Maak hoofkeuseskerm oop
Hierdie artikel handel oor die krieketspan. Vir die artikel oor die plant, sien Protea.

Die Proteas is Suid-Afrika se nasionale krieketspan. Die span word deur Krieket Suid-Afrika geadministreer. Suid-Afrika is 'n volle lid van die Internasionale Krieketraad (IKR) en neem aan toetskrieket sowel as Internasionale eendagwedstryde (EDI) en Twintig20 deel. Al is hulle een van die gunstelingspanne om die wêreldbeker te wen, het die eer hulle nog nooit te beurt geval nie.

Suid-Afrika
Vlag van Suid-Afrika
Toetskrieketland sedert 1889
Eerste Toets teen Engeland te St. Georgespark, Port Elizabeth, 12–13 Maart 1889
Kaptein in Toetse Faf du Plessis
Kaptein in EDIs Faf du Plessis
Kaptein in Twintig20 Faf du Plessis
Afrigter Ottis Gibson
Plek op IKR Toets-, EDI- en T20I-ranglys 3de (Toetse)
5de (EDIs)
3de (T20Is)
Totale toetse
 - Afgelope jaar
432
5
Laaste  Toets teen Sri Lanka, 21–23 Februarie 2019
Wen/verloor
 – Afgelope jaar
164/144
Soos op 15 Julie 2019

Inhoud

GeskiedenisWysig

 
Die eerste Suid-Afrikaanse span wat in 1889 'n toetswedstryd gespeel het. Die nasionale span sou, soos die rugbyspan, mettertyd die Springbokke genoem word. (Vergroot die foto om die spelers se name te lees).
 
Die Suid-Afrikaanse Proteas van 2008.

Die span wat vandag as die Proteas bekend staan, het in 1889 hul eerste toetswedstryd in Port Elizabeth teen die besoekende Engelse nasionale krieketspan gespeel.

Die span is mettertyd die Springbokke genoem, soos verskeie ander Suid-Afrikaanse nasionale sportspanne ook bekend gestaan het, en die nasionale rugbyspan vandag steeds genoem word. Met die einde van die sportboikot teen Suid-Afrika in 1991, het die krieketspan amptelik die Proteas geword.[1]

Die Proteas het hul eerste internasionale eendagwedstryd (EDI) op 10 November 1991 teen die Indiese nasionale krieketspan in Kalkutta gespeel. EDI-wedstryde is internasionaal reeds sedert 1970 gespeel, maar Suid-Afrika was van 1970 tot 1991 weens sy beleid van apartheid hiervan uitgesluit. Ongeag Suid-Afrika se afwesigheid van ongeveer 20 jaar, was die land se nasionale krieketspan steeds een van die beste spanne ter wêreld. Ná hul hertoetrede het hulle die halfeindronde gehaal in die eerste wêreldbeker waaraan hulle deelgeneem het.

Teen 15 Julie 2019 het die Proteas 432 toetswedstryde gespeel, 164 (37,96%) gewen, 124 (33,33%) verloor en 124 (28,70%) het gelykop geëindig.[2]

Teen 15 Julie 2019 het die Proteas 619 EDI-wedstryde gespeel, 381 (63,78%) gewen, 215 (34,73%) verloor, 6 (0,96%) gelykop gespeel en 17 (2,75%) het onbeslis geëindig.[3]

Suid-Afrika word op 28 Augustus 2012 die eerste span wat in al drie vorms van krieket die eerste plek op die wêreldranglys beklee.

Huidige puntestandWysig

Teen 15 Julie 2019 het die Proteas 432 toetswedstryde gespeel, 164 gewen 144 verloor.[4] Die Proteas het 619 EDI-wedstryde gespeel, 381 geween, 215 verloor, 6 gelykop gespeel en 17 het onbeslis geëindig.[5] Hulle het 113 T20I gespeel, 67 gewen 44 verloor, met een onbeslis geëindig.[6]

Vanaf 15 Maart 2018 is Suid-Afrika derde in toetskrieket, vyfde in EDI en derde in T20I, sowel as sesde in die vroue se algehele kampioenskap.[7][8][9][10]

Huidige ProteaspelersWysig

Voormalige ProteaspelersWysig

UitslaeWysig

IKR WêreldbekerWysig

Vanaf 1975 tot 1987 (insluitend) was Suid-Afrika nie lid van die Internasionale Krieketraad nie, en kon dus nie aan hierdie toernooi deelneem nie.

  • 1992: Halfeindronde – teen Engeland
  • 1996: Kwarteindronde – teen Wes-Indië
  • 1999: Halfeindronde – teen Australië
  • 2003: Eerste rondte
  • 2007: Halfeindronde – teen Australië
  • 2011: Kwarteindronde – teen Nieu-Seeland
  • 2015: Halfeindronde – teen Nieu-Seeland
  • 2019: Groepfase
  • 2023: style="background: #ececec; color: #2C2C2C; vertical-align: middle; font-size: smaller; text-align: center; " class="table-na" | N.v.t.

IKR Twintig20Wysig

  • 2007: Super 8
  • 2009: Halfeindronde – teen Pakistan
  • 2010: Super 8
  • 2012: Super 8
  • 2014: Halfeindronde – teen Indië
  • 2016: Super 10
  • 2020: gekwalifiseer

IKR KampioenetrofeeWysig

  • 1998: Wenners
  • 2000: Halfeindronde – teen Indië
  • 2002: Halfeindronde – teen Indië
  • 2004: Eerste rondte
  • 2006: Halfeindronde – teen Wes-Indië
  • 2009: Eerste rondte
  • 2013: Halfeindronde – teen Engeland
  • 2017: Groepfase

StatebondspeleWysig

  • 1998: Goue medalje

VerwysingsWysig

  1. SouthAfricaweb.co.za besoek op 18 November 2012
  2. ESPNcricinfo Toets-rekords URL besoek op 15 Julie 2019
  3. ESPNcricinfo ODI-rekords URL besoek op 15 Julie 2019
  4. Records / South Africa / Test matches / Result summary. ESPNcricinfo. URL besoek op 27 Januarie 2018.
  5. Records / South Africa / One-Day Internationals / Result summary. ESPNcricinfo. URL besoek op 7 Februarie 2018.
  6. Records / South Africa / Twenty20 Internationals / Result summary. ESPNcricinfo. URL besoek op 7 November 2016.
  7. Men's Test Team Rankings. URL besoek op 15 Julie 2019.
  8. Men's ODI Team Rankings. URL besoek op 15 Julie 2019.
  9. Men's T20I Team Rankings. URL besoek op 15 Julie 2019.
  10. ICC rankings – ICC Test, ODI and Twenty20 rankings. ESPNcricinfo. URL besoek op 2 Januarie 2017.

Eksterne skakelsWysig