Nepalese nasionale krieketspan

Die Nepalese nasionale krieketspan (Nepalees: नेपाल राष्ट्रिय क्रिकेट टिम), ook bekend as The Rhinos[6] of Gorkhalis, is die nasionale krieketspan van Nepal en verteenwoordig dié land in internasionale krieket. Krieket word in Nepal deur die Krieketvereniging van Nepal (CAN) beheer. Nepal speel sy tuiswedstryde in Katmandoe en het tydens die T20I-wêreldbeker 2014 in Bangladesj sy eerste verskyning gemaak. Nepal word tradisioneel as een van die sterker Asiatiese nasionale krieketspanne buite die vyf toetsnasies van Suid-Asië beskou.

Nepal
Nepal national cricket team.svg
Kenteken van Nepalese nasionale krieketspan
BynaamThe Rhinos, Gorkhalis
KonferensieKrieketvereniging van Nepal (CAN)
Personeel
KapteinSandeep Lamichhane
AfrigterVlag van Sri Lanka Pubudu Dassanayake
Internasionale Krieketraad
IKR-statusAssosiaatlid met EDI-status (1996)
IKR-streekAKR (Asië)
IKR-ranglys Tans[1] Beste rang tot dusver
EDI16de14de (3 Mei 2019)
T20I12de11de (3 Mei 2019)
Internasionale eendagwedstryde
Eerste EDIt Vlag van Nederland Nederland op VRA-krieketveld, Amstelveen; 1 Augustus 2008
Laaste EDIt Vlag van Oman Oman op Al Amerat-krieketstadion, Maskat; 19 September 2021
EDIs Gespeel Gewen/Verloor
Totaal[2]169/7 (56,25%)
(0 gelykop, 0 onbeslis)
Vanjaar[3]64/2
(0 gelykop, 0 onbeslis)
verskynings by wêreldbekerkwalifiserings3 (eerste in 2001)
Beste uitslagAgtste plek (in 2018)
Twintig20s
Eerste T20It Vlag van Hongkong Hongkong op Zohur Ahmed Chowdhury-stadion, Chittagong; 16 Maart 2014
Laaste T20It Vlag van Nederland Nederland op Tribhuvan-universiteits Internasionale Krieketveld, Kirtipur; 24 April 2021
T20Is Gespeel Gewen/Verloor
Totaal[4]3920/18 (56,25%)
(0 gelykop, 1 onbeslis)
Vanjaar[5]54/1
(0 gelykop, 0 onbeslis)
Verskynings by T20I-wêreldbekertoernooie1/7 (eerste in 2014)
Beste uitslagGroepfase (in 2014)
Verskynings by T20I-wêreldbekerkwalifiserings3 (eerste in 2012)
Beste uitslagDerde plek (in 2013)
EDI- en T20I-klere

Nepal is sedert 1996 ’n geassosieerde lid van die Internasionale Krieketraad, nadat hulle vanaf 1988 ’n geaffilieerde lid was.[7] Aan Nepal is in Junie 2014 deur die IKR tot en met die T20I-wêreldbekerkwalifisering 2015 T20I-status toegeken.[8][9] Op 15 Maart 2018 het Nepal vir die eerste keer internasionale eendagwedstryd-status (EDI) behaal (asook hul T20I-status terugontvang), nadat hulle die eerste uitspeelwedstryd tydens die Krieketkampioenskapskwalifisering 2018 gewen het.[10][11][12]

Nepal het al sedert 1996 in internasionale wedstryde verskyn, insluitende elke AKR-trofee behalwe vir die 2015 AKR Twintig20-beker in die Verenigde Arabiese Emirate. Nepal het ook aan die krieketwêreldbekerkwalifiseringstoernooie in 2001, 2014 en 2018, T20I-wêreldbekerkwalifikasie in 2012, 2013 en 2015, Internasionale bekertoernooie in 2004 en 2005, AKR Fast Track Countries-toernooie in 2004, 2005 en 2006, AKR T20I-bekertoernooie in 2007, 2009, 2011 en 2013, Asiatiese Spele in 2010 en 2014, asook die AKR Premierliga in 2014 deelgeneem. Nepal het egter nog nie vir ’n krieketwêreldbekertoernooi, die IKR se vernaamste toernooi, gekwalifiseer nie.

In teenstelling met ander kleiner krieketnasies, wie se spanne veral uit buitelanders bestaan, bevat die Nepalese nasionale span inheemse spelers wat meestal deur die geledere gekom het om seniorkrieket te speel.[13] In onlangse jare het Nepalese krieket ’n sterk vordering gesien, veral danksy die groot invloed van die krieketnasie Indië. Nepal se nabyheid aan Indië het gehelp om die speel in Nepal te laat ontwikkel. Op 15 Maart 2018 is Nepal vir die eerste keer EDI-status toegeken, nadat hulle tydens die 2018-krieketwêreldbekerkwalifiseringstoernooi se negende plek-uitspeelwedstryd Papoea-Nieu-Guinee verslaan het.[12]

In April 2018 het die IKR besluit om aan al sy lede volle Twintig20-status toe te ken. Vervolgens sal elke T20I-wedstryd wat Nepal ná 1 Januarie 2019 teen ander IKR-lede speel, as volle T20I erken word.[14] Nepal is tans (Desember 2021) 16de op die eendagranglys en 12de op die Twintig20-wêreldranglys.[15][16]

BeheerliggaamWysig

Die Krieketvereniging van Nepal (Engels: Cricket Association of Nepal, CAN) is in 1946 gestig en verantwoordelik vir die reëling van krieket in Nepal. Sedertdien verteenwoordig dit Nepal as ’n assossiaatlid by die Internasionale Krieketraad (IKR).

Die Krieketvereniging van Nepal bestuur al die Nepal-verteenwoordigende nasionale spanne, insluitende die mans, vroue en jeug. Hulle is ook verantwoordelik vir die bestuur en organisasie van EDI- en T20I-reekse teen ander spanne, en die reëling van internasionale wedstryde tuis. Daarbenewens is CAN verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Nepalese span.

Kinders en jongmense word reeds op skool aan krieket bekend gestel en na gelang van hul belangstelling en talent begin hul met hul afrigting. Nes ander krieketnasies beskik Nepal oor ’n o/19-nasionale span wat aan die o/19-krieketwêreldbeker deelneem.[17]

GeskiedenisWysig

BeginjareWysig

Krieket is deur die Britte tydens hul koloniale bewind in Indië ook na die Brits-beïnvloede Koninkryk Nepal saamgeneem. In die 1877-boek History of Nepal beskryf Daniel Wright die krieketspel in Nepal soos volg: “Hul tutors het verskeie kere pogings aangewend om die jong mans krieket en ander spele te laat beoefen, maar sulke vermaaklikheid is as vernederend beskou”.[18] Vir baie jare is krieket as ’n sport vir here beskou en deelname was veral op die hersende Rana-dinastie en ander lede van die Nepalese hoër klas beperk.

Ná die Tweede Wêreldoorlog is in 1946 met die Krieketvereniging van Nepal die Nepalese beheerliggaam gestig. Ná die demokratisering ingevolge die 1951-rewolusie het krieket ook onder die bevolking gewildheid begin verwerf. In 1961 het die Krieketvereniging van Nepal by die Nasionale Sportraad aangesluit om krieket in die hele Nepal te bevorder. Nietemin was die nasionale wedstryde tot in die 1980’s op Katmandoe beperk.[19]

IKR-lidmaatskapWysig

Verbeteringe in Nepal se kommunikasie- en vervoerinfrastruktuur het toegelaat om die spel in die 1980’s buite Katmandoe te vestig.[19] In 1988 het die Nepalese beheerliggaam ’n geaffilieerde lid van die Internasionale Krieketraad (IKR) geword.[7][20] In die vroeë 1990’s is ’n groot ontwikkelingsprogram van stapel gestuur, waarvolgens plaaslike en distriktoernooie gestig en krieket meer en meer op skole aangebied is.[19]

Die bevolking se belangstelling in krieket het vinnig toegeneem en die navraag om krieket te speel was só groot dat beperkings ingestel moes word om die aantal spanne by verskeie toernooie te beperk totdat in die middel-1990’s meer geriewe opgerig is.[19] Nepal het in 1996 ’n assosiaatlid van die IKR geword[7] en die nasionale span het in dieselfde jaar vir die eerste keer aan die AKR-trofee in Kuala Lumpur deelgeneem. Nepal het in die vierde plek geëindig, nadat hulle beide Broenei en Japan verslaan het.

Teen 1998 was die geriewe in Nepal geskik om die AKR-trofee op die krieketvelde van Lalitpur en Kirtipur (op die Tribhuvan Universiteit se Internasionale Krieketveld) en Katmandoe te huisves.[21] Die gasheer Nepal was in dié toernooi egter nie suksesvol nie en het nie ’n enkele oorwinning aangeteken nie.

Eerste suksesseWysig

 
Die Tribhuvan Universiteit se Internasionale Krieketveld naby Katmandoe dien as Nepal se tuisstadion
 
Die Nepalese nasionale krieketspan tydens die Krieketwêreldliga se afdeling drie 2013 in Bermuda
 
Kaptein Paras Khadka kolf tydens die Krieketwêreldliga se afdeling drie 2013 in Bermuda
 
Nepalese ondersteuners tydens die Krieketwêreldliga se afdeling drie 2013 in Bermuda
 
Die Nepalese nasionale krieketspan tydens die AKR-trofee 2013
 
Krieketwedstryd tussen Nepal en Kenia in Katmandoe, 2017

In 2000 het Nepal se jeugontwikkelingsbeleid begin vrugte afwerp en die Nepalese o/19-span het tydens die o/19-Krieketwêreldbeker die agste plek behaal. Die seniorspan het tydens die AKR-trofee sy beste prestasie tot op hede behaal, nadat hulle die halfeindstryd bereik het, maar hulle het dié wedstryd teen Hongkong in Sharjah verloor.[22] Die volgende jaar het hulle vir die eerste keer aan die IKR-trofee deelgeneem. In dié toernooi in Ontario het hulle Duitsland en Gibraltar verslaan, maar ’n nederlaag teen die latere naaswenner Namibië het hulle van hul vordering tot die volgende rondte ontneem.[23]

Nepal het tydens die AKR-trofee 2002 in Singapoer ná die Verenigde Arabiese Emirate as naaswenners geëindig[24] en hulle het in 2003 die AKR se opkomende nasiestoernooi aangebied, waartydens hulle beide Bhoetan en die Maledive duidelik verslaan het. Hul oorwinnings was so omvattend, dat hulle vir die volgende toernooi in 2005 nie meer genooi is nie.[19] Raju Khadka het tydens dié toernooi die eerste Nepalese krieketspeler geword om ’n internasionale honderdtal te slaan, toe hy teen Bhoetan ’n onoorwonne 105 lopies van net 50 aflewerings gemoker het.[25]

Nepal het tydens die Interkontinentale beker 2004 in eersterangse krieket verskyn, waartydens hulle Maleisië geklop[26] en teen die Verenigde Arabiese Emirate gelykop gespeel het,[27] waarvolgens hulle nie die halfeindstryd gehaal het nie. Nepal het tydens die Fast Track Countries Tournament 2004 die derde plek gehaal, waarvolgens hulle vir die Interkontinentale beker 2005 gekwalifiseer het.[28] Tydens die AKR-trofee 2004 het Nepal vyfde geëindig, waarvolgens hulle die uitspeeltoernooi van die IKR-trofee 2005 gehaal het. Dié toernooi het hulle in die derde plek afgesluit, nadat hulle in ’n uitspeelwedstryd Katar verslaan het,[29] waarvolgens hulle die IKR-trofee 2005 misgeloop het. Shakti Gauchan het teen Italië ’n honderdtal aangeteken en tydens die toernooi ’n onoorwonne 106 lopies van 103 aflewerings geslaan.[30] Tydens die Interkontinentale beker 2005 het hulle die Verenigde Arabiese Emirate verslaan en gelykop teen Hongkong gespeel, maar die kwalifisering met ’n halwe punt minder net-net misgeloop. Die Fast Track Countries Tournament 2005 het hulle as naaswenners ná die Verenigde Arabiese Emirate afgesluit.[31]

In Maart 2006 het Nepal in ’n uitspeelwedstryd teen Namibië in Windhoek gespeel om die laaste plek in die Interkontinentale beker 2006 te bespreek. Nepal moes duidelik wen om vir dié toernooi te kwalifiseer, maar hulle het gelykop gespeel nadat op die eerste dag geen speel moontlik was nie.[32] Later die jaar het hulle na Pakistan getoer en een wedstryd teen die Pakistan Krieketakademie gespeel[33] voordat hulle aan die AKR-trofee in Kuala Lumpur deelgeneem het.

Tydens die AKR-trofee 2006 het Nepal Mianmar op net 10 lopies in 12.1 boulbeurte uitgeboul, nadat Nepal die loot gewen en Mianmar ingestuur het; geen kolwer het meer as een lopie aangeteken nie. Mehboob Alam en Binod Das het onderskeidelik sewe en drie paaltjies geneem.[34] In antwoord daarop het Nepal drie van die eerste aflewering geslaan, opgevolg deur drie wydlopers wat vir vyf gegaan het, en toe ’n ander drie van die tweede aflewering aangeteken om die wedstryd met tien paaltjies te beklink. Sommige deskundiges het dit die grootste wanverhouding in die geskiedenis van internasionale krieket genoem[35] en die telling van tien is die laagste van enige vlak in internasionale krieket vir mans. Nepal het in dié toernooi vierde geëindig nadat hulle in ’n uitspeelwedstryd teen Afghanistan verloor het.[36] Hulle het die AKR se Premierliga 2006 gewen.[37] Nepal het aan die AKR se T20I-beker 2007 in Koeweit deelgeneem en vierde in hul eerste groep geëindig.[38]

Vestiging op internasionale vlakWysig

Tydens die Wêreldkrieketliga 2008 se afdeling vyf in Jersey het Nepal die derde plek behaal, in afdeling vyf aangebly en sodoende die Krieketwêreldbeker 2011 misgeloop. Tydens die kwalifisering het Mehboob Alam ’n nuwe wêreldrekord opgestel en in die wedstryd teen Mosambiek al die tien paaltjies geneem. Hy is vervolgens in die Guinness World Records ingeskryf, nadat hy die eerste bouler geword het om alle tien paaltjies in ’n internasionale krieketwedstryd met beperkte boulbeurte te neem.[39] Nepal het die groepfase eerste afgesluit, maar hulle is deur Afghanistan in die halfeindstryd verslaan[40] en, nadat hulle die Verenigde State in die uitspeelwedstryd om die derde plek geklop het, derde geëindig.[41] Aangesien net die twee beste spanne van hierdie toernooi tot die Wêreldkrieketliga se afdeling vier in Tanzanië later die jaar kon vorder, het Nepal die kans misgeloop om sy droom vir deelname aan die Krieketwêreldbeker 2011 verder te neem. Later het Nepal in die AKR-elitetrofee verskyn en vierde geëindig, nadat hulle in die halfeindstryd deur die Verenigde Arabiese Emirate[42] en in die uitspeelwedstryd om die derde plek deur Afghanistan verslaan is.[43]

Tydens die AKR se T20I-beker 2009 het Nepal vyfde geëindig, nadat hulle Singapoer met nege paaltjies in die uitspeelwedstryd om die vyfde plek verslaan het.[44] In die groepwedstryd teen Koeweit het Nepal sewe lopies vir ’n oorwinning benodig. Binod Bhandari, wat sy debuut vir die nasionale span gemaak het, het met die laaste aflewering ’n grenshou aangeteken om dié wedstryd gelykop te laat eindig. Nepal het dié wedstryd ná die uitboul gewen.[45]

Twee jaar later het Nepal die Wêreldkrieketliga se afdeling vyf in Katmandoe gewen, nadat hulle die Verenigde State in die eindstryd verslaan het.[46] Sharad Vesawkar het teen Fidji ’n honderdtal aangeteken, toe hy 105 lopies van 134 aflewerings gemoker het.[47] Nepal het uitstekend tydens die AKR se elitetrofee 2010 gevaar, nadat hulle al hul wedstryde in die groepfase gewen en Maleisië met agt lopies in die halfeindstryd verslaan het[48] maar hulle is in die eindstryd deur Afghanistan met 95 lopies verslaan.[49]

Daarmee het Nepal tot die Wêreldkrieketliga se afdeling vier gevorder, waar hulle die derde plek behaal en vervolgens in dié afdeling aangebly het.[50] In November het Nepal aan die Asiatiese Spele se kriekettoernooi deelgeneem en hulle is in die kwarteindstryd deur Sri Lanka geklop.[51] Dit was Nepal se eerste wedstryd teen ’n volle lid. In Desember 2011 het Nepal die AKR se T20I-beker aangebied en vierde geëindig, waarvolgens hulle tot die T20I-wêreldbekerkwalifisering 2012 gevorder het.[52]

Tydens die T20I-wêreldbekerkwalifisering 2012 het Nepal met oorwinnings teen Kenia[53] en Papoea-Nieu-Guinee[54] in uitspeelwedstryde sewende geëindig. Shakti Gauchan het tydens dié toernooi teen Denemarke die eerste internasionale driekuns vir Nepal behaal.[55] In September 2012 het Nepal in die Wêreldkrieketliga se afdeling vier verskyn, waartydens beide Subash Khakurel en Anil Mandal honderdtalle aangeteken het. Subash Khakurel het 115 lopies van 142 aflewerings teen die Verenigde State[56] en Anil Mandal 113 lopies van 134 aflewerings teen Denemarke aangeteken.[57] In die wedstryd teen Maleisië het Shakti Gauchan in Nepal se oortuigende oorwinning ’n nuwe rekord opgestel. Die linkerhandse ortodokse draaier se 10–8–2–3 is die beste ekonomiese boulwerk nog in korter krieket.[58][59] Nepal het al die ses wedstryde van dié toernooi gewen en tot Wêreldkrieketliga se afdeling drie 2013 gevorder. Nepalese spelers is in al die ses Nepalese wedstryde as onderskeidelike speler van die wedstryd aangewys en Basanta Regmi is as speler van die toernooi benoem, nadat hy gedurende dié toernooi altesaam 21 paaltjies geneem het.[60] In Oktober 2012 het Nepal aan die AKR elitetrofee deelgeneem en die trofee met die Verenigde Arabiese Emirate gedeel, nadat hulle op 12 Oktober 2012 in ’n naelbyter-eindstryd op die Sharjah-krieketstadion gelykop gespeel het. Die Verenigde Arabiese Emirate het ’n telling van 241 behaal, ’n teiken wat Nepal glo ná sy openingsstaander van 94 lopies kon haal. Hulle het egter agtereenvolgende paaltjies verloor, en uiteindelik twaalf lopies in die laaste beurt met een oorblywende paaltjie benodig. Shakti Gauchan het Shadeep Silva se linkerhandse aflewering vir ’n ses geslaan, maar hy kon van die laaste aflewering net een lopie aanteken, waarvolgens ’n skitterende eindstryd in ’n gelykop geëindig het.[61] Die kaptein Paras Khadka het tydens dié toernooi ’n onoorwonne 106 lopies van net 77 aflewerings teen Koeweit geslaan, sy eerste honderdtal vir Nepal.[62]

Nepal het as gasheer vir die AKR se T20I-beker op die tuisgronde Kirtipur en Lalitpur opgetree. Nepal het die eindstryd gehaal, nadat hulle in die halfeindstryd die Verenigde Arabiese Emirate met ses paaltjies geklop het.[63] Nepal het voorheen tot die T20I-wêreldbekerkwalifisering 2013 gevorder, en die halfeindstryd van dié toernooi gehaal. Nepal moes met die status as naaswenner tevrede wees, nadat hulle deur Afghanistan met sewe paaltjies verslaan is.[64] Die Nepalese span is tydens die hele toernooi deur ’n reuse skaar ondersteuners begelei, met ’n gemiddelde bywoning van tussen 15 000 en 20 000 (sowat 25 000 in beide die halfeindstryd en eindstryd) tydens hul wedstryde, terwyl honderdduisend regstreeks op televisie ingeskakel het – ongetwyfeld die grootste publieke ondersteuning buite die toetsnasies.[65] Nepal het die Wêreldkrieketliga se afdeling drie in Bermuda gewen en tot die Krieketwêreldbekerkwalifisering 2014 in Nieu-Seeland gevorder.[66][67] Nepal het ook aan die AKR se opkomende spannebeker in 2013 deelgeneem – saam met die o/23-spanne van die vier toetsnasies – Bangladesj, Indië, Pakistan en Sri Lanka – asook die Verenigde Arabiese Emirate, Afghanistan en die gasheer Singapoer.[68] Nepal het derde in die T20I-wêreldbekerkwalifisering in die Verenigde Arabiese Emirate geëindig[69][70] en vir die T20I-wêreldbeker 2014 gekwalifiseer, nadat hulle Hongkong met die laaste aflewering in ’n naelbyter-kwarteindstryd verslaan het.[71]

Nepal is tydens die kwalifisering vir die Krieketwêreldbeker 2015 in Januarie 2014 uitgeskakel en het tydens die Krieketwêreldbekerkwalifisering 2014 in Nieu-Seeland negende geëindig.[72] Nepal was die beste van die drie assosiaatlede wat in die T20I-wêreldbeker 2014 se Groep A van meegeding het. Hulle het Hongkong duidelik verslaan,[73] teen Bangladesj verloor,[74] en Afghanistan geklop,[75] hul eerste oorwinning teen dié span sedert 2004 in enige krieket,[76] maar hulle het nogtans die Super Tien misgeloop.[77] Nepal was die enigste span wat nie meer as 140 lopies in ’n wedstryd afgestaan het nie.[78] Nepal het die AKR se Premierliga 2014 derde afgesluit, nadat hulle die Verenigde Arabiese Emirate[79] en Hongkong verslaan het, om sodoende vir die AKR-kampioenskap 2014 te kwalifiseer.[80] In September 2014 het Nepal aan die Asiatiese Spele se kriekettoernooi deelgeneem, maar hulle het nie die halfeindstryd gehaal nie.[81] Nepal het die Wêreldkrieketliga se afdeling drie in Maleisië gewen en sodoende vir die Wêreldkrieketliga se afdeling twee 2015 gekwalifiseer.[82] Gyanendra Malla het tydens dié toernooi sy eerste honderdtal aangeteken, toe hy 114 lopies van 125 aflewerings teen Singapoer moker.[83] In November het Nepal na Sri Lanka getoer, nadat Sri Lanka Krieket ’n aansoek van die Asiatiese Krieketraad goedgekeur het om die nietoetsnasies te ondersteun,[84] waar hulle twee driedaagse wedstryde teen ’n saamgestelde Sri Lankaanse span gespeel het.[85][86] en ’n T20I-reeks teen Hongkong. Tydens die T20I-wêreldbekerkwalifisering 2015 het Nepal nie daarin geslaag om sy sukses van die vorige toernooi te heraal nie, nadat hulle ná hul oorwinning in die eerste wedstryd teen die Verenigde Staate geen verdere oorwinning aangeteken het nie.[87]

Nepal het tydens die Wêreldkrieketliga se afdeling twee in Namibië vierde geëindig[88] en sodoende vir die Wêreldkrieketligakampioenskap 2015–17 gekwalifiseer.[89] Nadat hulle derde in die groepfase geëindig het, het Nepal egter versuim om tot die Wêreldkrieketliga se afdeling een te vorder en sodoende vir die Interkontinentale Beker 2015–17 te kwalifiseer.[90][91] Basanta Regmi het die eerste bouler geword om 100 paaltjies in die Wêreldkrieketliga te neem. Hy het dié mylpaal behaal nadat hy tydens dié toernooi twee paaltjies in die wedstryd teen Nederland geneem het.[92] Op 11 April 2015 het Nepal ’n huldewedstryd van 63-beurte (31.3 beurte per span) gehou vir die Australiese krieketspeler Phillip Hughes, wat op 63 gekolf het toe hy deur ’n opslagbal getref is. Dié wedstryd is op Tribhuvan-universiteits Internasionale Krieketveld, Kirtipur, tussen ’n span blou, saamgestel uit spelers van beide Nepal en Australië, en ’n rooi span, bestaande uit Nepalese spelers, gespeel.[93] In Junie het Nepal na Nederland getoer om ’n T20I-reeks teen die gasheer te speel. Nepal het toe aan die T20I-wêreldbekerkwalifisering in Ierland en Skotland deelgeneem, waar hulle sewende in Groep A geëindig[94] en dus versuim het om vir die tweede agtereenvolgende T20I-wêreldbeker te kwalifiseer.[95] In 2016 het die Nepalese regering by die beheerliggaam ingemeng, waarvolgens hulle deur die Internasionale Krieketraad geskors is.[96] Hulle kon egter vorts aan internasionale krieket deelneem.

Verkryging van EDI-statusWysig

Tydens die Wêreldkrieketliga se afdeling twee het Nepal tweede geëindig en sodoende sy plek in die Krieketwêreldbekerkwalifikasie 2018 bespreek. Op 15 Maart 2018 is aan Nepal vir die eerste keer EDI-status toegeken, nadat hulle Papoea-Nieu-Guinee tydens die Krieketwêreldbekerkwalifikasie 2018 se uitspeelwedstryd om die negende plek verslaan het.[12] Met sy EDI-status het Nepal sy T20-status terugverkry. Nadat hulle EDI-status verkry het, het Nepal se kaptein tydens die Krieketwêreldbekerkwalifikasie, Paras Khadka, gesê dat hulle binne agt of tien jaar toetsstatus ook wil verkry.[97]

Nepal het sy eerste EDI-reeks bestaande uit drie wedstryde teen die Verenigde Arabiese Emirate gespeel en met 2–1 gewen, hul eerste EDI-reeksoorwinning. Paras Khadka het die eerste kolwer geword om ’n EDI-honderdtal vir Nepal aan te teken. Rohit Kumar Paudel het die wêreld se jongste speler geword om ’n EDI-vyftigtal en Sandeep Jora die wêreld se jongste speler om ’n T20I-vyftigtal aan te teken. In Oktober 2019 is die Krieketvereniging van Nepal ná hul opskorting in 2016 weer as ’n IKR-lid toegelaat.[98]

Kushal Malla het op 15 jaar en 340 dae in die wedstryd teen die Verenigde State die jongste manskrieketspeler geword om ’n internasionale vyftigtal aan te teken.[99] Op 12 Februarie 2020 het Nepal die Verenigde State op net 35 lopies uitgeboul, die kleinste totale telling van ’n span in EDI-wedstryde tot dusver.[100]

Aan die Nepal Drienasiesreeks in April 2021 het naas die gasheer ook Maleisië en Nederland deelgeneem. Nepal het dié toernooi gewen, nadat hulle drie van hul vier wedstryde gewen[101] en die eindstryd gehaal het, waar hulle teen Nederland te staan gekom het. Nepal het Nederland met 142 lopies geklop en die toernooi beklink.[102] Die debutant Kushal Bhurtel het tydens dié toernooi 278 lopies met ’n kolfgemiddelde van 69,50 en ’n slaankoers van 140,40[103] en hy is as “speler van die reeks” benoem.[104]

KleureWysig

In EDI- en T20I-krieket dra Nepal blou truie met rooi moue ’n rooi V-halslyn en blou broeke. Veldspelers dra ’n rooi bofbalpet of ’n rooi sonhoed. Die kolwers se helms is blou geverf. Gedurende IKR-toernooie verskyn die borg se embleem op die regter mou en die belettering NEPAL verskyn op die middel van die trui.

Die Nepalese nasionale krieketspan se bynaame is The Rhinos en Gorkhalis. Die Krieketvereniging van Nepal se kenteken toon derhalwe ’n renoster.

TuisstadionsWysig

Ligging van Nepalese krieketstadions

Nepal beskik oor geen amptelike tuisstadion vir sy nasionale span nie. Die Nepalese nasionale krieketspan span vir hul krieketwedstryde eerder ’n verskeidenheid stadions dwarsdeur Nepal in:

No. Stadion Plek Eerste wedstryd
1 Tribhuvan Universiteit se Internasionale Krieketveld Kirtipur 5 Desember 2019

SpelersWysig

SpelerstatistiekeWysig

Altesaam het vir Nepal 27 spelers EDI- en 35 spelers T20I-krieket gespeel. Vervolgens die spelers, wat vir die Nepalese span die meeste lopies aangeteken en die meeste paaltjies geneem het.

LopiesWysig

EDI T20I
Speler Tydperk EDIs Lopies Speler Tydperk T20Is Lopies
Gyanendra Malla 2018–hede 16 418 Paras Khadka 2014–2020 33 799
Paras Khadka 2018–2020 10 315 Gyanendra Malla 2014–hede 32 673
Rohit Paudel 2018–hede 11 303 Dipendra Singh Airee 2018–hede 26 477
Binod Bhandari 2019–hede 12 225 Binod Bhandari 2014–hede 35 319
Aasif Sheikh 2021–hede 06 189 Sharad Vesawkar 2014–2019 17 310
Korrek teen: 19 Desember 2021[105] Korrek teen: 19 Desember 2021[106]

PaaltjiesWysig

EDI T20I
Speler Tydperk EDIs Paaltjies Speler Tydperk T20Is Paaltjies
Sandeep Lamichhane 2018–hede 16 41 Sandeep Lamichhane 2018–hede 25 47
Karan KC 2018–hede 14 21 Karan KC 2015–hede 33 44
Sushan Bhari 2020–hede 09 15 Sompal Kami 2014–hede 33 31
Sompal Kami 2018–hede 12 15 Basant Regmi 2014–2019 18 25
Paras Khadka 2018–2020 10 09 Abinash Bohara 2019–hede 24 22
Korrek teen: 19 Desember 2021[107] Korrek teen: 19 Desember 2021[108]

SpankapteinsWysig

Tot op hede het twee spelers as kaptein vir Nepal tydens ’n EDI-wedstryd fungeer en twee tydens ’n T20I.[109]

EDI[110] T20I[111]
No. Naam Tydperk Naam Tydperk
1 Paras Khadka 2018–2019 Paras Khadka 2014–2019
2 Gyanendra Malla 2020–2021 Gyanendra Malla

RekordsWysig

EDI-rekord teen ander landeWysig

Teenstander Wedstryde Gewen Verloor Gelykop Onbeslis % Gewen Eerste oorwinning
t. Assosiaatlede
  Nederland 2 1 1 0 0 50,00 3 Augustus 2018
  Oman 4 1 3 0 0 25,00 19 September 2021
  Papoea-Nieu-Guinee 2 2 0 0 0 100,00 7 September 2021
  Verenigde Arabiese Emirate 4 2 2 0 0 50,00 26 Januarie 2019
  Verenigde State 4 3 1 0 0 75,00 8 Februarie 2020
Algeheel 16 9 7 0 0 56,25 3 Augustus 2018
Rekords volledig tot en met EDI #4338 op 27 November 2021. Laaste keer hersien op 19 Desember 2021. Wenpersentasies sluit geen uitslae uit en tel gelykop as ’n halwe oorwinning.[112]

WêreldbekerrekordWysig

Jaar Uitslag
1975 Nie in aanmerking nie – nie ’n IKR-lid nie
1979 Nie in aanmerking nie – nie ’n IKR-lid nie
1983 Nie in aanmerking nie – nie ’n IKR-lid nie
1987 Nie in aanmerking nie – nie ’n IKR-lid nie
1992 Nie in aanmerking nie – nie ’n IKR-lid nie
1996 Nie in aanmerking nie – nie ’n IKR-lid nie
1999 Nie in aanmerking nie – nie ’n IKR-lid nie
2003 Nie gekwalifiseer nie
2007 Nie in aanmerking nie – nie ’n IKR-lid nie
2011 Nie in aanmerking nie – nie ’n IKR-lid nie
2015 Nie gekwalifiseer nie
2019 Nie gekwalifiseer nie
2023 N.v.t.

T20I-rekord teen ander landeWysig

Teenstander Wedstryde Gewen Verloor Gelykop Onbeslis % Gewen Eerste T20I-oorwinning
t. Toetsnasies
  Afghanistan 1 1 0 0 0 100,00 20 Maart 2014
  Bangladesj 1 0 1 0 0 0,00
  Ierland 2 0 2 0 0 0,00
  Zimbabwe 2 0 2 0 0 0,00
t. Assosiaatlede
  Bhoetan 1 1 0 0 0 100,00 5 Desember 2019
  Hongkong 5 2 3 0 0 40,00 16 Maart 2014
  Katar 1 0 1 0 0 0,00
  Koeweit 1 1 0 0 0 100,00 27 Julie 2019
  Maleisië 6 5 1 0 0 83,33 13 Julie 2019
  Maledive 2 2 0 0 0 100,00 6 Desember 2019
  Nederland 9 4 4 0 1 50,00 3 Julie 2015
  Oman 1 0 1 0 0 0,00
  Papoea-Nieu-Guinee 1 0 1 0 0 0,00
  Singapoer 2 1 1 0 0 50,00 28 September 2019
  Thailand 1 1 0 0 0 100,00 4 Maart 2020
  Verenigde Arabiese Emirate 3 2 1 0 0 66,66 1 Februarie 2019
Algeheel 39 20 18 0 1 52,63 16 Maart 2014
Rekords volledig tot en met T20I #1450 op 16 Desember 2021. Gelykop verwys na wedstryde wat deur ’n valbyl (soos ’n Superboulbeurt) beslis is. Wenpersentasies sluit geen uitslae uit en gelykop as ’n halwe oorwinning (ongeag die valby).[113]

Twintig20-rekordWysig

Jaar Uitslag
2007 Nie in aanmerking nie – nie ’n IKR-lid nie
2009 Nie in aanmerking nie – nie ’n IKR-lid nie
2010 Nie in aanmerking nie – nie ’n IKR-lid nie
2012 Nie gekwalifiseer nie
2014 Groepfase
2016 Nie gekwalifiseer nie
2021 Nie gekwalifiseer nie
2022 N.v.t.

VerwysingsWysig

  1. (en) "ICC Rankings". Internasionale Krieketraad.
  2. (en) "ODI matches – Team records". ESPNcricinfo.
  3. (en) "ODI matches – 2022 Team records". ESPNcricinfo.
  4. (en) "T20I matches – Team records". ESPNcricinfo.
  5. (en) "T20I matches – 2022 Team records". ESPNcricinfo.
  6. (en) "Nepal's Official Jersey at T10 Sports". Geargiveer vanaf die oorspronklike op 24 Junie 2018.
  7. 7,0 7,1 7,2 (en) "Nepal's Profile at Cricket Archive". Cricket Archive. Geargiveer vanaf die oorspronklike op 1 April 2019. Besoek op 2 Mei 2005.
  8. (en) "Results of ICC Board meeting in Melbourne". Internasionale Krieketraad. Geargiveer vanaf die oorspronklike op 2 Julie 2016. Besoek op 28 Junie 2014.
  9. (en) "Nepal, Netherlands get T20 international status". ESPNcricinfo. 28 Junie 2014. Besoek op 19 Desember 2021.
  10. (en) "Nepal thrash PNG to secure ODI status". Internasionale Krieketraad. 15 Maart 2018. Geargiveer vanaf die oorspronklike op 7 April 2019. Besoek op 26 Februarie 2020.
  11. (en) "Historic moment for Nepal cricket: Rhinos get ODI status for first time in history". Online Khabar. 15 Maart 2018. Geargiveer vanaf die oorspronklike op 13 November 2019. Besoek op 26 Februarie 2020.
  12. 12,0 12,1 12,2 (en) "Nepal claim ODI status for the first time". ESPNcricinfo. 15 Maart 2018. Besoek op 19 Desember 2021.
  13. (en) "Nepal looks to make case as neutral venue". ESPNcricinfo. 15 Julie 2014. Besoek op 19 Desember 2021.
  14. (en) "All T20 matches between ICC members to get international status". Internasionale Krieketraad. 26 April 2018. Geargiveer vanaf die oorspronklike op 3 November 2019. Besoek op 26 Februarie 2020.
  15. (en) "Men's ODI Team Rankings". Internasionale Krieketraad. 5 Oktober 2021. Besoek op 19 Desember 2021.
  16. (en) "Men's T20I Team Rankings". Internasionale Krieketraad. 6 Desember 2021. Besoek op 19 Desember 2021.
  17. (en) Martin Williamson (11 Januarie 2006). "The Under-19 World Cup". ESPNcricinfo. Besoek op 19 Desember 2021.
  18. (en) Daniel Wright, red. (1877). History of Nepal. Cambridge University Press. p. 74.
  19. 19,0 19,1 19,2 19,3 19,4 (en) Roy Morgan (2007). The Encyclopedia of World Cricket. SportsBooks Ltd. ISBN 978-1-899807-51-2.
  20. (en) Rabeed Imam (29 Februarie 2004). "Nepal contemplates the dizziest heights". ESPNcricinfo. Besoek op 19 Desember 2021.
  21. (en) "ACC Trophy – Playing Conditions". ESPNcricinfo. 29 Januarie 2013. Besoek op 19 Desember 2021.
  22. (en) Tony Munro (21 November 2000). "Hong Kong steamroll Nepal, enter ACC final". ESPNcricinfo. Besoek op 19 Desember 2021.
  23. (en) "Full Scorecard of Nepal vs Namibia 2001". ESPNcricinfo. 2 Julie 2001. Besoek op 19 Desember 2021.
  24. (en) "Asian Cricket Council Trophy, 2002, Final". ESPNcricinfo. 1 Julie 2002. Besoek op 19 Desember 2021.
  25. (en) "Scorecard of Nepal v Bhutan, ACC Emerging Nations Tournament 2003". Cricket Archive. Geargiveer vanaf die oorspronklike op 31 Mei 2019. Besoek op 2 Mei 2005.
  26. (en) "Nepal ease to nine-wicket win". ESPNcricinfo. 26 April 2004. Besoek op 19 Desember 2021.
  27. (en) "Full Scorecard of U.A.E. vs Nepal, ICC Intercontinental Cup 2004". ESPNcricinfo. 27 Maart 2004. Besoek op 19 Desember 2021.
  28. (en) "ACC Fast Track Countries Tournament 2004". Asiatiese Krieketraad. Geargiveer vanaf die oorspronklike op 6 Maart 2016. Besoek op 26 Februarie 2020.
  29. (en) "Scorecard of Nepal v Qatar, ICC World Cup Qualifying Series 2005". Cricket Archive. Geargiveer vanaf die oorspronklike op 3 Maart 2016. Besoek op 2 Mei 2005.
  30. (en) "Scorecard of Italy v Nepal, ICC World Cup Qualifying Series 2005". Cricket Archive. Geargiveer vanaf die oorspronklike op 26 Desember 2014. Besoek op 2 Mei 2005.
  31. (en) "ACC Fast Track Countries Tournament 2005 Points Table". Asiatiese Krieketraad. Besoek op 19 Desember 2021.
  32. (en) "Scorecard of Namibia v Nepal, ICC Intercontinental Cup 2006". Cricket Archive. Geargiveer vanaf die oorspronklike op 3 Maart 2016. Besoek op 26 Maart 2006.
  33. (en) "Nepal in Pakistan 2006". Cricket Archive. Geargiveer vanaf die oorspronklike op 24 September 2015. Besoek op 10 Augustus 2006.
  34. (en) "Scorecard of Myanmar v Nepal, ACC Trophy 2006". Cricket Archive. Geargiveer vanaf die oorspronklike op 31 Julie 2019. Besoek op 20 Augustus 2006.
  35. (en) "The greatest mismatch in international history?". Cricket Europe. Geargiveer vanaf die oorspronklike op 12 Maart 2007. Besoek op 20 Augustus 2006.
  36. (en) "Scorecard of Afghanistan v Nepal, ACC Trophy 2006". Cricket Archive. Geargiveer vanaf die oorspronklike op 4 Maart 2016. Besoek op 25 Augustus 2006.
  37. (en) "ACC Premier League 2006 Points Table". Asiatiese Krieketraad. Besoek op 19 Desember 2021.
  38. (en) "ACC Twenty20 Cup 2007". ESPNcricinfo. 2 November 2007. Besoek op 19 Desember 2021.
  39. (en) "First bowler to take 10 wickets in a limited overs international". Guinness World Records. Besoek op 19 Desember 2021.
  40. (en) "Afghanistan and Jersey into final". ESPNcricinfo. 30 Mei 2008. Besoek op 19 Desember 2021.
  41. (en) "Full Scorecard of Nepal vs U.S.A., WCL Division Five 2008". ESPNcricinfo. 31 Mei 2008. Besoek op 19 Desember 2021.
  42. (en) "Hong Kong and UAE make it to final". ESPNcricinfo. 1 Augustus 2008. Besoek op 19 Desember 2021.
  43. (en) "Saudi Arabia finish at the bottom". ESPNcricinfo. 2 Augustus 2008. Besoek op 19 Desember 2021.
  44. (en) "Full Scorecard of Singapore vs Nepal, ACC T20 Cup 2009". ESPNcricinfo. 29 November 2009. Besoek op 19 Desember 2021.
  45. (en) "Playerspeak: Binod Bhandari Batsman". The Himalayan Times. Geargiveer vanaf die oorspronklike op 31 Oktober 2014. Besoek op 9 Maart 2014.
  46. (en) "Vishvakarma bowls Nepal to title". ESPNcricinfo. 27 Februarie 2010. Besoek op 19 Desember 2021.
  47. (en) "Undefeated Nepal steamroll Fiji". ESPNcricinfo. 24 Februarie 2010. Besoek op 19 Desember 2021.
  48. (en) "Full Scorecard of Nepal vs Malaysia, ACC Trophy Elite 2010". ESPNcricinfo. 7 April 2010. Besoek op 19 Desember 2021.
  49. (en) "Full Scorecard of Afghanistan vs Nepal, ACC Trophy Elite 2010". ESPNcricinfo. 9 April 2010. Besoek op 19 Desember 2021.
  50. (en) "Cush century takes USA to title triumph". ESPNcricinfo. 21 Augustus 2010. Besoek op 19 Desember 2021.
  51. (en) "Full Scorecard of Nepal vs Sri Lanka, Asian Games 2010". ESPNcricinfo. 24 November 2010. Besoek op 19 Desember 2021.
  52. (en) "Full Scorecard of Oman vs Nepal, ACC T20 Cup 2011". ESPNcricinfo. 10 Desember 2011. Besoek op 19 Desember 2021.
  53. (en) "Afghanistan secure World Twenty20 berth". ESPNcricinfo. 22 Maart 2012. Besoek op 19 Desember 2021.
  54. (en) "Scotland claim fifth in dramatic finish". ESPNcricinfo. 23 Maart 2012. Besoek op 19 Desember 2021.
  55. (en) "Canada bounce back with win over PNG". ESPNcricinfo. 14 Maart 2012. Besoek op 19 Desember 2021.
  56. (en) "Khakurel ton helps Nepal to fourth straight win". ESPNcricinfo. 7 September 2012. Besoek op 19 Desember 2021.
  57. (en) "Nepal, USA progress to Division 3". ESPNcricinfo. 9 September 2012. Besoek op 19 Desember 2021.
  58. (en) "Gauchan claims extraordinary figures". ESPNcricinfo. 6 September 2012. Besoek op 19 Desember 2021.
  59. (en) "WCL 4: Magical Shakti sets up big win". Krieketvereniging Nepal. 6 September 2012. Besoek op 19 Desember 2021.
  60. (en) "Nepal crush USA in the final". ESPNcricinfo. 10 September 2012. Besoek op 19 Desember 2021.
  61. (en) "Nepal, UAE share ACC Elite title after thrilling tie". ESPNcricinfo. 12 Oktober 2012. Besoek op 19 Desember 2021.
  62. (en) "Full Scorecard of Nepal vs Kuwait, ACC Trophy Elite 2012". ESPNcricinfo. 6 Oktober 2012. Besoek op 19 Desember 2021.
  63. (en) "Full Scorecard of U.A.E. vs Nepal, ACC T20 Cup 2013". ESPNcricinfo. 2 April 2013. Besoek op 19 Desember 2021.
  64. (en) "All-round Naib helps Afghanistan take ACC T20 title". ESPNcricinfo. 3 April 2013. Besoek op 19 Desember 2021.
  65. (en) "And the award goes to… the crowd!". Krieketvereniging van Nepal. 6 April 2013. Besoek op 19 Desember 2021.
  66. (en) "Airee, Vesawkar carry Nepal to Div 3 title". ESPNcricinfo. 6 Mei 2013. Besoek op 19 Desember 2021.
  67. (en) "Nepal pip USA to WC Qualifiers". ESPNcricinfo. 4 Mei 2013. Besoek op 19 Desember 2021.
  68. (en) "ACC Emerging Teams Cup 2013". Asiatiese Krieketraad. Besoek op 19 Desember 2021.
  69. (en) "Nepal through to ICC World T20". ESPNcricinfo. 27 November 2013. Besoek op 19 Desember 2021.
  70. (en) "Nepal signs off with third-place finish". Internasionale Krieketraad. Geargiveer vanaf die oorspronklike op 4 Maart 2016. Besoek op 30 November 2013.
  71. (en) "Nepal enters ICC World Twenty20 with thrilling win". Internasionale Krieketraad. Geargiveer vanaf die oorspronklike op 31 Oktober 2014. Besoek op 27 November 2013.
  72. (en) "UAE and Scotland one win from World Cup". ESPNcricinfo. 28 Januarie 2014. Besoek op 19 Desember 2021.
  73. (en) Alan Gardner (16 Maart 2014). "Nepal lay their marker with 80-run win". ESPNcricinfo. Besoek op 19 Desember 2021.
  74. (en) Alan Gardner (18 Maart 2014). "Bangladesh win emphatically in heavy dew". ESPNcricinfo. Besoek op 19 Desember 2021.
  75. (en) Alan Gardner (20 Maart 2014). "Spirited Nepal trip up Afghanistan". ESPNcricinfo. Besoek op 19 Desember 2021.
  76. (en) (en) "Two wins a great achievement for Nepal: Khadka". Internasionale Krieketraad. Geargiveer vanaf die oorspronklike op 4 Maart 2016. Besoek op 20 Maart 2014.
  77. (en) Alan Gardner (20 Maart 2014). "Dar guides HK to historic win; Bangladesh through". ESPNcricinfo. Besoek op 19 Desember 2021.
  78. (en) "Most runs conceded by a team in WT20 2014". ESPNcricinfo. Besoek op 19 Desember 2021.
  79. (en) "Khakurel stars as Nepal beats UAE". Internasionale Krieketraad. Geargiveer vanaf die oorspronklike op 4 Maart 2016. Besoek op 1 Mei 2014.
  80. (en) "Nepal qualify for two-day event". ekantipur.com. Geargiveer vanaf die oorspronklike op 1 Julie 2015. Besoek op 26 Februarie 2020.
  81. (en) "Asian Games: Afghanistan ends Nepal's medal hopes". Cricketlok. Geargiveer vanaf die oorspronklike op 23 September 2015. Besoek op 1 Oktober 2014.
  82. (en) "Pun, Malla and Budhaayer shine as Nepal wins Pepsi ICC World Cricket League Division 3". Internasionale Krieketraad. Geargiveer vanaf die oorspronklike op 2 Julie 2016. Besoek op 30 Oktober 2014.
  83. (en) "Malla ton sets up big Nepal win". ESPNcricinfo. 26 Oktober 2014. Besoek op 19 Desember 2021.
  84. (en) "Hong Kong and Nepal tour Sri Lanka". Asiatiese Krieketraad. 8 Oktober 2014. Besoek op 19 Desember 2021.
  85. (en) "Full Scorecard of Kurunegala Combined XI vs Nepal, Nepal tour of Sri Lanka 2014". ESPNcricinfo. 9 November 2014. Besoek op 19 Desember 2021.
  86. (en) "Full Scorecard of Sri Lanka Cricket Combined XI v Nepal, Nepal tour of Sri Lanka 2014". ESPNcricinfo. 14 November 2014. Besoek op 19 Desember 2021.
  87. (en) Peter Della Penna (18 Julie 2015). "Jersey stay alive with crushing win". ESPNcricinfo. Besoek op 19 Desember 2021.
  88. (en) "Rippon stars as Netherlands take title". ESPNcricinfo. 24 Januarie 2015. Besoek op 19 Desember 2021.
  89. (en) "Kenya and Nepal will take their places in the ICC World Cricket League Championship". Internasionale Krieketraad. Geargiveer vanaf die oorspronklike op 2 Julie 2016. Besoek op 28 Januarie 2015.
  90. (en) Peter Della Penna (25 Januarie 2015). "Redemption for Netherlands, regret for Nepal". ESPNcricinfo. Besoek op 19 Desember 2021.
  91. (en) "WCL Division Two 2015 Points Table". ESPNcricinfo. Besoek op 19 Desember 2021.
  92. (en) "Regmi completes 100 wickets in WCL". The Himalayan Times. Geargiveer vanaf die oorspronklike op 20 Januarie 2015. Besoek op 18 Januarie 2015.
  93. (en) Andrew Ramsey (11 April 2015). "Emotions run high at Hughes tribute match in Nepal". Krieket Australië. Besoek op 19 Desember 2021.
  94. (en) "ICC World Twenty20 Qualifier 2015 Points Table". ESPNcricinfo. Besoek op 19 Desember 2021.
  95. (en) "Nepal ends sandesh league phase with three points from six matches, is out of qualification race for World T20 2016". Internasionale Krieketraad. Geargiveer vanaf die oorspronklike op 16 Junie 2016. Besoek op 18 Julie 2015.
  96. (en) "ICC suspends Nepal's cricket governing body". The Kathmandu Post. 26 April 2016. Besoek op 19 Desember 2021.
  97. (en) "Khadka: 'We want to become a Test nation'". Internasionale Krieketraad. 17 Maart 2018. Besoek op 19 Desember 2021.
  98. (en) Firdose Moonda (14 Oktober 2019). "Zimbabwe and Nepal readmitted as ICC members". ESPNcricinfo. Besoek op 19 Desember 2021.
  99. (en) Paul Radley (9 Februarie 2020). "Nepal batsman Kushal Malla tops Sachin Tendulkar and Shahid Afridi as he breaks record". The National. Besoek op 19 Desember 2021.
  100. (en) "Nepal bowl USA out for joint-lowest total in ODI history after Lamichhane career-best haul". India Today. Besoek op 19 Desember 2021.
  101. (en) "Nepal Tri-Nation T20I Series 2021 – Points Table – ESPN Cricinfo". ESPNcricinfo. Besoek op 19 Desember 2021.
  102. (en) "Nepal Tri-Nation T20I Series Final: Nepal v Netherlands at Kirtipur, Apr 24, 2021 – Cricket Scorecard – ESPN Cricinfo". ESPNcricinfo. Besoek op 19 Desember 2021.
  103. (en) "Nepal Tri-Nation T20I Series 2021 – Stats: Most Runs – ESPN Cricinfo". ESPNcricinfo. Besoek op 19 Desember 2021.
  104. (en) "Records–One-Day Internationals–Team records–Lowest Innings Totals". ESPNcricinfo. Besoek op 19 Desember 2021.
  105. (en) "Records / Nepal / One-Day Internationals / Most Runs". ESPNcricinfo. Besoek op 19 Desember 2021.
  106. (en) "Records / Nepal / Twenty20 Internationals / Most Runs". Cricinfo. Besoek op 19 Desember 2021.
  107. (en) "Records / Nepal / One-Day Internationals / Most Wickets". ESPNcricinfo. Besoek op 19 Desember 2021.
  108. (en) "Records / Nepal / Twenty20 Internationals / Most Wickets". ESPNcricinfo. Besoek op 19 Desember 2021.
  109. Die tydperk verwys na die ooreenstemmende krieketseisoen waarin die eerste of laaste wedstryd van die tyd as kaptein plaasgevind het
  110. (en) "Nepal / Records / One-Day Internationals / Most Matches as Captain". ESPNcricinfo. Besoek op 19 Desember 2021.
  111. (en) "Nepal / Records / Twenty20 Internationals / Most Matches as Captain". ESPNcricinfo. Besoek op 19 Desember 2021.
  112. (en) "Records / Nepal / ODI matches / Result summary". ESPNcricinfo. 27 November 2021. Besoek op 19 Desember 2021.
  113. (en) "Records / Nepal / Twenty20 Internationals / Result summary". ESPNcricinfo. 16 Desember 2021. Besoek op 19 Desember 2021.

Eksterne skakelsWysig