Indiese nasionale krieketspan

(Aangestuur vanaf Indië nasionale krieketspan)

Die Indiese nasionale krieketspan, met die byname die Men in Blue[1] en Team India,[2] is die nasionale krieketspan van Indië. Dit word beheer en geadministreer deur die Raad vir Beheer van Krieket in Indië (BCCI, van Engels: Board of Control for Cricket in India), dit is ’n volle lid van die Internasionale Krieketraad (IKR) met toets-, EDI- en Twintig20 (T20)-status. Indië is tans (7 Januarie 2020) eerste op die IKR-toetsranglys, tweede op die eendagranglys, en vyfde op die Twintig20-wêreldranglys.[3][4][5]

Indië
Vlag van Indië
Toetskrieketland sedert 1932
Eerste Toets teen Engeland te Lord's, 25-28 Junie 1932
Kaptein in Toetse Virat Kohli
Kaptein in EDIs Virat Kohli
Kaptein in Twintig20 Virat Kohli
Afrigter Ravi Shastri
Plek op IKR Toets-, EDI- en T20I-ranglys 1ste (Toetse)
2de (EDIs)
5de (T20Is)
Totale toetse
 - Afgelope jaar
533
1
Laaste  Toets teen Australië, 3–7 Januarie 2019
Wen/verloor
 – Afgelope jaar
150/165
1/0
Soos op 15 Julie 2019
Die Indiese krieketspan in aksie teen Engeland tydens hul toets op Wankhedestadion, Mumbai, in 2006

Alhoewel krieket reeds in die 18de eeu deur Europese handelsmatrose na Brits-Indië gebring is, en die eerste krieketklub in Indië al in 1792 in Kolkata gestig is, het Indië se nasionale krieketspan eers hul eerste toets op 25 Junie 1932 op Lord’s in Engeland gespeel.[6] Hulle word die sesde span om toetskrieketstatus te ontvang. In sy eerste vyftig jaar van internasionale krieket was Indië een van die swakste spanne in internasionale krieket, hulle wen slegs 35 van die 196 toetse wat hul gespeel het gedurende dié tydperk.[7] Indië moes vanaf 1932 tot 1952, 20 jaar, vir hul eerste toetsoorwinning waag. Die span het in die 1970’s sterker geword, met opkomende spelers soos die kolwers Sunil Gavaskar en Gundappa Viswanath, die veelsydige Kapil Dev en die Indiese "draaikwartet" Erapalli Prasanna, Srinivas Venkataraghavan, Bhagwat Chandrasekhar en Bishen Singh Bedi.

Indië is tradisioneel tuis baie sterker as oorsee, maar sedert die begin van die 21ste eeu kon die span sy oorsese prestasies verbeter, veral in die korter vorme van krieket; hulle kon al toetse in Australië, Engeland en Suid-Afrika wen. Indië het die krieketwêreldbekertoernooi tot dusver twee keer gewen – in 1983 onder kaptein Kapil Dev en in 2011 onder kaptein Mahendra Singh Dhoni tuis. Nadat hulle die 2011-toernooi kon wen, was Indië net die derde span, ná Wes-Indië en Australië, wat dié trofee twee keer kon inpalm,[8] en die eerste span wat dit tuis kon vermaak. Hulle kon ook die T20-wêreldbekertoernooi (in 2007) en die Kampioenetrofee (in 2013) onder kapteinskap van Mahendra Singh Dhoni inpalm. Hulle het in 2002 die Kampioenetrofee met Sri Lanka gedeel.

Tans is Virat Kohli hulle kaptein in alle vorms van die spel en Ravi Shastri is die afrigter. Onder die leierskap van Dhoni hou die Indiese span die nasionale rekord vir die meeste opeenvolgende EDI-oorwinnings (nege) en tree na vore as een van die gedugste spanne in internasionale krieket.[9] Die Indiese krieketspan ding in kragmetings mee teen ander toetsspelende lande, veral met Pakistan, die politieke aartsvyand van Indië. Die afgelope tyd het tweestryde met lande soos Australië, Engeland en Suid-Afrika ook bekendheid verwerf.

RekordsWysig

WêreldbekerrekordWysig

 
Met 619 paaltjies is Anil Kumble die wêreld se derde beste paaltjienemer in toetse en Indië se beste toets- en EDI-paaltjienemer[10]
 
Sachin Tendulkar vier sy 38ste toetshonderdtal tydens ’n wedstryd teen Australië in 2008. Tendulkar hou verskeie wêreldrekords, insluitende die wêreld se voorste draaibouler en meeste honderdtale in beide toetse en EDIs[11]
Jaar Uitslag
1975 Groepfase
1979 Groepfase
1983 Kampioen
1987 Halfeindrondte
1992 Groepfase
1996 Halfeindrondte
1999 Super 6
2003 Naaswenner
2007 Groepfase
2011 Kampioen
2015 Halfeindrondte
2019 Halfeindrondte
2023 Gekwalifiseer

Twintig20-rekordWysig

Jaar Uitslag
2007 Kampioen
2009 Super 8
2010 Super 8
2012 Super 8
2014 Naaswenner
2016 Halfeindrondte
2020 Gekwalifiseer

Kampioenetrofee-rekordWysig

Jaar Uitslag
1998 Halfeindrondte
2000 Naaswenner
2002 Gemeensame kampioen met Sri Lanka
2004 Groepfase
2006 Groepfase
2009 Groepfase
2013 Kampioen
2017 Naaswenner

VerwysingsWysig

  1. (en) Desk, India com Sports (23 Junie 2019). "'Are You Out of Your Mind'? BCCI Draws Flak on Social Media After India's Nail-Biting Win vs AFG | POSTS". India.com. Besoek op 7 Januarie 2020.
  2. (en) "World Cup 2019: Indian fans celebrate as 'men in blue' defeat Sri Lanka by 7 wickets". 7 Julie 2019. Besoek op 7 Januarie 2020.
  3. (en) "Men's Test Team Rankings". Internasionale Krieketraad. 6 Januarie 2020. Besoek op 7 Januarie 2020.
  4. (en) "Men's ODI Team Rankings". Internasionale Krieketraad. 22 Desember 2019. Besoek op 7 Januarie 2020.
  5. (en) "Men's T20I Team Rankings". Internasionale Krieketraad. 5 Januarie 2020. Besoek op 7 Januarie 2020.
  6. (en) "A brief history of Indian domestic cricket | Cricket News | India | ESPNcricinfo". ESPNcricinfo. 1 Januarie 1970. Besoek op 7 Januarie 2020.
  7. (en) "India – Results Summary from 1932–1982". ESPNcricinfo – Statsguru. Besoek op 7 Januarie 2020.
  8. (en) Sheringham, Sam (2 April 2011). "India power past Sri Lanka to Cricket World Cup triumph". BBC. Besoek op 7 Januarie 2020.
  9. (en) "India number one team in the world". Espnstar.com. 23 Februarie 2009. Besoek op 7 Januarie 2020.
  10. (en) "ESPNcricinfo profile: Anil Kumble". ESPNcricinfo. Besoek op 7 Januarie 2020.
  11. (en) "ESPNcricinfo profile: Sachin Tendulkar". ESPNcricinfo. Besoek op 7 Januarie 2020.

Eksterne skakelsWysig