Wêreldrugby

Wêreldrugby (Engels: World Rugby), tot in November 2014 bekend as die Internasionale Rugbyraad (afgekort “IRR”; Engels: International Rugby Board (IRB), is die wêreldwye bestuursliggaam wat die reëls van rugby beheer. Die liggaam is in 1886 in die lewe geroep as die Internasionale Rugbyvoetbalraad (IRVR) deur die Skotse, Walliese en Ierse rugbyunies. Die Engelse Rugbyvoetbalunie het aanvanklik geweier om aan te sluit, maar hulle het in 1890 die eerste niestigtingslid geword wat aangesluit het.[1][2] Australië, Nieu-Seeland en Suid-Afrika het in 1949 volle lede geword en in 1978 het Frankryk gevolg. In 1987 is Argentinië, Fidji, Italië, Japan, Kanada, Roemenië, Tonga, die Verenigde State en Zimbabwe deur die Internasionale Rugbyvoetbalraad genooi om aan die eerste rugbywêreldbekertoernooi deel te neem wat gepaard gegaan het met lidmaatskaap. Tussen 1987 en 1999 het ’n verdere tagtig lede gevolg. Die raad is in 1998 herdoop tot die Internasionale Rugbyraad en het in November 2014 sy huidige naam aangeneem. Wêreldrugby se hoofkantoor is in Dublin, Ierland, gesetel.[3] Die amptelike tale is Engels, Frans, Italiaans en Spaans. Wêreldrugby se huidige voorsitter is die Franse rugbyadministrateur Bernard Lapasset.

Wêreldrugby
Kenteken van Wêreldrugby
Kenteken van Wêreldrugby
Engelse naam World Rugby
Land wêreldwyd
Sportsoorte Rugby, Sewesrugby
Stigting 1886
Gestig in Dublin, Ierland
Gestig deur IRFU, SRU en WRU
Voorsitter Bill Beaumont
Adjunkvoorsitter Bernard Laporte
Hoof- uitvoerende beampte Brett Gosper
Setel Dublin, Ierland
Lede 102 lidunies
18 geassosieerde unies
Affiliasie Internasionale Olimpiese Komitee
Amptelike tale Engels, Frans, Italiaans en Spaans
Amptelike webwerf world.rugby
Kenteken van die Internasionale Rugbyraad tot November 2014

Wêreldrugby het 120 lede, waarvan 102 unies as volle lede en 18 geassosieerde lede.[4] Die vollede-unies vergader twee keer per jaar en die plaaslike verenigings hou gereelde vergaderings.[3] Die Raad reël van die sport se internasionale kompetisies, met die Rugbywêreldbeker (wat elke vier jaar plaasvind) as die gewildste en winsgewendste toernooi soos blyk uit die £81,8 miljoen bruto inkomste wat tydens die 2003-toernooi geïn is.[5] Hulle organiseer ook die Wêreldrugby o/20-kampioenskap en die Wêreldrugby o/20-trofee.

Die Raad verskaf ook geld aan die rugbyspanne van kleiner lande, soos die Suidsee-Eilandspanne, wat nie genoegsame eie inkomste kan genereer nie.

DeelnamesyfersWysig

 
Lid- en geassosieerde rugbyunies van Wêreldrugby

   Affiliasies

   Geassosieerde unies

Wêreldrugby se grootste lede volgens aantal deelnemers in 2019:[6]

  1.   Engeland (2,11 miljoen)
  2.   Verenigde State (1,48 miljoen)
  3.   Suid-Afrika (692 000)
  4.   Frankryk (533 000)
  5.   Australië (477 000)
  6.   Japan (296 000)
  7.   Colombia (266 000)
  8.   Fidji (225 000)
  9.   Kanada (217 000)
  10.   Volksrepubliek China (215 000)
  11.   Ierland (210 000)
  12.   Skotland (182 000)
  13.   Brasilië (174 000)
  14.   Argentinië (161 000)
  15.   Nieu-Seeland (156 000)
  16.   Kenia (123 000)
  17.   Spanje (114 000)
  18.   Rusland (109 000)
  19.   Wallis (108 000)
  20.   Sri Lanka (96 000)

VerwysingsWysig

  1. (en) "Short history of rugby". Museum of Rugby. Geargiveer vanaf die oorspronklike op 15 Februarie 2008. Besoek op 14 Julie 2006.
  2. (en) "History of Rugby". Dallas RFC. Geargiveer vanaf die oorspronklike op 15 Julie 2006. Besoek op 14 Julie 2006.
  3. 3,0 3,1 (en) "Rugby & The Olympic Games". Wêreldrugby. Geargiveer vanaf die oorspronklike op 8 Julie 2006. Besoek op 28 Julie 2006.
  4. (en) "Member Unions". Wêreldrugby. Besoek op 29 Junie 2021.
  5. (en) "Rugby World Cup History". Rugby World Cup History. Besoek op 29 Junie 2021.
  6. (en) "World Rugby Year in Review 2019". Wêreldrugby. p. 68. Besoek op 29 April 2021.

Eksterne skakelsWysig


Nasionale Rugbyunies van Wêreldrugby  

ArgentiniëAustraliëDuitslandEngelandFrankrykIerlandItaliëJapanKeniaNieu-SeelandSkotlandSuid-AfrikaWallis

Rugbywêreldbeker  

Australië / Nieu-Seeland 1987Engeland / Frankryk / Ierland / Skotland / Wallis 1991Suid-Afrika 1995Engeland / Frankryk / Ierland / Skotland / Wallis 1999Australië 2003Frankryk 2007Nieu-Seeland 2011Engeland / Wallis 2015Japan 2019Frankryk 20232027