Francois du Plessis (gebore 13 Julie 1984 in Pretoria, Transvaal) is 'n Suid-Afrikaanse krieketspeler wat op internasionale vlak vir die Suid-Afrikaanse nasionale krieketspan, die Proteas, speel en tans die kaptein van daardie span in al drie vorme van die spel is. Hy is 'n regshandige middelkolwer wat ook deeltyds draaiballe boul. Du Plessis het plaaslike krieket vir Noordelikes en die Titans gespeel, sowel as wedstryde vir Lancashire, die Chennai Super Kings en die Melbourne Renegades. Hy maak sy toetsbuiging in November 2012 en word slegs die vierde Suid-Afrikaner wat 'n toetshonderdtal tydens sy debuutwedstryd aanteken.[1] Du Plessis is ook T20I-kaptein van die Proteas sedert die Twintig20-reeks teen Nieu-Seeland in Februarie 2013.[2] Hy het onder meer tydens die Krieketwêreldbeker 2011, Krieketwêreldbeker 2015 en Krieketwêreldbeker 2019 vir Suid-Afrika gespeel.

Francois du Plessis
Volle naam Francois du Plessis
Gebore 13 Julie 1984 (1984-07-13) (36 jaar oud)
Pretoria, Transvaal, Suid-Afrika
Bynaam(e) Faf
Lengte 1,80 m
Kolfstyl Regshandig ortodoks
Boulstyl Regterarm bybreek
Rol Veelsydige kolwer
Internasionale geskiedenis
Nasionale span Suid-Afrika
Toetsdebuut (no 314) 22 November 2012 v Australië
Laaste Toets 16 Januarie 2020 v Engeland
Toetshempno. 18
EDI debuut (no 101) 18 Januarie 2011 v Indië
Laaste EDI 6 Julie 2019 v Australië
EDI hempno. 18
T20I debuut (no 52) 8 September 2012 v Engeland
Laaste T20I 19 Maart 2019 v Sri Lanka
T20I hempno. 18
Eersterang spaninligting
Jaar(e) Span
2004– Noordelikes
2005– Titans
2008–2009 Lancashire
2011– Chennai Super Kings
2012– Melbourne Renegades
Loopbaanstatistiek
Kompetisie Toetse EDI 1e rang T20I
Wedstryde 63 153 144 44
Lopies aangeteken 3819 5507 8454 1363
Kolfgemiddeld 40,62 47,47 39,50 35,86
100s/50s 9/21 12/35 17/52 1/8
Hoogste telling 137 185 176 119
Aflewerings geboul 78 192 2558 8
Paaltjies 0 2 41 0
Boulgemiddeld 94,50 36.02
5 paaltjies in 'n kolfbeurt 0 0
10 paaltjies in 'n wedstryd 0 0
Beste boulontleding 1/8 4/39
Vangskote/Stonkings 57/– 81/– 135/– 21/–
Bron: ESPN Cricinfo, 16 Januarie 2020

Hy word in 2019 as Suid-Afrika se krieketspeler van die jaar en eendagkrieketspeler van die jaar aangewys.[3]

UitbeeldingWysig

Du Plessis matrikuleer by die Afrikaanse Hoër Seunskool, 'n openbare skool in Pretoria, Gauteng, Suid-Afrika. Hy het saam met mede-Titanskrieketspelers AB de Villiers, Heino Kuhn en Jacques Rudolph skoolgegaan. Hy is ook 'n gegradueerde van die Universiteit van Pretoria.

VerwysingsWysig

  1. Scorecard, Wisden India, http://www.wisdenindia.com/scorecard/Australia-v-South-Africa-Test-Series-2012/2nd-Test/Australia-vs-South-Africa/34883.html, besoek op 26 November 2012 
  2. Du Plessis takes over as T20 skipper, Wisden India, http://www.wisdenindia.com/cricket-news/du-plessis-takes-t20-skipper/51575, besoek op 20 Februarie 2013 
  3. Johann Gresse (4 Augustus 2019). "Faf is Suid-Afrika se krieketspeler van die jaar". Maroela Media. Geargiveer vanaf die oorspronklike op 10 November 2019. Besoek op 4 Augustus 2019.

Eksterne skakelsWysig