Wikipedia

Krieketwêreldbeker 2023

Die artikel beskryf ’n sportgebeurtenis wat in die toekoms gaan plaasvind.
Die inligting is moontlik spekulatief en kan vinnig verander soos data beskikbaar raak. 		Sport

Die Krieketwêreldbeker 2023 (Engels: 2023 Cricket World Cup; Hindi: २०२३ क्रिकेट विश्व कप) word van 5 Oktober tot 19 November 2023 in Indië beslis.[1] Die oorspronklike datums vir dié toernooi was tussen 9 Februarie tot 26 Maart 2023,[2][3][4] maar in Julie 2020 is dit na Oktober en November 2023 herskeduleer, nadat die kwalifisering weens die wêreldwye Covid-19-pandemie vertraag is.[5][6][7] Dit is die 13de krieketwêreldbeker van die vierjaarlikse krieketwêreldkampioenskap in internasionale eendagkrieket (EDI) wat deur die Internasionale Krieketraad (IKR) aangebied word en die vierde in Indië. Dié land het voorheen as medegasheer van die toernooie in 1987 (saam met Pakistan), 1996 (saam met Pakistan en Sri Lanka) en 2011 (saam met Bangladesj en Sri Lanka) opgetree; net Engeland het meer toernooie gehuisves. Dit is die eerste toernooi wat geheel en al in Indië aangebied word[8] en net die derde wat deur een gasheerland gehou word; die eerste twee toernooie in 1975 en 1979 is deur Engeland op sy eie gehuisves.

Krieketwêreldbeker 2023

Kenteken van die Krieketwêreldbeker 2023
Datums 5 Oktober – 19 November
Bestuurder Internasionale Krieketraad (IKR)
Krieketformaat Internasionale eendagkrieket (EDI)
Toernooiformaat Groep- en uitklopfase
Gashere Vlag van Indië Indië
Deelnemers 10 (32 kwalifiseer)
Wedstryde gespeel 48
← 2019
2027 →
Die Krieketwêreldbekertrofee waarom meegeding sal word

Die toernooi se formaat van 2019 bly onveranderd en tien nasionale krieketspanne neem aan die Krieketwêreldbeker 2023 deel: Die gasheer Indië, die sewe beste spanne van die Superliga 2020–2023 (Afghanistan, Australië, Bangladesj, Engeland, Nieu-Seeland, Pakistan en Suid-Afrika), saam met die twee beste spanne van die Krieketwêreldbekerkwalifisering 2023 (Nederland en Sri Lanka). Tydens die Krieketwêreldbeker 2023 word 48 wedstryde gespeel, waaronder 45 tydens die groepfase en drie in die uitklopfase, insluitende die eindstryd. Die toernooi begin op 5 Oktober met die openingswedstryd tussen die twee finaliste van die 2019-toernooi Engeland en Nieu-Seeland op die Narendra Modi-stadion in Ahmedabad. Al die spanne beslis in een groep 45 wedstryde, waarvan elke span een keer teen al die ander spanne van die groep speel. Die vier beste spanne kwalifiseer hierna vir die halfeindrondte, waarna albei wenners in die eindstryd op 19 November op die Narendra Modi-stadion in Ahmedabad ontmoet. Engeland is die verdedigende kampioen nadat hulle die vorige Krieketwêreldbeker 2019, teen Nieu-Seeland in die nouste eindstryd nog (’n amptelike gelykop), tuis gewen het.[9]

Die Internasionale Krieketraad het voor die Krieketwêreldbeker 2015 aangekondig dat net tien van die vernaamste krieketlande aan die volgende toernooie van 2019 en 2023 sal kan deelneem.[10] Dit het groot kritiek uitgelok, omdat veral die geassosieerde lede van die IKR gevrees het dat die afstand in kwaliteit tussen hulle en die voorste toetskrieketlande groter sou word.[11][12][13] Die IKR se redenasie vir hierdie stap is egter ’n beter bemarkingsmoontlikheid van die kompetisie, want al die spanne sou dan mededingend wees.[14] Die tweemalige wêreldkampioen Wes-Indië kon vir die eerste keer nie vir ’n krieketwêreldbekertoernooi kwalifiseer nie, vervolgens neem vir die eerste keer in die toernooi se geskiedenis geen span van die Amerikas deel nie.

Toewysing Wysig

Tydens ’n spesiale vergadering van die Internasionale Krieketraad in Junie 2013 in Londen is die Krieketwêreldbeker 2023 aan Indië toegewys.[15]

Deelnemers Wysig

 
Grafiek van die kwalifiseringsproses vir die Krieketwêreldbeker 2023

Soos tydens die Krieketwêreldbeker 2019 mag tien krieketspanne aan die Krieketwêreldbeker 2023 deelneem. Die hoofroete tot kwalifisering was die nuwe Superliga, wat die EDI-kampioenskap vervang het. Aan die Superliga, wat tussen Julie 2020 en Mei 2023 beslis is, het die twaalf toetslande (insluitende die gasheer Indië) en Nederland deelgeneem.[16]

Die gasheer Indië en die sewe beste spanne van die dertien deelnemers in die Superliga het regstreeks vir die hooftoernooi gekwalifiseer. Die vyf spanne van die Superliga, wat nie daarin geslaag het om direk vir die toernooi te kwalifiseer nie, het aan die Krieketwêreldbekerkwalifisering 2023 deelgeneem, waarna twee spanne na die hooftoernooi deurgedring het.[17][18]

Aan die Krieketwêreldbekerkwalifisering 2023 het, naas die vyf onderste spanne van die Superliga, ook die drie beste spanne van die vir die eerste keer besliste Krieketwêreldbekerliga 2 2019–2022 (gehou tussen Augustus 2019 en Maart 2023) deelgeneem. Die oorblywende twee plekke vir die kwalifisering is deur ’n uitspeeltoernooi tussen die Krieketwêreldbekerliga 2 se niekwalifiserende spanne en die Krieketwêreldbekeruitdagingsliga 2019–2021 se twee beste spanne bepaal.[19] Aan die Krieketwêreldbekerliga het die oorblywende sewe lande met ’n tydelike EDI-status deelgeneem (Nederland het aan die Superliga deelgeneem).[20]

32 nasionale krieketspanne het om die twee oorblywende plekke by die Krieketwêreldbeker 2023 meegeding, waarvan die finale tien aan die uiteindelike kwalifiserende rondte in Zimbabwe deelgeneem het.[21] Sri Lanka het die eerste kwalifiserende span geword nadat hulle Zimbabwe met nege paaltjies geklop het.[22] Nadat Skotland Wes-Indië met sewe paaltjies verslaan het, kon die tweemalige wêreldkampioen vir die eerste keer nie vir ’n krieketwêreldbekertoernooi kwalifiseer nie.[23][24] Nadat Skotland ook Zimbabwe met 31 lopies verslaan het, sal Zimbabwe sy tweede agtereenvolgende krieketwêreldbekertoernooi misloop.[25] Vir die eerste keer kon drie lande met toetskrieketstatus – Ierland, Wes-Indië en Zimbabwe – nie vir ’n krieketwêreldbeker kwalifiseer nie, terwyl twee assosiaatlede – Nederland en Skotland – daarin geslaag het om dié drie volle lede in die kwalifisering verby te steek en die laaste plek onder mekaar beslis het.[26] Nederland het die laaste en tiende plek bespreek nadat hulle Skotland met vier paaltjies verslaan het.[27]

 
Uitslag van die kwalifisering; altesaam 32 nasies het deelgeneem.

   Gekwalifiseer as gasheer

   Gekwalifiseer tydens die IKR Superliga

   Gekwalifiseer tydens die Krieketwêreldbekerkwalifisering

   Nie gekwalifiseer nie

   Nie deelgeneem nie

Span Kwalifiseringmetode Verskynings by eindstryde Laaste verskyning Vorige beste prestasie
  Indië Gasheer 13de 2019 Kampioen (1983, 2011)
  Afghanistan IKR Superliga 2020–2023 Derde 2019 Groepfase (2015, 2019)
  Australië 13de 2019 Kampioen (1987, 1999, 2003, 2007, 2015)
  Bangladesj Sewende 2019 Kwarteindrondte (2015)
  Engeland 13de 2019 Kampioen (2019)
  Nieu-Seeland 13de 2019 Naaswenner (2015, 2019)
  Pakistan 13de 2019 Kampioen (1992)
  Suid-Afrika Negende 2019 Halfeindrondte (1992, 1999, 2007, 2015)
  Nederland Krieketwêreldbekerkwalifisering Vyfde 2011 Groepfase (1996, 2003, 2007, 2011)
  Sri Lanka 13de 2019 Kampioen (1996)

Stadions Wysig

Op 21 Maart 2023 het die Raad vir Beheer van Krieket in Indië twaalf Indiese stadions op die kortlys vir die Krieketwêreldbeker 2023 geplaas.[1] Op 27 Junie 2023 het die Internasionale Krieketraad die wedstrydskedule aangekondig, waarby Indore, Guwahati en Rajkot van die lys verwyder is, terwyl Pune bygevoeg is. Die Narendra Modi-stadion in Ahmedabad met ’n kapasiteit van 132 000 sal vir die eerste keer ’n krieketwêreldbekereindstryd huisves. Die twee halfeindstryde word onderskeidelik op Wankhedestadion in Mumbai en Eden Gardens in Kolkata gespeel, terwyl die eindstryd op die Narendra Modi-stadion in Ahmedabad beslis word.[28]

Die BCCI het befondsing verskaf vir opknappings by stadions. Die Himachal Pradesh Krieketverenigingstadion is voorsien van ’n nuwe grasoppvervlak, dreineringsstelsel, sitplekke en gasvryheidskassies. Die Wankhedestadion se buiteveld, spreiligte, korporatiewe bokse en toilette is opgeknap. Die M. A. Chidambaram-stadion het nuwe spreiligte geïnstalleer en twee paaltjies herlê.[29]

Die IKR het al die krieketwêreldbekerstadions aangewys om die grenslyne meer as 70 meter te hou. Hulle het gesê dat die loot en daufaktor die wedstryduitslag kan beïnvloed en hulle wil dit beperk. Hulle het ook veldkurators opdrag gegee om gras op die staanplekke te los.[30]

Ahmedabad Bangalore Chennai Nieu-Delhi
Narendra Modi-stadion M. Chinnaswamy-stadion M. A. Chidambaram-stadion Feroz Shah Kotla Ground
23°5′31.2″N 72°35′49.2″O / 23.092000°N 72.597000°O / 23.092000; 72.597000 (Narendra Modi-stadion) 12°58′43.7″N 77°35′58.4″O / 12.978806°N 77.599556°O / 12.978806; 77.599556 (M. Chinnaswamy-stadion) 13°03′46″N 80°16′46″O / 13.06278°N 80.27944°O / 13.06278; 80.27944 (M. A. Chidambaram-stadion) 28°38′16″N 77°14′35″O / 28.63778°N 77.24306°O / 28.63778; 77.24306 (Feroz Shah Kotla Ground)
Kapasiteit: 132 000[31] Kapasiteit: 40 000 Kapasiteit: 40 000 Kapasiteit: 41 842
       
Dharamshala
HPCA-stadion
32°11′51.62″N 76°19′33.59″O / 32.1976722°N 76.3259972°O / 32.1976722; 76.3259972 (HPCA-stadion)
Kapasiteit: 23 000
 
Hyderabad
Rajiv Gandhi-stadion
17°24′23″N 78°33′1″O / 17.40639°N 78.55028°O / 17.40639; 78.55028 (Rajiv Gandhi-stadion)
Kapasiteit: 55 000
 
Kolkata Lucknow Mumbai Pune
Eden Gardens BRSABV Ekana-krieketstadion Wankhedestadion MCA-stadion
22°33′52.16″N 88°20′35.09″O / 22.5644889°N 88.3430806°O / 22.5644889; 88.3430806 (Eden Gardens) 26°48′40″N 81°1′1″O / 26.81111°N 81.01694°O / 26.81111; 81.01694 (BRSABV Ekana-krieketstadion) 18°56′20.1″N 72°49′32.6″O / 18.938917°N 72.825722°O / 18.938917; 72.825722 (Wankhedestadion) 18°40′28″N 73°42′23″O / 18.67444°N 73.70639°O / 18.67444; 73.70639 (MCA-stadion)
Kapasiteit: 66 000 Kapasiteit: 50 000 Kapasiteit: 33 108 Kapasiteit: 28 000
       

Formaat Wysig

Die Krieketwêreldbeker 2023 word tussen tien verskillende spanne oor 46 wedstryde beslis. Dit begin op 5 Oktober 2023 op die Narendra Modi-stadion in Ahmedabad met die openingswedstryd tussen Engeland en Nieu-Seeland. Die toernooi eindig op 19 November met die eindstryd op dieselfde stadion, waartydens die wenner die Krieketwêreldbekertrofee inpalm. ’n Soortgelyke formaat is voorheen tydens die Krieketwêreldbeker 1992 gebruik, maar destyds het nege in plaas van tien nasionale krieketspanne deelgeneem; dieselfde formaat is tydens die Krieketwêreldbeker 2019 gebruik, insluitende dieselfde aantal deelnemende lande (tien).

Kalender Wysig

Die Internasionale Krieketraad het die wedstrydskedule op 27 Junie 2023, presies 100 dae voor dié toernooi se begin, bekendgestel.[28] Op 9 Augustus 2023 is nege wedstryde, insluitende dié tussen Indië en Pakistan, deur die IKR herskeduleer.[32] Die volgende tabel dui die Krieketwêreldbeker 2023 se daaglikse program aan. ’n Rooi blokkie dui op beide die openings- en sluitingseremonie, ’n pers blokkie op wedstryde tydens die groepfase, ’n groen blokkie op wedstryde tydens die uitklopfase en ’n geel blokkie op die eindstryd.

Aantal daaglikse wedstryde tydens die toernooi
Groepfase
Oktober/November 		Do
5 		Vr
6 		Sa
7 		So
8 		Ma
9 		Di
10 		Wo
11 		Do
12 		Vr
13 		Sa
14 		So
15 		Ma
16 		Di
17 		Wo
18 		Do
19 		Vr
20 		Sa
21 		So
22 		Ma
23 		Di
24 		Wo
25 		Do
26 		Vr
27 		Sa
28 		So
29 		Ma
30 		Di
31 		Wo
1 		Do
2 		Vr
3 		Sa
4 		So
5 		Ma
6 		Di
7 		Wo
8 		Do
9 		Vr
10 		Sa
11 		So
12
Seremonies OS
Groepfase 1 1 2 1 1 2 1 1 1 1 1 1 1 1 1 1 2 1 1 1 1 1 1 2 1 1 1 1 1 1 2 1 1 1 1 1 1 2 1
Uitklopfase
November 		Ma
13 		Di
14 		Wo
15 		Do
16 		Vr
17 		Sa
18 		So
19
Seremonies SS
Uitklopfase 1 1 1
Verklaring

   Seremonies

   Groepwedstryde

   Uitklopfase

   Eindstryd

Groepfase Wysig

Die Krieketwêreldbeker 2023 word deur tien nasionale krieketspanne beslis. Vir die groepfase word die tien deelnemende spanne in een enkele groep geplaas met dieselfde formaat as wat in 2019 gebruik is; elke span speel een wedstryd teen elk van die ander spanne in dieselfde groep, dus speel elke span nege wedstryde in die groepfase. Twee punte word vir ’n oorwinning toegeken, een vir ’n gelykop of onbesliste wedstryd en geen punte vir ’n nederlaag: spanne wat met dieselfde aantal punte eindig, word volgens lopietempo, dan boultempo en dan die uitslag van die direkte ontmoeting gerangskik. Die vier beste spanne dring na die uitklopfase deur.

Uitklopfase Wysig

Van die begin van dié fase af neem die toernooi ’n uitklopformaat aan wat uit drie wedstryde bestaan: twee halfeindstryde en die eindstryd. Die vier beste spanne van die groep dring na die uitklopfase deur. Die eerste span speel teen die vierde span en die tweede span teen die derde span in die halfeindstryde. Elke wedstryd in die uitklopstadium moet met ’n oorwinning vir een van die spanne eindig. As daar ná albei kolfbeurte ’n gelykopuitslag is, sal die wedstryd deur ’n Superboulbeurt beslis word.

Betrokkenes Wysig

Skeidsregters en wedstrydbeamptes Wysig

’n Paneel van 16 skeidsregters en vier wedstrydbeamptes word vir die toernooi gebruik.[33]

Skeidsregters Wysig

Wedstrydbeamptes Wysig

Spanne Wysig

Elke land kon 15 spelers vir die toernooi kies. Die spanne moes teen 28 Augustus 2023 aan die Internasionale Krieketraad voorgelê word. Enige latere verandering vereis die goedkeuring deur die IKR.[34]

Wedstryde Wysig

Kwalifiseer vir die uitklopfase.
Uit die toernooi geskakel.

Die wedstryde word in twee fases opgedeel, naamlik die groep- en die uitklopfase.

Groepfase Wysig

Tien spanne neem aan die groepfase deel. Die groepfase begin op 5 Oktober op die Narendra Modi-stadion in Ahmedabad met die openingswedstryd tussen die twee finaliste van die 2019-toernooi Engeland en Nieu-Seeland. Die vier beste spanne in die groep dring na die uitklopfase deur. Vir wedstryde tydens die groepfase is geen reserwedae in die geval van slegte weer opsy gesit nie.[28]

Span S W V Onb G LD LT P
  Afghanistan 0 0 0 0 0 0 — 0
  Australië 0 0 0 0 0 0 — 0
  Bangladesj 0 0 0 0 0 0 — 0
  Engeland 0 0 0 0 0 0 — 0
  Indië 0 0 0 0 0 0 — 0
  Nederland 0 0 0 0 0 0 — 0
  Nieu-Seeland 0 0 0 0 0 0 — 0
  Pakistan 0 0 0 0 0 0 — 0
  Sri Lanka 0 0 0 0 0 0 — 0
  Suid-Afrika 0 0 0 0 0 0 — 0
6 Oktober 2023
10:30 (IST) (D/N)
Telkaart
t
7 Oktober 2023
07:00 (IST)
Telkaart
t
10 Oktober 2023
07:00 (IST)
Telkaart
t
10 Oktober 2023
10:30 (IST) (D/N)
Telkaart
t
14 Oktober 2023
10:30 (IST) (D/N)
Telkaart
t
17 Oktober 2023
10:30 (IST) (D/N)
Telkaart
t
21 Oktober 2023
10:30 (IST) (D/N)
Telkaart
t
22 Oktober 2023
10:30 (IST) (D/N)
Telkaart
t
24 Oktober 2023
10:30 (IST) (D/N)
Telkaart
t
26 Oktober 2023
10:30 (IST) (D/N)
Telkaart
t
28 Oktober 2023
07:00 (IST)
Telkaart
t
28 Oktober 2023
10:30 (IST) (D/N)
Telkaart
t
29 Oktober 2023
09:30 (IST) (D/N)
Telkaart
t
31 Oktober 2023
09:30 (IST) (D/N)
Telkaart
t
2 November 2023
09:30 (IST) (D/N)
Telkaart
t
5 November 2023
09:30 (IST) (D/N)
Telkaart
t
7 November 2023
09:30 (IST) (D/N)
Telkaart
t
11 November 2023
09:30 (IST) (D/N)
Telkaart
t
12 November 2023
09:30 (IST) (D/N)
Telkaart
t

Uitklopfase Wysig

 
Die eindstryd sal op 19 November op die Narendra Modi-stadion in Ahmedabad gehou word

Die uitklopfase sal uit twee halfeindwedstryde bestaan, waarvan die twee wenners in die eindstryd op die Narendra Modi-stadion in Ahmedabad sal ontmoet. Die Internasionale Krieketraad het verklaar dat indien Indië vir die halfeindstryd sal kwalifiseer, die wedstryd op die Wankhedestadion in Mumbai beslis sal word, tensy hul opponent Pakistan is, dan sal die wedstryd op Eden Gardens in Kolkata beslis word. Al die uitklopwedstryde sal ’n reserwedag hê.[35]

  Halfeindrondte Eindrondte
             
15 November – Wankhedestadion, Mumbai
 Kwalifiseerder 1  
 Kwalifiseerder 4   19 November – Narendra Modi-stadion, Ahmedabad
     Wenner Halfeindstryd 1
16 November – Eden Gardens, Kolkata    Wenner Halfeindstryd 2
 Kwalifiseerder 2
 Kwalifiseerder 3  

Halfeindrondte Wysig

15 November 2023
09:30 (IST) (D/N)
Telkaart
Kwalifiseerder 1
t
Kwalifiseerder 4
16 November 2023
09:30 (IST) (D/N)
Telkaart
Kwalifiseerder 2
t
Kwalifiseerder 3

Eindstryd Wysig

19 November 2023
09:30 (IST) (D/N)
Telkaart
Wenner Halfeindstryd 1
t
Wenner Halfeindstryd 2


Krieketwêreldkampioen 2023
Wenner Eindstryd

Sien ook Wysig

  Krieketportaal

Verwysings Wysig

  1. ↑ 1,0 1,1 (en) Nagraj Gollapudi (21 Maart 2023). "World Cup 2023 likely to start on October 5 and end on November 19". ESPNcricinfo. Besoek op 25 September 2023.
  2. ↑ (en) "England awarded 2019 World Cup". ESPNcricinfo. 30 April 2006. Besoek op 25 September 2023.
  3. ↑ (en) "Outcomes from ICC Annual Conference week in London". Internasionale Krieketraad. 13 Junie 2013. Besoek op 25 September 2023.
  4. ↑ (en) Nagraj Gollapudi (12 Desember 2017). "IPL now has window in ICC Future Tours Programme". ESPNcricinfo. Besoek op 25 September 2023.
  5. ↑ (en) "Men's T20 World Cup postponement FAQs". Internasionale Krieketraad. 20 Julie 2020. Besoek op 25 September 2023.
  6. ↑ (en) Nagraj Gollapudi (20 Julie 2020). "ICC postpones T20 World Cup due to Covid-19 pandemic". ESPNcricinfo. Besoek op 25 September 2023.
  7. ↑ (en) "ICC moves 2023 World Cup in India to October-November to allow longer qualification period". India Today. 20 Julie 2020. Besoek op 25 September 2023.
  8. ↑ (en) Tristan Lavalette (4 Februarie 2019). "India Set To Retain Hosting 2023 Cricket World Cup Despite Squabble With ICC Over $23 Million". Forbes. Besoek op 25 September 2023.
  9. ↑ (en) "World Cup / Records / Smallest Victories". ESPNcricinfo. Besoek op 25 September 2023.
  10. ↑ (en) Nagraj Gollapudi (24 November 2011). "Full Members opposed 10-team World Cup – Lorgat". ESPNcricinfo. Besoek op 25 September 2023.
  11. ↑ (en) "ICC will still cut 2019 World Cup to 10 teams, says chief executive". The Guardian. 26 Maart 2015. Besoek op 25 September 2023.
  12. ↑ (en) Tim Wigmore (1 Julie 2015). "Anger as 10-team World Cup not up for debate". ESPNcricinfo. Besoek op 25 September 2023.
  13. ↑ (en) "The Cricket World Cup 2019 has shrunk to exclude the minnows, but why? And how come it's still so long?". ABC News. 4 Junie 2019. Besoek op 25 September 2023.
  14. ↑ (en) Russell Degnan (6 Maart 2015). "Does a ten-team World Cup make financial sense?". ESPNcricinfo. Besoek op 25 September 2023.
  15. ↑ (en) Narayanaswami Srinivasan (14 Julie 2009). "2023 World Cup Will be Played Only in India". NDTV Sports. Besoek op 25 September 2023.
  16. ↑ (en) "England v Ireland to kick off World Cup Super League on July 30". ESPNcricinfo. 27 Julie 2020. Besoek op 25 September 2023.
  17. ↑ (en) "Radical schedule shake-up proposed at ICC meeting". ESPNcricinfo. 3 Februarie 2017. Besoek op 25 September 2023.
  18. ↑ (en) Peter Della Penna (14 Augustus 2019). "The road to World Cup 2023: how teams can secure qualification, from rank No. 1 to 32". ESPNcricinfo. Besoek op 25 September 2023.
  19. ↑ (en) Peter Della Penna (20 Oktober 2018). "Associates pathway to 2023 World Cup undergoes major revamp". ESPNcricinfo. Besoek op 25 September 2023.
  20. ↑ (en) Sreshth Shah (27 Julie 2020). "Explainer: Men's ODI World Cup Super League". ESPNcricinfo. Besoek op 25 September 2023.
  21. ↑ (en) "About the ICC Men's Cricket World Cup League 2". Internasionale Krieketraad. 26 Julie 2020. Besoek op 25 September 2023.
  22. ↑ (en) S Sudarshanan (2 Julie 2023). "Theekshana, Nissanka hand Sri Lanka ODI World Cup ticket". ESPNcricinfo. Besoek op 25 September 2023.
  23. ↑ (en) "West Indies fail to qualify for 2023 ODI World Cup". ESPNcricinfo. 1 Julie 2023. Besoek op 25 September 2023.
  24. ↑ (en) "World Cup qualifier: Scotland knock out West Indies at World Cup Qualifier with seven-wicket win". BBC. 1 Julie 2023. Besoek op 25 September 2023.
  25. ↑ (en) Madushka Balasuriya (4 Julie 2023). "Scotland's Sole-stirring bowling display knocks Zimbabwe out of World Cup". ESPNcricinfo. Besoek op 25 September 2023.
  26. ↑ (en) Firdose Moonda (5 Julie 2023). "Spotlight on Bulawayo as Netherlands, Scotland battle for World Cup jackpot". ESPNcricinfo. Besoek op 25 September 2023.
  27. ↑ (en) Hemant Brar (6 Julie 2023). "Bas de Leede's five-for and 92-ball 123 take Netherlands to the ODI World Cup". ESPNcricinfo. Besoek op 25 September 2023.
  28. ↑ 28,0 28,1 28,2 (en) "Match schedule announced for the ICC Men's Cricket World Cup 2023". Internasionale Krieketraad. 27 Junie 2023. Besoek op 25 September 2023.
  29. ↑ (en) Devendra Pandey (30 Junie 2023). "Cricket World Cup venues to get an upgrade: Imported grass, new outfields, better floodlights". The Indian Express. Besoek op 25 September 2023.
  30. ↑ (en) Anukul Chauhan (21 September 2023). "ODI World Cup: ICC instruct pitch curators to leave grass to reduce toss factor". Inside sports. Besoek op 25 September 2023.
  31. ↑ (en) "IND vs ENG: 'Outstanding for Indian cricket,' says Virat Kohli on Narendra Modi Stadium". India TV. 24 Februarie 2021. Besoek op 25 September 2023.
  32. ↑ (en) "Date changes for India-Pakistan and eight other World Cup games". ESPNcricinfo. 9 Augustus 2023. Besoek op 25 September 2023.
  33. ↑ (en) "Match officials for the ICC Men's Cricket World Cup 2023 named". Internasionale Krieketraad. 8 September 2023. Besoek op 25 September 2023.
  34. ↑ (en) "All the squads for ICC Men's Cricket World Cup 2023". Internasionale Krieketraad. 22 September 2023. Besoek op 14 Augustus 2023.
  35. ↑ (en) "2023 ODI World Cup schedule finally out; India vs Pakistan in Ahmedabad on October 15". ESPNcricinfo. 27 Junie 2023. Besoek op 25 September 2023.

Eksterne skakels Wysig


Krieketwêreldbeker  

Engeland 1975 • Engeland 1979 • Engeland / Wallis 1983 • Indië / Pakistan 1987 • Australië / Nieu-Seeland 1992 • Pakistan / Indië / Sri Lanka 1996 • Engeland / Skotland / Wallis / Ierland / Nederland 1999 • Suid-Afrika / Zimbabwe / Kenia 2003 • Wes-Indië 2007 • Indië / Sri Lanka / Bangladesj 2011 • Australië / Nieu-Seeland 2015 • Engeland / Wallis 2019 • Indië 2023 • Suid-Afrika / Zimbabwe / Namibië 2027 • Indië / Bangladesj 2031

Ontsluit van "https://af.wikipedia.org/w/index.php?title=Krieketwêreldbeker_2023&oldid=2615712"