Twintig20

Twintig20 (afgekort T20) is 'n vorm van krieket waar twee spanne elk 20 boulbeurte kry om vinnig soveel lopies moontlik te slaan. Dit is 'n relatief nuwe vorm van krieket en 'n wedstryd neem gewoonlik nie langer as drie ure nie. Twintig20 is in 2003 in Engeland bekendgestel. Die doel van die korter formaat is om krieket aantrekliker vir televisiekykers te maak.

'n Twintig20-wedstryd tussen Engeland en Sri Lanka in volle swang. Twintig20-wedstryde word as gevolg van die korte duur daarvan dikwels in die aand en dus met 'n wit bal gespeel
'n Indiese Premierligawedstryd op die Chepaukstadion tussen Chennai Super Kings en Kolkata Knight Riders
Die Sri Lankaanse Lasith Malinga boul teen die Pakistanse Shahid Afridi tydens die T20I-wêreldbeker 2009 se eindstryd op Lord’s in Londen
Perth Scorchers teen Hobart Hurricanes by die WACA tydens die BBL 01 (2011)

Sedert 2005 word Twintig20-wedstryde in internasionale verband gespeel (T20I). Sedert 2007 word daar ook in die T20I-wêreldbeker aangebied, sedert 2009 ook vir vroue. Die mees onlangse T20I-wêreldbeker 2021 is in Oman en die Verenigde Arabiese Emirate aangebied en deur Australië gewen.

PlaaslikWysig

Dit is 'n lys van die huidige Twenty20-binnelandse kompetisies in verskeie van die voorste krieketlande.

Nasie Plaaslike kompetisie Aantal spanne
  Afghanistan Afghanistan Premierliga, Shpageeza Krieketliga 5, 6
  Australië Big Bash League 8
  Bangladesj Bangladesj Premierliga 8
  Engeland T20 Blast 18
  Hongkong Hongkong T20 Blitz 5
  Ierland Inter-provinsiale trofee 4
  Indië Indiese Premierliga, Saurashtra Premierliga, Syed Mushtaq Ali-trofee 10, 5, 38
  Kanada Globale T20 Kanada 6
  Nederland Nederlandse Twintig20-beker 16
  Nieu-Seeland Super Smash 6
  Nepal Everest Premierliga, Dhangadhi Premierliga, Pokhara Premierliga 6, 6, 6
  Pakistan Pakistanse Superliga, Nasionale T20-beker 6, 6
  Skotland Murgitroyd Twintig20, Regional Pro Series 4, 3
  Sri Lanka Sri Lanka Premierliga, Premier Twintig20 6, 24
  Suid-Afrika Mzansi Superliga, CSA T20 Challenge, CSA Provinsiale T20 Cup 6, 6, 15
  Verenigde State Major League Cricket 6
  Wes-Indië Karibbiese Premierliga 6
  Zimbabwe Stanbic Bank 20 Series 4

Eksterne skakelsWysig

  •   Wikimedia Commons het meer media in die kategorie Twintig20.
  • (en) "Twenty20 cricket". Encyclopædia Britannica. Besoek op 23 November 2021.