Krieket Suid-Afrika
Krieket Suid-Afrika (Engels: Cricket South Afrika, afgekort “CSA”), oftewel KSA, voorheen bekend as die Verenigde Krieketraad van Suid-Afrika (VKR; United Cricket Board of South Africa, “UCBSA”), is die bestuursliggaam wat krieket in Suid-Afrika beheer. Die raad is by die Internasionale Krieketraad (IKR) geaffilieer[1] en organiseer verskeie nasionale spanne, insluitend die Proteas (Suid-Afrika se nasionale seniormanskrieketspan), vroue en jeug. Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en vir die reëling van internasionale wedstryde tuis. Daarbenewens is Krieket Suid-Afrika verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Proteas. Krieket Suid-Afrika het al opgetree as gasheer van belangrike toernooie soos die Krieketwêreldbeker 2003 (saam met Kenia en Zimbabwe), die T20I-wêreldbeker 2007 en die Kampioenetrofee 2009. Saam met Namibië en Zimbabwe sal Suid-Afrika die Krieketwêreldbeker 2027 ook aanbied.[2]
| Krieket Suid-Afrika | |
|---|---|
 Kenteken van Krieket Suid-Afrika
| |
| Engelse naam | Cricket South Afrika |
| Afkorting | CSA |
| Land |  Suid-Afrika
|
| Sportsoort | Krieket |
| Stigting | Junie 1991 |
| Lid van | Internasionale Krieketraad |
| Aangesluit op | 29 Junie 1991 |
| Vastelandse beheerliggaam | Afrikakrieketvereniging |
| President | Rihan Richards (waarnemend) |
| Voorsitter | Lawson Naidoo |
| Hoof- uitvoerende beampte | Pholetsi Moseki |
| Setel | Johannesburg, Suid-Afrika |
| Amptelike taal | Engels |
| Amptelike webwerf | cricket.co.za |
Krieket Suid-Afrika, tot in 1991 die Verenigde Krieketraad van Suid-Afrika genoem, het in Junie 1991 met die samesmelting van die Suid-Afrikaanse Krieketunie en die Suid-Afrikaanse Krieketraad ontstaan, waardeur die etniese verdeling in Suid-Afrikaanse krieket beëindig is. Reeds in 1991 het Suid-Afrika weer ’n volle lid van die Internasionale Krieketraad (IKR) geword en mag dus toetskrieket speel, wat na die belangrikste en vernaamste internasionale krieketwedstryde verwys.[3]
Kinders en jongmense word reeds op skool aan krieket bekend gestel en na gelang van hul belangstelling en talent begin hul met hul afrigting. Nes ander krieketnasies beskik Suid-Afrika oor ’n o/19-nasionale span wat aan die o/19-krieketwêreldbeker deelneem.[4] Suid-Afrika A is die tweede nasionale span van Suid-Afrika en van hul wedstryde geniet eersterangse of A-lys-status. Die belangrikste krieketligas in Suid-Afrika is die Curriebeker in eersterangse krieket (15 spanne), die Eendagbeker in EDI-krieket (15 spanne) en die SA20 in T20-krieket (ses spanne).
Sien ookWysig
VerwysingsWysig
- ↑ (en) "Cricket South Africa". Internasionale Krieketraad. Besoek op 24 Junie 2021.
- ↑ (en) Nagraj Gollapudi (16 November 2021). "USA co-hosts for 2024 T20 WC, Pakistan gets 2025 Champions Trophy, India and Bangladesh 2031 World Cup". ESPNcricinfo. Besoek op 8 November 2022.
- ↑ (en) "South Africa". Internasionale Krieketraad. Besoek op 24 Junie 2021.
- ↑ (en) Martin Williamson. "A brief history: The Under-19 World Cup". ESPNcricinfo. Besoek op 24 Junie 2021.
Eksterne skakelsWysig
| Nasionale Krieketrade van die Internasionale Krieketraad | 
|
||
|---|---|---|---|
|
Afghanistan • Australië • Bangladesj • Engeland • Ierland • Indië • Nieu-Seeland • Pakistan • Sri Lanka • Suid-Afrika • Wes-Indië • Zimbabwe | |||