Rugbywêreldbeker 2023

Gnome globe current event.svg Die artikel beskryf ’n sportgebeurtenis wat in die toekoms gaan plaasvind.
Die inligting is moontlik spekulatief en kan vinnig verander soos data beskikbaar raak.
Sport

Die Rugbywêreldbeker 2023 (Frans: Coupe du monde de rugby à XV 2023) word vanaf 8 September tot en met 28 Oktober 2023, die 200ste herdenking van rugby se “uitvinding” deur William Webb Ellis,[1] in Frankryk aangebied. Dit is die tiende rugbywêreldbeker van die vierjaarlikse rugbywêreldkampioenskap wat deur Wêreldrugby aangebied word en die sesde in die Noordelike Halfrond. Verder is dit ná die toernooie van 2015 (Engeland) en 2019 (Japan) die derde agtereenvolgende Rugbywêreldbeker wat in ’n land van die Noordelike Halfrond aangebied word. Frankryk het voorheen tydens die Rugbywêreldbeker 1991 en Rugbywêreldbeker 1999 as medegasheer opgetree; albei toernooie is saam met die destydse Vyfnasies Engeland, Ierland, Skotland en Wallis aangebied; en later die Rugbywêreldbeker 2007 – met enkele wedstryde in Cardiff en Edinburg van die Verenigde Koninkryk – gehuisves; altesaam het Frankryk tydens vier rugbywêreldbekertoernooie as gasheer opgetree, meer as enige ander land. Dit is egter die eerste toernooi wat geheel en al in Frankryk aangebied word.

Rugbywêreldbeker 2023
Rugbywêreldbeker 2023.svg
Toernooibesonderhede
Gasheer Vlag van Frankryk Frankryk
Datums 8 September – 28 Oktober
Aantal nasies 20
Finale posisies
Toernooistatistiek
Wedstryde 48
2019
2027
Die Webb Ellis-beker waarom meegeding word

20 nasionale rugbyspanne vanuit verskeie lande sal aan die Rugbywêreldbeker 2023 deelneem, waartydens 48 wedstryde gespeel sal word. Die spanne word in vier poele van vyf spanne elk verdeel, waarvan elke span een keer teen al die ander spanne van die poel speel. Die boonste twee spanne van elke poel kwalifiseer hierna vir die uitklopfase. Die drie beste spanne van elke poel – altesaam twaalf spanne – kwalifiseer regstreeks vir die volgende Rugbywêreldbeker 2027. Die eindstryd word op die Stade de France in Saint-Denis uitgespeel. Die Suid-Afrikaanse Springbokke is die verdedigende kampioen nadat hulle in 2019 hul derde titel ingepalm het. Die nasionale rugbyspan van Chili sal vir die eerste keer aan ’n rugbywêreldbekertoernooi deelneem, terwyl Kanada sy eerste toernooi misloop. Daarmee sal dit die eerste rugbywêreldbekertoernooi wees waaraan drie Suid-Amerikaanse spanne deelneem en ná die 1999-toernooi die tweede met drie Spaanstalige lande. Nadat die Verenigde State in die uitspeelrondte ook uitgeskakel is, sal vir die eerste keer geen Noord-Amerikaanse span deelneem nie.

Saam met die Olimpiese Somerspele 2024 in Parys sal die Rugbywêreldbeker 2023 een van twee groot sportkompetisies in Frankryk binne een jaar wees; albei behoort tot die mees gesiene sportgeleenthede ter wêreld. Tydens die Olimpiese Somerspele 2024 sal sewesrugbywedstryde gespeel word, waarmee Frankryk twee van die rugbywêreld se belangrikste toernooie binne een jaar huisves.

ToewysingWysig

 
Amptelike kenteken van die Rugbywêreldbeker 2023 in Frans

Ná die begin van die amptelike bodtydperk in Mei 2015 het die belangstellende beheerliggame tot op 1 Junie 2017 tyd gehad om hul bod in te dien.[2] Suid-Afrika, Ierland en Frankryk was kandidate vir die aanbied van die Rugbywêreldbeker 2023,[3] nadat Italië, wat ’n tyd lank ook ’n kandidaat was, sy aansoek teruggetrek het.

Frankryk het die Rugbywêreldbeker 2007 aangebied, asook tydens die 1991- en 1999-toernooie as medegasheer opgetree. Die Franse Rugbyfederasie het sy bod vir die Rugbywêreldbeker 2023 op 9 Februarie 2017 amptelik ingedien; dit het 19 moontlike speelstede en ’n omgewingsvriendelike vervoerkonsep bevat.[4] Die aantal speelstede is aanvanklik tot twaalf en later tot nege verminder.

Suid-Afrika, wat die Rugbywêreldbeker laas in 1995 aangebied het, is as gunsteling beskou, nadat sy kandidature vir die toernooie van 2011, 2015 en 2019 misluk het. In April 2016 is die Suid-Afrikaanse Rugbyunie (SARU) deur die regering verbied om sy bod verder te neem, omdat die integrasie van swart spelers in die nasionale span volgens bewerings nie aan die regering se vereistes voldoen het nie.[5] SARU kon vir Fikile Mbalula, die destydse Minister van Sport en Ontspanning, egter die teendeel bewys, waarvolgens hy die verbod teruggetrek het. Suid-Afrika se bod wat op 9 Mei 2017 amptelik ingedien is, het die volgende agt speelstede bevat: Bloemfontein, Durban, Johannesburg, Kaapstad, Nelspruit, Port Elizabeth, Pretoria en Soweto.[6]

Die regerings van die Republiek Ierland en Noord-Ierland het saam met die Ierse Rugbyvoetbalunie (IRFU) reeds op 5 Desember 2014 hul belangstelling in die Rugbywêreldbeker 2023 bekend gemaak.[7] Volgens die eie verwagtinge het hul bod oor goeie kanse beskik, aangesien Ierland nog nooit as ’n gasheer op sy eie opgetree het nie en hulle ’n ooreenkoms bereik het, waarvolgens sommige stadions van die Gaeliese Atletiekvereniging (waaronder Crokepark) ingespan kon word. Hul bod het twaalf stadions in nege stede bevat: Belfast, Castlebar, Cork, Derry, Dublin, Galway, Killarney, Kilkenny en Limerick.[8]

Italië het ook in die Rugbywêreldbeker 2023 belanggestel en die Italiaanse Rugbyfederasie (FIR) het in Maart 2015 sy bod aangekondig.[9] Italië is nes Argentinië die enigste van die elf vlak-een-rugbynasies wat tot dusver nog nie ’n wedstryd tydens ’n rugbywêreldbekertoernooi gehuisves het nie. Die Italiaanse bod het die stede Rome, Bari, Bologna, Florence, Genua, Milaan, Napels, Padua, Palermo, Turyn en Udine bevat.[10] Op 28 September 2016 het die FIR sy bod egter teruggeneem, nadat die Roomse burgemeester Virginia Raggi aangekondig het dat ’n bod vir die Olimpiese Somerspele 2024 nie ondersteun word nie, waarvolgens haar ondersteuning vir ’n bod vir die Rugbywêreldbeker 2023 ook bevraagteken is.[11][12]

Die drie oorblywende beheerliggame het op 25 September 2017 hul botte aan Wêreldrugby se afgevaardigdes verduidelik. Tot op 31 Oktober het ’n neutrale deskundige kommissie die beskikbare dokumente volgens vyf kriteria geëvalueer. Hulle het die Suid-Afrikaanse bod bo dié van Frankryk en Ierland geplaas.[13] Wêreldrugby se afgevaardigdes het op 15 November 2017 in Londen vergader. Ondanks die aanbeveling van die deskundige kommissie het hulle Frankryk bo Suid-Afrika verkies, wat in die tweede stemming 24 van 39 stemme ontvang het.[14][15]

ReëlingskomiteeWysig

In 2018 is ’n openbare belangegroep gestig om die toernooi in Frankryk voor te berei. Jacques Rivoal, voormalige president van Volkswagen Frankryk, is as president van die reëlingskomitee aangestel, terwyl Claude Atcher, direkteur van die bodkomitee, as direkteur van die reëlingskomitee benoem is.[16] Sébastien Chabal is aangewys as voorsitter van die spelerskomitee wat verantwoordelik is vir beide die spelers en spanne se beter huisvesting tydens die toernooi.[17]

In 2019 het die Franse Rugbyfederasie 27 ambassadeurs benoem vir die toernooi in Frankryk. Hulle doel is om “hul netwerk te oortuig om deel te wees van die groot partytjie”.[19]

  • Manon André
  • Ariane Brodier
  • Christelle Brua
  • Adrien Chalmin
  • Sofiane Chellat
  • Dominique Crochu
  • Maud Fontenoy
  • Julie Gayet
  • Élisabeth Kounou
  • Sandra Laoura
  • Camilo Leon-Quijano
  • Florent Manaudou
  • Malia Metella
  • Frédéric Michalak
  • Yannick Nyanga
  • Thierry Petit
  • Allison Pineau
  • Wendie Renard
  • Mélina Robert-Michon
  • Claude Ruiz
  • Cédric Siré
  • Axelle Tessandier
  • Tin-Tin
  • Alice Vachet
  • Alberto Vollmer
  • Michaël Youn
  • Johann Zarco

DeelnemersWysig

 
Grafiek van die kwalifiseringsproses vir die Rugbywêreldbeker 2023

Naas die gasheer Frankryk, wat ook deur sy deelname aan die kwarteindrondte van die Rugbywêreldbeker 2019 gekwalifiseer het, het ook die ander sewe deelnemers aan die kwarteindrondte en die drie ander derdeplek-spanne van die 2019-poelfase vir die Rugbywêreldbeker 2023 gekwalifiseer. Die volgende 12 spanne het regstreeks vir die Rugbywêreldbeker in 2023 gekwalifiseer: Suid-Afrika as verdedigende kampioen, Engeland as naaswenner, Nieu-Seeland as derde plek, Wallis as halfeindrondtespan, die spanne van die kwarteindrondte Australië, Frankryk, Ierland en Japan, asook die derde plekke van die poelfase Argentinië, Fidji, Italië en Skotland.[20]

Wêreldrugby het in Junie 2020 die kwalifiseringsproses gespesifiseer.[21] Vervolgens is van 2021 af agt van die 20 plekke van die toernooi tydens die kwalifisering uitgespeel. Twee plekke elk is vir die nasionale spanne van die Amerikas en Europa en een elk vir Afrika en Oseanië gereserveer. Die twee oorblywende plekke is tydens ’n interkontinentale kwalifiseringrondte (uitspeel tussen Asië en Oseanië) en ’n uitspeelwedstryd (Repechage) tussen al die vastelande in November 2022 uitgespeel.[22] Die kwalifiseringsproses het tydens die Europese Nasiesbeker op 6 Maart 2021 afgeskop.[23] Op 17 Julie 2021 het met Samoa as Oseanië 1 die eerste nasionale span vir die Rugbywêreldbeker 2023 gekwalifiseer.[24] Nadat Chili tydens die kwalifisering vir die eerste keer Kanada verslaan het, sal die Rugbywêreldbeker 2023 die eerste toernooi wees wat laasgenoemde span misloop.[25] Op 9 Oktober 2021 het Uruguay gekwalifiseer as Amerikas 1,[26] op 12 Maart 2022 Georgië as Europa 1[27] en op 10 Julie 2022 Namibië as Afrika 1.[28] Nadat Chili op 16 Julie 2022 ook die Verenigde State geklop het, het hulle as Amerikas 2 vir die eerste keer nog vir ’n rugbywêreldbekertoernooi gekwalifiseer.[29] Op 23 Julie 2022 het Tonga as wenner van die uitspeelwedstryd tussen Asië en Oseanië gekwalifiseer.[30] Aanvanklik het Spanje as Europa 2 gekwalifiseer, maar nadat dié span tydens die kwalifisering ’n uitgeslote speler ingespan het, is hulle vir elke wedstryd met hierdie speler met puntaftrekking beboet, waarvolgens Roemenië vir Spanje as Europa 2 se kwalifiseerder vervang het en Portugal Roemenië se plek in die uitspeeltoernooi sal oorneem.[31] Die 20ste en laaste plek is in November 2022 tydens die uitspeelrondte tussen Hongkong, Kenia, Portugal en die Verenigde State beslis, waartydens Portugal met ’n 16–16-gelykop in die laaste wedstryd teen die Verenigde State vir die tweede keer vir ’n rugbywêreldbekertoernooi gekwalifiseer het.[32]

Kwalifiserende spanneWysig

Die volgende 20 spanne het vir die Rugbywêreldbeker 2023 gekwalifiseer. Dit sal die eerste toernooi wees waaraan Chili deelneem en wat Kanada misloop. Dit is ook die tweede toernooi wat die Verenigde State misloop en die eerste waaraan geen Noord-Amerikaanse span deelneem nie, terwyl vir die eerste keer drie Suid-Amerikaanse spanne verskyn.[33]

 
Uitslag van die kwalifisering:

   Gasheer

   Twaalf beste spanne van die 2019-toernooi

   Wenner van die plaaslike kwalifisering

   Versuim om te kwalifiseer

   Nie deelgeneem nie

Span Kwalifiseringmetode Verskynings by eindstryde Laaste verskyning Vorige beste prestasie
  Argentinië Regstreeks Tiende 2019 Derde plek (2007)
  Australië Tiende 2019 Kampioen (1991, 1999)
  Engeland Tiende 2019 Kampioen (2003)
  Fidji Negende 2019 Kwarteindrondte (1987, 2007)
  Frankryk Tiende 2019 Naaswenner (1987, 1999, 2011)
   Ierland Tiende 2019 Kwarteindrondte (1987, 1991, 1995, 2003, 2011, 2015, 2019)
  Italië Tiende 2019 Poelfase (1987, 1991, 1995, 1999, 2003, 2007, 2011, 2015, 2019)
  Japan Tiende 2019 Kwarteindrondte (2019)
  Nieu-Seeland Tiende 2019 Kampioen (1987, 2011, 2015)
  Skotland Tiende 2019 Vierde plek (1991)
  Suid-Afrika Agtste 2019 Kampioen (1995, 2007, 2019)
  Wallis Tiende 2019 Derde plek (1987)
  Chili Amerikas 2 Eerste Debuut
  Georgië Europa 1 Sesde 2019 Poelfase (2003, 2007, 2011, 2015, 2019)
  Namibië Afrika 1 Sewende 2019 Poelfase (1999, 2003, 2007, 2011, 2015, 2019)
  Portugal Uitspeelwedstrydwenner Tweede 2007 Poelfase (2007)
  Roemenië Europa 2 Negende 2015 Poelfase (1987, 1991, 1995, 1999, 2003, 2007, 2011, 2015)
  Samoa Oseanië 1 Negende 2019 Kwarteindrondte (1991, 1995)
  Tonga Asië/Pasifiek 1 Negende 2019 Poelfase (1987, 1995, 1999, 2003, 2007, 2011, 2015, 2019)
  Uruguay Amerikas 1 Vyfde 2019 Poelfase (1999, 2003, 2015, 2019)

StadionsWysig

Die Franse Rugbyfederasie se bod is deur Wêreldrugby op 15 November 2017 bo die aansoeke van die Suid-Afrikaanse Rugbyunie en die Ierse Rugbyvoetbalunie gekies. Frankryk het sy bod op 9 Februarie 2017 ingedien.[34] Op 17 Maart 2017 is 12 gasheerstede gekies.[35] Dié lys is later tot nege stede verminder (sonder Parys, Montpellier en Lens).[36]

Saint-Denis
(Parys)
Marseille Décines-Charpieu
(Lyon)
Villeneuve-d'Ascq
(Lille)
Stade de France Stade Vélodrome Parc Olympique Lyonnais Stade Pierre-Mauroy
48°55′28″N 2°21′36″O / 48.92444°N 2.36000°O / 48.92444; 2.36000 (Stade de France) 43°16′11″N 5°23′45″O / 43.26972°N 5.39583°O / 43.26972; 5.39583 (Stade Vélodrome) 45°45′56″N 4°58′52″O / 45.76556°N 4.98111°O / 45.76556; 4.98111 (Parc Olympique Lyonnais) 50°36′43″N 3°07′50″O / 50.61194°N 3.13056°O / 50.61194; 3.13056 (Stade Pierre-Mauroy)
Kapasiteit: 80 698 Kapasiteit: 67 394 Kapasiteit: 59 186 Kapasiteit: 50 157
       
Bordeaux
Stade de Bordeaux
44°53′50″N 0°33′42″W / 44.89722°N 0.56167°W / 44.89722; -0.56167 (Nouveau Stade de Bordeaux)
Kapasiteit: 42 115
 
Saint-Étienne Nice Nantes Toulouse
Stade Geoffroy-Guichard Stade de Nice Stade de la Beaujoire Stadium de Toulouse
45°27′39″N 4°23′25″O / 45.46083°N 4.39028°O / 45.46083; 4.39028 (Stade Geoffroy-Guichard) 43°42′18″N 7°11′33″O / 43.70500°N 7.19250°O / 43.70500; 7.19250 (Allianz Riviera) 47°15′20″N 1°31′31″W / 47.25556°N 1.52528°W / 47.25556; -1.52528 (Stade de la Beaujoire) 43°34′59″N 1°26′3″O / 43.58306°N 1.43417°O / 43.58306; 1.43417 (Stadium Municipal)
Kapasiteit: 41 965 Kapasiteit: 35 624 Kapasiteit: 35 322 Kapasiteit: 33 150
       

FormaatWysig

 
Die amptelike rugbybal van die Rugbywêreldbeker 2023

Die Rugbywêreldbeker 2023 word oor 51 dae tussen 20 verskillende nasies oor 48 wedstryde uitgespeel. Dit skop op 8 September met ’n wedstryd tussen die gasheer Frankryk en Nieu-Seeland af. Die toernooi eindig op die Stade de France in Saint-Denis op 28 Oktober met die eindstryd waarin die wenner van die Webb Ellis-beker in 2023 bepaal word.

KalenderWysig

Op 22 Februarie 2021 het Wêreldrugby verskeie maatreëls aangekondig wat verband hou met die fisieke integriteit van spelers:[37]

  • die aantal rusdae tussen twee wedstryde word verhoog. Vir die eerste keer in die toernooigeskiedenis sal spanne voor die volgende wedstryd minstens vyf dae kan voorberei en herstel;
  • die groepfase word met ’n week verleng (vanaf 8 September);
  • die aantal spelers word van 31 na nou 33 spelers verhoog om die spanbestuur te vergemaklik;
  • reistye en frekwensies word aansienlik verminder;
  • Oefenlading word verlaag om ernstige beserings (insluitend harsingskudding) te voorkom.

Die wedstrydskedule is op 26 Februarie 2021 deur Wêreldrugby bekendgemaak.[38] Die volgende tabel dui die Rugbywêreldbeker 2023 se daaglikse program aan. ’n Pers blokkie dui op wedstryde tydens die poelfase, ’n groen blokkie op wedstryde tydens die uitklopfase, ’n blou blokkie op die bronseindstryd en ’n geel blokkie op die eindstryd.

Aantal daaglikse wedstryde tydens die toernooi
Poelfase
September/Oktober
Vr
8
Sa
9
So
10
Ma
11
Di
12
Wo
13
Do
14
Vr
15
Sa
16
So
17
Ma
18
Di
19
Wo
20
Do
21
Vr
22
Sa
23
So
24
Ma
25
Di
26
Wo
27
Do
28
Vr
29
Sa
30
So
1
Ma
2
Di
3
Wo
4
Do
5
Vr
6
Sa
7
So
8
Seremonies OS
Poel A 1 1 1 1 1 1 1 1 1 1
Poel B 1 1 1 1 1 1 1 1 1 1
Poel C 1 1 1 1 1 1 1 1 1 1
Poel D 1 1 1 1 1 1 1 1 1 1
Uitklopfase
Oktober
Ma
9
Di
10
Wo
11
Do
12
Vr
13
Sa
14
So
15
Ma
16
Di
17
Wo
18
Do
19
Vr
20
Sa
21
So
22
Ma
23
Di
24
Wo
25
Do
26
Vr
27
Sa
28
Seremonies SS
Uitklopfase 2 2 1 1 1 1
Legende

   Seremonies

   Poelwedstryde

   Uitklopfase

   Derde plek

   Eindstryd

PoeleWysig

 
Die loting vir die Rugbywêreldbeker 2023 het op 14 Desember 2020 in die Paryse Palais Brongniart plaasgevind

Die eerste rondte, of die poelfase, het 20 lande wat in vier poele van vyf spanne gedeel is met dieselfde formaat as wat in 2003, 2007, 2011, 2015 en 2019 gebruik is. Die loting vir die poelfase, waar die twaalf regstreekse kwalifiseerders in drie poele gedeel is na aanleiding van hul posisie op die Wêreldrugby-ranglys (soos op 1 Januarie 2020), het op 14 Desember 2020 in die Paryse Palais Brongniart plaasgevind.[39][40] Die oorspronklike datum vir die loting was 30 November 2020, die tradisionele plek ná die eindjaarrugbytoetsreeks gedurende die Novembermaand ná die vorige Rugbywêreldbekertoernooi.[41]

Die lootstelsel van vorige Rugbywêreldbekertoernooie is behou met die 12 regstreekse kwalifiseerders uit 2019 wat op die lotingsdag aan hul onderskeie groepe toegewys is, gebaseer op hul plek op die Wêreldrugby-ranglys op 1 Januarie 2020:

  • Groep 1: Die vier beste gekeurde spanne
  • Groep 2: Die vier naasbeste gekeurde spanne
  • Groep 3: Die vier laagste regstreekse kwalifiseerders

Die oorblywende twee groepe bestaan uit die agt bykomende spanne, met die toewysing in elke groep gebaseer op die vorige Rugbywêreldbekertoernooi:

Dit beteken dat die 20 deelnemende spanne, gekwalifiseerde en kwalifiserende, soos volg gekeur is (volgens hul plek op die wêreldranglys op 1 Januarie 2020):

Groep 1 Groep 2 Groep 3 Groep 4 Groep 5

Ná die loting op 14 Desember 2020 lyk die poele soos volg:[42]

Poel A Poel B Poel C Poel D

  Nieu-Seeland
  Frankryk
  Italië
Amerikas 1 (  Uruguay)
Afrika 1 (  Namibië)

  Suid-Afrika
   Ierland
  Skotland
Asië/Pasifiek 1 (  Tonga)
Europa 2 (  Roemenië)

  Wallis
  Australië
  Fidji
Europa 1 (  Georgië)
Uitspeelwedstrydwenner (  Portugal)

  Engeland
  Japan
  Argentinië
Oseanië 1 (  Samoa)
Amerikas 2 (  Chili)

PoelfaseWysig

Soos in die Rugbywêreldbekertoernooie van 2003, 2007, 2011, 2015 en 2019 word die 20 nasies wat vir die Rugbywêreldbeker 2023 kwalifiseer in vier poele verdeel. Die poele word verdeel van Poel A tot Poel D en elke poel bestaan uit vyf spanne. Elke poel bevat een semifinalis en een kwarteindfinalis (regstreekse kwalifiseerders) van die Rugbywêreldbeker 2019, met die ander drie plekke wat deur die kwalifiseringstelsel aangevul is. Elke land speel een keer teen elke ander span in hulle poel: elke land speel dus vier wedstryde in die poelfase.

Klassifisering binne elke poel sal gegrond wees op die volgende puntestelsel:

  • vier wedstrydpunte vir ’n oorwinning;
  • twee vir ’n gelykopuitslag;
  • geen vir ’n nederlaag;
  • Een bonuspunt vir die druk van vier of meer drieë, of ’n nederlaag met sewe punte of minder.[43]

Bonuspunte wat bydra tot spanne se versamelde wedstrydpuntetelling word toegeken in elkeen van die volgende omstandighede (een wedstrydpunt vir elke geval):

  • ’n span druk vier of meer drieë (ongeag van die wedstryduitslag);
  • ’n span verloor met sewe punte (’n verdoelde drie) of minder.[43]

Aan die einde van die poelfase word die spanne gerangskik van die eerste na die vyfde posisie, gegrond op versamelde wedstrydpunte, met die twee beste spanne wat na die kwarteindstryd deurdring.

UitklopfaseWysig

 
Die Webb Ellis-beker tydens die perskonferensie vir die Rugbywêreldbeker 2023

Van die begin van dié fase af neem die toernooi ’n uitklopformaat aan wat uit agt wedstryde bestaan: vier kwarteindstryde, twee halfeindstryde, ’n derde-plek-wedstryd en die eindstryd.

Die wenner en naaswenner van elk van die poele dring na die uitklopfase deur. Poelwenners speel teen naaswenners in ander poele in die kwarteindstryde, byvoorbeeld: die wenner van Poel A speel teen die naaswenner van Poel B en die wenner van Poel B speel teen die naaswenner van Poel A. Spanne van dieselfde poel sal dus eers weer in óf die klein finale óf die eindstryd kan ontmoet.

Elke wedstryd in die uitklopfase móét in ’n oorwinning vir een van die spanne eindig. Indien daar ná tagtig minute van gewone spel ’n gelykopuitslag is, word daar verder gespeel om te bepaal wie die wenner is. Aanvanklik word daar twee periodes van ekstra tyd gespeel; die spanne speel dan 10 minute aan ’n kant. Indien daar dan steeds geen wenner is nie word daar vir tien minute gespeel in ’n uitklopformaat, waar die eerste span wat daarin slaag om punte aan te teken, wen. Indien daar steeds nie ’n wenner is na 110 minute nie word die wenner bepaal deur ’n stelskopkompetisie.[43]

2023-effek op 2027-kwalifiseringWysig

Soos tydens die Rugbywêreldbekertoernooie van 2007, 2011, 2015 en 2019 sal die beste drie spanne in elke poel regstreeks vir die volgende Rugbywêreldbeker 2027 kwalifiseer.

Kaartjies en borgskappeWysig

Altesaam 2,6 miljoen kaartjies vir die Rugbywêreldbeker 2023 sal in drie fases verkoop word; die meeste kaartjies vir ’n rugbywêreldbekertoernooi nog. Die eerste-fase-kaartjies word vanaf Maart 2021 vrygestel en die laaste-fase-kaartjies in 2022.[44]

Rugbywêreldbeker 2023-vennote en -verskaffers
Wêreldwye vennote Asahi,[45] Capgemini,[46] Emirates,[47] Land Rover,[48] Mastercard[49] en Société Générale.[50]
Amptelike vennote GL events,[51] GMF,[52] Loxam,[53] Orange,[54] PROMAN,[55] SNCF,[56] TotalEnergies[57] en Vivendi.[58]
Amptelike verskaffers Andros (voedsel),[59] BKT Bpk. (bande),[60] Canon (kameras),[61] Eden Park (klere),[62] EF Education First AG (taalonderrig),[63] Facebook (sosiale media),[64] Geodis (logistiek),[65] Gilbert (rugbyballe),[66] Hewlett-Packard,[67] Invivo (fynkos),[68] Macron (sportuitrusting),[69] Mitsubishi Electric (nywerheidselektroniek),[70] Taisho Pharmaceutical[71] en Tudor (horlosies).[72]
Amptelike ondersteuners Aramis Rugby,[73] France Pare-brise,[74] Koesio,[75] PPA Business School[76] en Sage.[77]

WedstrydeWysig

Kwalifiseer vir die kwarteindrondte én regstreeks vir die Rugbywêreldbeker 2027.
Uit die toernooi geskakel, maar kwalifiseer regstreeks vir die Rugbywêreldbeker 2027.
Uit die toernooi geskakel én loop regstreekse kwalifisering vir die Rugbywêreldbeker 2027 mis.

PoelwedstrydeWysig

Poel AWysig

Span Wed Wen Gel Ver DV PV PT +/− BP Pte
  Nieu-Seeland 0 0 0 0 0 0 0 +0 0 0
  Frankryk 0 0 0 0 0 0 0 +0 0 0
  Italië 0 0 0 0 0 0 0 +0 0 0
  Uruguay 0 0 0 0 0 0 0 +0 0 0
  Namibië 0 0 0 0 0 0 0 +0 0 0

Poel BWysig

Span Wed Wen Gel Ver DV PV PT +/− BP Pte
  Suid-Afrika 0 0 0 0 0 0 0 +0 0 0
   Ierland 0 0 0 0 0 0 0 +0 0 0
  Skotland 0 0 0 0 0 0 0 +0 0 0
  Tonga 0 0 0 0 0 0 0 +0 0 0
  Roemenië 0 0 0 0 0 0 0 +0 0 0

Poel CWysig

Span Wed Wen Gel Ver DV PV PT +/− BP Pte
  Wallis 0 0 0 0 0 0 0 +0 0 0
  Australië 0 0 0 0 0 0 0 +0 0 0
  Fidji 0 0 0 0 0 0 0 +0 0 0
  Georgië 0 0 0 0 0 0 0 +0 0 0
  Portugal 0 0 0 0 0 0 0 +0 0 0

Poel DWysig

Span Wed Wen Gel Ver DV PV PT +/− BP Pte
  Engeland 0 0 0 0 0 0 0 +0 0 0
  Japan 0 0 0 0 0 0 0 +0 0 0
  Argentinië 0 0 0 0 0 0 0 +0 0 0
  Samoa 0 0 0 0 0 0 0 +0 0 0
  Chili 0 0 0 0 0 0 0 +0 0 0

UitklopfaseWysig

Kwarteindrondte Halfeindrondte Eindrondte
                   
14 Oktober – Marseille        
 Wenner Poel C  
20 Oktober – Saint-Denis
 Naaswenner Poel D    
 Wenner Kwarteindstryd 1  
14 Oktober – Saint-Denis
   Wenner Kwarteindstryd 2    
 Wenner Poel B  
28 Oktober – Saint-Denis
 Naaswenner Poel A    
 Wenner Halfeindstryd 1  
15 Oktober – Marseille
   Wenner Halfeindstryd 2  
 Wenner Poel D  
21 Oktober – Saint-Denis
 Naaswenner Poel C    
 Wenner Kwarteindstryd 3   Uitspeel om derde plek
15 Oktober – Saint-Denis
   Wenner Kwarteindstryd 4     27 Oktober – Saint-Denis
 Wenner Poel A  
   Verloorder Halfeindstryd 1  
 Naaswenner Poel B    
 Verloorder Halfeindstryd 2  

KwarteindrondteWysig

HalfeindrondteWysig

BronseindstrydWysig

EindstrydWysig


Rugbywêreldkampioen 2023
Wenner Eindstryd

Sien ookWysig

VerwysingsWysig

  1. (en) "Webb-Ellis, William". Rugby Football History. Besoek op 20 November 2022.
  2. (en) "Candidate unions submit RWC 2023 bid files as hosting race ramps-up". Wêreldrugby. 1 Junie 2017. Besoek op 20 November 2022.
  3. (en) "RWC 2023 host selection process builds momentum". Wêreldrugby. 4 Oktober 2016. Besoek op 20 November 2022.
  4. (en) "Rugby: France launch 2023 World Cup bid". The Straits Times. 10 Februarie 2017. Besoek op 20 November 2022.
  5. (en) "SA Rugby responds to Mbalula's bombshell". Sport24. 25 April 2016. Besoek op 20 November 2022.
  6. (en) "SA focus RWC 2023 bid on 8 stadiums". Sport24. 17 Julie 2017. Besoek op 20 November 2022.
  7. (en) "Ireland confirms bid for 2023 Rugby World Cup". RTÉ. 6 Desember 2014. Besoek op 20 November 2022.
  8. (en) "A tournament like no other". Ierse Rugbyvoetbalunie. 2016. Geargiveer vanaf die oorspronklike op 24 Januarie 2018. Besoek op 24 Januarie 2018.
  9. (en) "Italy to run against Ireland in World Cup bid". RTÉ. 5 Maart 2015. Besoek op 20 November 2022.
  10. (it) "Rugby World Cup 2023, identificati gli stadi per la candidatura italiana". Italiaanse Rugbyfederasie. 12 Augustus 2016. Besoek op 20 November 2022.
  11. (en) "FIR withdraws from RWC 2023 hosting process". Wêreldrugby. 28 September 2016. Besoek op 20 November 2022.
  12. (en) "Rome 2024 Olympic bid collapses in acrimony". BBC. 21 September 2016. Besoek op 20 November 2022.
  13. (fr) "La Coupe du monde de rugby 2023 devrait échapper à la France". Le Monde. 31 Oktober 2017. Besoek op 20 November 2022.
  14. (fr) "Rugby : la France déjoue les pronostics et organisera la Coupe du monde en 2023". Le Monde. 15 November 2017. Besoek op 20 November 2022.
  15. (en) "2023 Rugby World Cup: France beat South Africa and Ireland to host competition". BBC. 15 November 2017. Besoek op 20 November 2022.
  16. (fr) "Coupe du monde 2023 : Rivoal nommé président, Atcher directeur". Rugbyrama.fr. 15 Mei 2018. Besoek op 20 November 2022.
  17. (fr) "Coupe du monde – Chabal président du comité des joueurs pour 2023". Rugbyrama.fr. 26 Junie 2018. Besoek op 20 November 2022.
  18. (fr) "Affaire Claude Atcher : la mise à pied du directeur du Mondial 2023 "ratifiée" par le GIP". Midi Libre. 2 September 2022. Besoek op 20 November 2022.
  19. (fr) Thibault Perrin (8 Januarie 2019). "Une liste de 27 ambassadeurs de la Coupe du monde 2023 dévoilée par la FFR". www.lerugbynistere.fr. Besoek op 20 November 2022.
  20. (en) "Qualifiers – Rugby World Cup 2023". rugbyworldcup.com. 2020. Besoek op 20 November 2022.
  21. (en) "World Rugby unveils qualification format for 2023 World Cup". ESPNscrum. 9 Junie 2020. Besoek op 20 November 2022.
  22. (en) "Qualification process set for Rugby World Cup 2023". rugbyworldcup.com. 8 Junie 2020. Besoek op 20 November 2022.
  23. (en) "Everything you need to know about the Rugby Europe Championship 2021". Wêreldrugby. 3 November 2021. Besoek op 20 November 2022.
  24. (en) Aaron Goile (17 Julie 2021). "Manu Samoa down Tonga again, secure Rugby World Cup 2023 qualification". Stuff. Besoek op 20 November 2022.
  25. (en) "Canada fails to qualify for Rugby World Cup for 1st time ever". Canadian Broadcasting Corporation. 9 Oktober 2021. Besoek op 20 November 2022.
  26. (en) Patrick Burke (9 Oktober 2021). "Uruguay qualify for third successive Rugby World Cup by beating US, while Canada miss out for first time". Inside the Games. Besoek op 20 November 2022.
  27. (en) "Georgia's Rugby World Cup pool locked in but more European qualifiers to be determined". Rugbypass. 13 Maart 2022. Besoek op 20 November 2022.
  28. (en) "Namibia win Rugby Africa Cup to secure place at Rugby World Cup 2023". Wêreldrugby. 10 Julie 2022. Besoek op 20 November 2022.
  29. (en) "Chile secure Rugby World Cup debut with dramatic defeat of the USA". rugbyworldcup.com. 24 Julie 2022. Besoek op 20 November 2022.
  30. (en) "Tonga qualify for Rugby World Cup 2023". rugbyworldcup.com. 23 Julie 2022. Besoek op 20 November 2022.
  31. (en) "Independent Appeal Committee decision regarding Spain player eligibility". Wêreldrugby. 27 Junie 2022. Besoek op 20 November 2022.
  32. (en) "Samuel Marques kicks Portugal to Rugby World Cup 2023". rugbyworldcup.com. 18 November 2022. Besoek op 20 November 2022.
  33. (en) Paul Tait (19 November 2022). "RWC 2023 to be the first Men's Rugby World Cup without North Americans". Americas Rugby News. Besoek op 20 November 2022.
  34. (en) "Rugby: France launch 2023 World Cup bid". Reuters. 9 Februarie 2017. Besoek op 20 November 2022.
  35. (fr) "#France2023 : Douze villes hôtes retenues". Franse Rugbyfederasie. 17 Maart 2017. Besoek op 20 November 2022.
  36. (fr) "Coupe du monde de rugby 2023 : Paris, Lens et Montpellier écartées de la candidature française". L'Équipe. 31 Mei 2017. Besoek op 20 November 2022.
  37. (en) "Increased rest days confirmed for Rugby World Cup 2023". Wêreldrugby. 22 Februarie 2021. Besoek op 20 November 2022.
  38. (en) "Matches". rugbyworldcup.com. 26 Februarie 2021. Besoek op 20 November 2022.
  39. (en) "Stage set for Rugby World Cup 2023 Draw – Rugby World Cup 2023". rugbyworldcup.com. 2 Oktober 2020. Besoek op 20 November 2022.
  40. (fr) "Coupe du monde 2023 : le tirage au sort décalé au 14 décembre". L'Équipe. 7 September 2020. Besoek op 20 November 2022.
  41. (en) "World Ranking race begins for RWC 2023 pool draw". Rugby World Cup. rugbyworldcup.com. 29 Januarie 2020. Besoek op 20 November 2022.
  42. (en) "Re-live the Rugby World Cup 2023 Draw". rugbyworldcup.com. 14 Desember 2020. Besoek op 20 November 2022.
  43. 43,0 43,1 43,2 (en) "Tournament Rules". rugbyworldcup.com. 1 Augustus 2019. Besoek op 20 November 2022.
  44. (en) "Rugby World Cup France 2023 tickets go on sale". rugbyworldcup.com. 4 Maart 2021. Besoek op 20 November 2022.
  45. (en) "Asahi Breweries joins Rugby World Cup 2023 as Worldwide Partner". rugbyworldcup.com. 28 April 2021. Besoek op 20 November 2022.
  46. (en) "World Rugby and Capgemini announce transformational Rugby World Cup 2023 worldwide Partnership". rugbyworldcup.com. 6 September 2021. Besoek op 20 November 2022.
  47. (en) "Emirates and World Rugby to 'Fly Better' at Rugby World Cup 2023 and 2027". Emirates. 27 Julie 2022. Besoek op 20 November 2022.
  48. (en) Rory Jones (18 November 2021). "World Rugby partners with Land Rover ahead of 2023 World Cup". Sportspromedia. Besoek op 20 November 2022.
  49. (fr) Holly Hunt (26 Februarie 2021). "Rugby World Cup teams up with Mastercard for 2023 tournament". Insider Sport. Besoek op 20 November 2022.
  50. (fr) "Rugby. Société Générale partenaire de France 2023". SportBusiness. 6 Oktober 2020. Besoek op 20 November 2022.
  51. (fr) "Le groupe GL events Sponsor Officiel de la Coupe du Monde de Rugby France 2023". GL events. Besoek op 20 November 2022.
  52. (en) "GMF becomes Official Sponsor and Official Insurer of Rugby World Cup France 2023". rugbyworldcup.com. 17 November 2021. Besoek op 20 November 2022.
  53. (fr) "News | Loxam – Site FR". Loxam. Besoek op 20 November 2022.
  54. (fr) "Orange devient Sponsor Officiel de la Coupe du Monde de Rugby France 2023". rugbyworldcup.com. 13 Desember 2020. Besoek op 20 November 2022.
  55. (fr) "Proman, recruteur de la Coupe du monde de rugby France 2023". SportBusiness. 6 November 2020. Besoek op 20 November 2022.
  56. (fr) "La SNCF sponsor officiel de la prochaine Coupe du monde de rugby". SNCF. Besoek op 20 November 2022.
  57. (en) "TotalEnergies becomes Official Sponsor of Rugby World Cup France 2023". rugbyworldcup.com. 25 Junie 2021. Besoek op 20 November 2022.
  58. (fr) "Rugby. Vivendi sponsor officiel de France 2023". SportBusiness. 30 Oktober 2020. Besoek op 20 November 2022.
  59. (en) "Andros becomes Rugby World Cup France 2023 Official Supplier". rugbyworldcup.com. 15 September 2021. Besoek op 20 November 2022.
  60. (en) "A new adventure begins for BKT and Rugby World Cup 2023 in France". rugbyworldcup.com. 4 November 2021. Besoek op 20 November 2022.
  61. (en) "Canon joins the Rugby World Cup commercial family for New Zealand 2021 and France 2023". Wêreldrugby. 27 Junie 2022. Besoek op 20 November 2022.
  62. (en) "Eden Park becomes Elegance Supplier for Rugby World Cup 2023 and confirms its commitment to the the Campus 2023 Programme". rugbyworldcup.com. 8 Julie 2021. Besoek op 20 November 2022.
  63. (en) "EF Education First selected as official language training services supplier for Rugby World Cup France 2023". rugbyworldcup.com. 9 Junie 2021. Besoek op 20 November 2022.
  64. (en) "Facebook becomes official social media services supplier of Rugby World Cup France 2023". rugbyworldcup.com. 7 September 2021. Besoek op 20 November 2022.
  65. (fr) "GEODIS devient Transporteur Officiel de Fret de la Coupe du Monde de Rugby France 2023". rugbyworldcup.com. 23 Mei 2022. Besoek op 20 November 2022.
  66. (en) "Rugby World Cup lives on. France 2023, see you there!". Gilbert Rugby. 4 Desember 2019. Besoek op 20 November 2022.
  67. (en) "HP becomes official supplier of Rugby World Cup France 2023, comfirms commitment to the Campus 2023 Programme". rugbyworldcup.com. 18 Junie 2021. Besoek op 20 November 2022.
  68. (en) "InVivo becomes Official Fine Food Supplier of Rugby World Cup France 2023". rugbyworldcup.com. 29 September 2021. Besoek op 20 November 2022.
  69. (en) "World Rugby appoints Macron as match officials kit supplier in three-year deal". Wêreldrugby. 20 Januarie 2022. Besoek op 20 November 2022.
  70. (en) "Mitsubishi Electric becomes Official Supplier of Rugby World Cup France 2023". rugbyworldcup.com. 9 November 2021. Besoek op 20 November 2022.
  71. (fr) "Taisho Pharmaceutical appointed Official Supplier of Rugby World Cup France 2023". rugbyworldcup.com. 24 Junie 2021. Besoek op 20 November 2022.
  72. (en) "Born To Dare – World Rugby and TUDOR announce long-term partnership". Wêreldrugby. 26 November 2017. Besoek op 20 November 2022.
  73. (en) "Aramis Rugby announced as Official Supporter of Rugby World Cup France 2023". rugbyworldcup.com. 13 Junie 2022. Besoek op 20 November 2022.
  74. (fr) "France Pare-Brise supporter officiel de la Coupe du Monde de Rugby France 2023". rugbyworldcup.com. 30 Maart 2022. Besoek op 20 November 2022.
  75. (fr) "Koesio et sa #TeamDurable Supporters Officiels de la Coupe du Monde de Rugby France 2023". rugbyworldcup.com. 20 April 2022. Besoek op 20 November 2022.
  76. (fr) "PPA Business School devient Supporter Officiel de la Coupe du monde de rugby France 2023". rugbyworldcup.com. 4 April 2022. Besoek op 20 November 2022.
  77. (en) "Sage becomes Official Supporter of Rugby World Cup 2023". rugbyworldcup.com. 4 Maart 2022. Besoek op 20 November 2022.

Eksterne skakelsWysig

Rugbywêreldbeker  

Australië / Nieu-Seeland 1987Engeland / Frankryk / Ierland / Skotland / Wallis 1991Suid-Afrika 1995Engeland / Frankryk / Ierland / Skotland / Wallis 1999Australië 2003Frankryk 2007Nieu-Seeland 2011Engeland / Wallis 2015Japan 2019Frankryk 2023Australië 2027Verenigde State 2031