 15 N.v.t. 8 8
Vyfnasies 14 17 21 N.v.t. 21 12
Sesnasies 0 1 0 14 4 1
Algeheel 25 18 36 14 33 21

WêreldbekerrekordWysig

Jaar Uitslag
1987 Poelfase
1991 Poelfase
1995 Poelfase
1999 Poelfase
2003 Poelfase
2007 Poelfase
2011 Poelfase
2015 Poelfase
2019 Poelfase
2023 N.v.t.

VerwysingsWysig

  1. (en) "World Rugby Rankings". Wêreldrugby. Besoek op 16 November 2019.
  2. (en) "Rugby Union – ESPN Scrum – Italy v France at Rome". ESPNscrum.
  3. (en) "Rugby Union – ESPN Scrum – Italy v Ireland at Rome". ESPNscrum.
  4. (en) "Rugby Union – Italy – List of captains – ESPN Scrum". ESPNscrum.
  5. 5,0 5,1 (en) "International Rugby Union Statistics – Italy". ESPNscrum. Besoek op 16 November 2019.

Eksterne skakelsWysig