Namibiese nasionale krieketspan

Die Namibiese nasionale krieketspan, met die bynaam “die Arende”,[6] is die nasionale krieketspan wat Namibië in internasionale krieket verteenwoordig. Krieket word in Namibië deur Krieket Namibië (CN, van Engels: Cricket Namibia, CN) beheer. Namibië is sedert 1992 ’n assosiaatlid van die Internasionale Krieketraad (IKR),[7] en het in 2007 by die IKR se Hoëprestasieprogram aangesluit.[8] Namibië het aan die Krieketwêreldbeker 2003 in Suid-Afrika deelgeneem, maar al sy wedstryde verloor.[9] Hulle het tot dusver aan elke Interkontinentale Bekertoernooi deelgeneem. Saam met Kenia word Namibië tradisioneel as een van die sterker nasionale Afrika-krieketspanne na die toetslande Suid-Afrika en Zimbabwe beskou.

Namibië
Kenteken van die Namibiese nasionale krieketspan
BynaamArende
KonferensieKrieket Namibië (CN)
Personeel
EDI-kapteinGerhard Erasmus
T20I-kapteinGerhard Erasmus
AfrigterVlag van Suid-Afrika Pierre de Bruyn
Internasionale Krieketraad
IKR-statusAssosiaatlid met EDI-status (1992)
IKR-streekAKV (Afrika)
IKR-ranglys Tans[1] Beste rang tot dusver
EDI16de14de (op 22 September 2022)
T20I12de11de (op 22 November 2023)
Internasionale eendagwedstryde
Eerste EDIt Vlag van Zimbabwe Zimbabwe op Harare Sportklub, Harare; 10 Februarie 2003
Laaste EDIt Vlag van Kanada Kanada op Wanderers, Windhoek; 4 April 2023
EDIs Gespeel Gewen/Verloor
Algeheel[2]4823/24 (47,91%)
(0 gelykop, 1 onbeslis)
Vanjaar[3]114/7
(0 gelykop, 0 onbeslis)
Krieketwêreldbeker-verskynings1/13 (eerste in 2003)
Beste uitslagGroepfase (in 2003)
Wêreldbeker-
kwalifiserings
6 (eerste in 1994)
Beste uitslagNaaswenner (in 2001)
Kampioenetrofee-verskynings0/9
Twintig20s
Eerste T20It Vlag van Ghana Ghana op Kyambogo-krieketovaal, Kampala; 20 Mei 2019
Laaste T20It Vlag van Nigerië Nigerië op Wanderers, Windhoek; 30 November 2023
T20Is Gespeel Gewen/Verloor
Algeheel[4]5236/16 (69,23%)
(0 gelykop, 0 onbeslis)
Vanjaar[5]119/2
(0 gelykop, 0 onbeslis)
T20I-wêreldbeker-verskynings2/8 (eerste in 2021)
Beste uitslagSuper Twaalf (in 2021)
T20I-wêreldbeker-
kwalifiserings
4 (eerste in 2012)
Beste uitslagKampioen (in 2023)
EDI-klere

In onlangse jare het Namibiese krieket ’n sterk vordering gesien, veral danksy die groot invloed van die krieketland Suid-Afrika. Krieket is deur Suid-Afrika na die destydse mandaatgebied Suidwes-Afrika gebring en het daar gewildheid onder die bevolking verwerf, veral in die suide van dié land en rondom Windhoek, maar ook Namibië se nabyheid aan Suid-Afrika het gehelp om die spel in Namibië te laat ontwikkel. Namibië word tans as tweede beste span in Afrika, na die Suid-Afrikaanse Proteas en nog voor die toetsland Zimbabwe, beskou.[10] Vername Namibiese krieketspelers sluit in Neil Rossouw en Pieter Rossouw.

In April 2018 het die IKR besluit om aan al sy lede volle T20I-status toe te ken. Vervolgens sal al die T20I-wedstryde wat Namibië ná 1 Januarie 2019 teen ander IKR-lede speel, as ’n volle T20I erken word.[11] Namibië is tans (Desember 2023) 16de op die eendagranglys en 12de op die Twintig20-wêreldranglys.[12][13] In Oktober 2019 het die Namibiese nasionale krieketspan tydens die T20I-wêreldbekerkwalifisering 2019 gekwalifiseer vir die T20I-wêreldbeker 2021, waar hulle in die eerste rondte hul eerste toernooi-oorwinnings teen Nederland en Ierland aangeteken en sodoende tot die Super Twaalf gevorder het, hul beste prestasie nog tydens ’n internasionale toernooi. Daarmee het hulle regstreeks vir die T20I-wêreldbeker 2022 gekwalifiseer.[14]

Beheerliggaam wysig

Krieket Namibië (Engels: Cricket Namibia, CN) is in 1989 gestig en verantwoordelik vir die reëling van krieket in Namibië.[15] In 1992 het hulle as ’n assossiaatlid by die Internasionale Krieketraad (IKR) aangesluit.[7][16] Daarbenewens was die Namibiese beheerliggaam in 1997 ’n stigtingslid van die Afrikakrieketvereniging (Africa Cricket Association, “ACA”).[17]

Krieket Namibië bestuur al die Namibië-verteenwoordigende nasionale spanne, insluitende die mans, vroue en jeug. Hulle is ook verantwoordelik vir die bestuur en organisasie van EDI- en T20I-reekse teen ander spanne, en die reëling van internasionale wedstryde tuis. Daarbenewens is CN verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Namibiese span.

Kinders en jongmense word reeds op skool aan krieket bekend gestel en na gelang van hul belangstelling en talent begin hul met hul afrigting.[18] Nes ander krieketlande beskik Namibië oor ’n o/19-nasionale span wat aan die o/19-krieketwêreldbeker deelneem.[19]

Geskiedenis wysig

Voor onafhanklikheid (1909–1989) wysig

Die eerste bekende krieketwedstryd is in 1909 in Windhoek gespeel, toe Namibië ’n Duitse kolonie was.[16] Met die Suid-Afrikaanse magsoorname tydens die Suidwes-Afrika-veldtog in die Eerste Wêreldoorlog het dié sport in die huidige Namibië begin versprei. Die eerste amptelike krieketwedstryd is in 1915 tussen Suid-Afrikaanse soldate en ’n plaaslike span uit Otjiwarongo gespeel.[20] Met die Suid-Afrikaanse besetting van Namibië (aanvanklik as ’n Volkebondmandaat) het krieket in ’n professionele sport begin ontwikkel. Teen 1930 is die Suidwes-Afrikaanse Krieketunie (Engels: South West Africa Cricket Union, SWACU) gestig en het wedstryde begin reël. In 1958 is die eerste internasionale wedstryde teen Suid-Afrika gespeel. Van 1961/62 af het Suidwes-Afrika aan die Suid-Afrikaanse toernooie deelgeneem.[21] Tussen 1962 en 1989 het hulle 130 wedstryde teen die Suid-Afrikaanse provinsies gespeel, van wie Suidwes-Afrika 31 gewen het.

Ná Suid-Afrika se Republiekwording in 1961 het dit die destydse Suidwes-Afrika as ’n integrale deel van sy staatsgebied begin beskou. Vervolgens het die Verenigde Nasies Suid-Afrika van sy mandaat ontneem, wat die regering egter geïgnoreer het. Met die de facto-anneksasie is die rassistiese apartheidswette, waarvolgens die Suid-Afrikaanse bevolkingsgroepe in “blanke” en “nieblanke” (onder die wetgewing gedefinieer as “swart”, “bruin” of “Indiërs”) geskei is, ook in Suidwes-Afrika geïmplementeer. Daardeur is “nieblankes” van amper alle sport uitgesluit.[22] ’n Jaar vroeër het die Volksbevrydingsleër van Namibië (PLAN), ’n gewapende tak van die SWAPO, die Namibiese Onafhanklikheidsoorlog begin. Suidwes-Afrikaanse rebelle het die boikot van die Apartheidsregime verwelkom en protesbewegings in ander lande ondersteun. Die ondertekening van die Gleneagles-ooreenkoms deur 33 lidlande van die Britse Statebond op 15 Junie 1977 het Suid-Afrika se sportiewe isolasie verder verskerp. As gevolg van die ooreenkoms is die land ten einde van stappe teen die apartheidspolitiek stelselmatig van die Britse Statebond se sportwêreld geïsoleer. In die ooreenkoms is ook voorsiening gemaak vir sanksies teen lidlande wat die ooreenkoms sou oortree, en instellings wat bewysbaar die Suid-Afrikaanse rasseskeiding ondersteun het, is uit alle internasionale sport uitgesluit.[23][24] Aangesien Namibië destyds as ’t ware as vyfde Suid-Afrikaanse provinsie bestuur is, is die plaaslike krieket ook geraak. In Januarie 1989 het Suidwes-Afrika sy laaste seisoen binne die Suid-Afrikaanse krieket gespeel. In April het die PLAN sy laaste gewapende opstand geloods en die Suidwes-Afrikaanse Krieketunie het sy bande met die Suid-Afrikaanse Krieketraad (Engels: South African Cricket Board, SACB) verbreek.

In 1989 is die Namibiese Krieketraad amptelik gestig.[25] In November 1989 het ’n Namibiese span in Botswana sy eerste internasionale wedstryde gespeel,[26] hoewel die beheerliggaam eers in 1992 by die Internasionale Krieketraad (IKR) aangesluit het.[7][16]

Ná onafhanklikheid (1990–1999) wysig

Op die Namibiese Onafhanklikheidsdag, 21 Maart 1990, en die daaropvolgende dae het Gloucestershire teen die eerste saamgestelde Namibiese nasionale krieketspan gespeel, en die gasheer het al die drie wedstryde gewen.[27] Namibië het ook die daaropvolgende wedstryde teen Nederland in April gewen.[28] Voor die stigting van die vastelandse beheerliggaam, die Afrikakrieketvereniging (AKV), is ná twee skooltoere tussen Namibië en Botswana in 1989 en 1990 die SCSA Zone VI Cricket Federation gestig. In September 1991 is in in Windhoek die eerste AKV-toernooi aangebied, waaraan die gasheer, Botswana, Lesotho, Malawi, Zambië en die Universiteit van Oxford se krieketspan deelgeneem het.[29]

Die nasionale span kon nie vir die Krieketwêreldbeker 1992 kwalifiseer nie, aangesien hulle net voor die IKR-trofee 1990 onafhanklikheid verkry het. In 1994 het Namibië sy eerste deur die IKR erkende wedstryde tydens internasionale toernooie gespeel. Tydens sy eerste deelname aan ’n toernooi, die IKR-trofee 1994 in Kenia, het Namibië met die Philip Snow Plate sy eerste trofee gewen. Met hul derde plek in hul groep het hulle egter die Krieketwêreldbeker 1996 misgeloop. Drie jaar later het die IKR-trofee 1997 in Maleisië vir die Namibiese span teleurstellend verloop, waarvolgens hulle die Krieketwêreldbeker 1999 misgeloop het.

Eerste deelname aan ’n krieketwêreldbekertoernooi (2003) wysig

Namibië se pad na die Krieketwêreldbeker 2003 in Suid-Afrika het met die IKR-trofee 2001 in Kanada begin. Namibië het die eindstryd in Toronto gehaal, maar hulle het teen Nederland verloor; dit was egter genoeg om vir hul eerste krieketwêreldbekertoernooi te kwalifiseer.[30] Namibië het in April 2002 die IKR Sesnasies-uitdaging aangebied en in die vierde plek geëindig.[31] In September het die Afrikabeker vir Namibië teleurstellend verloop, nadat hulle in hul groep net Tanzanië geklop en in die vierde plek geëindig het,[32] enkele weke later het hulle vier wedstryde teen ’n tweede Zimbabwiese span verloor.[33] Tydens die toer na Kenia direk op die Zimbabwiese toer het hulle beter gevaar, toe Namibië Kenia in ’n EDI-reeks van vier wedstryde verslaan het.[34] Aansluitend het Namibië deelgeneem aan die Suid-Afrikaanse plaaslike EDI-krieket se hoogste vlak, die Standard Bank-beker, maar al sy vyf wedstryde verloor.[35] In Januarie 2003 het Namibië die reeks van vyf EDIs teen Bangladesj met 1–4 verloor.[36]

In sy eerste wedstryd tydens die Krieketwêreldbeker op 10 Februarie 2003 in Harare is Namibië deur Zimbabwe met 86 lopies verslaan; dit was die eerste EDI-wedstryd vir Namibië.[37] Namibië is ook in sy wedstryde, wat in Suid-Afrika aangebied is, deur Pakistan (met 171 lopies)[38] en deur Engeland (met 55 lopies) verslaan. Namibië kon in dié wedstryd egter goed tred hou, danksy Jan-Berrie Burger wat vir sy beurt van 85 lopies as “speler van die wedstryd” benoem is en aan Namibië amper ’n verrassende oorwinning besorg het.[39] Daarna is hulle deur Indië (met 181 lopies)[40] en die latere wêreldkampioen Australië (met 256 lopies) geklop,[41] destyds die hoogste EDI-telling, wat later tydens die Krieketwêreldbeker 2007 deur Indië met 257 lopies teen Bermuda oortref is.[42] Die toernooi is afgesluit met ’n nederlaag van 64 lopies teen die medekwalifiseerders Nederland.[43] In die wedstryd teen Engeland het Rudie van Vuuren die eerste Namibiese krieketspeler geword, wat vyf paaltjies in ’n EDI-wedstryd geneem het.[44] Toe hy met die Namibiese nasionale rugbyspan ook aan die Rugbywêreldbeker 2003 in Australië deelgeneem het, het hy die eerste sportlui geword wat in dieselfde jaar in twee verskillende sportkodes aan wêreldbekertoernooie deelgeneem het.[45] Ná die Krieketwêreldbeker het die belangstelling aan krieket in Namibië egter aansienlik afgeneem en dit is vir die daaropvolgende 18 jaar as ’n “sterwende sport” beskou.[46]

Ná die Krieketwêreldbeker (2003–2005) wysig

In Augustus 2003 het Namibië die EDI-reeks teen die tweede Zimbabwiese span met 2–1 gewen, maar hulle het albei driedaagse wedstryde verloor.[47] Tydens die teenbesoek in die daaropvolgende Januarie het Namibië die EDI-reeks van vyf wedstryde met 4–1 gewen; hulle het ook ’n wedstryd teen ’n Zimbabwiese o/19-span gewen.[48] In Februarie het Bangladesj die EDI-reeks van drie wedstryde in Namibië beklink, terwyl die driedaagse wedstryd onbeslis geëindig het.[49] Daarna het Namibië aan die IKR Sesnasies-uitdaging 2004 in die Verenigde Arabiese Emirate deelgeneem. Namibië het volgens lopietempo in die derde plek geëindig, nadat hulle Kanada, Nederland en die Verenigde Arabiese Emirate verslaan, maar teen Skotland en die Verenigde State verloor het.[50] Tydens die Internasionale Beker 2004 het Namibië in twee wedstryde teen Kenia en Uganda gespeel, maar hulle het albei verloor.[51] Tussen dié twee wedstryde het die Namibiërs ’n Afrikanasiestoernooi in Zambië gewen.[52] In dieselfde jaar het hulle aan die Zimbabwiese nasionale EDI-toernooi deelgeneem en as naaswenner geëindig.[53] Tydens hul besoek aan Zimbabwe het hulle ook twee wedstryde teen die nasionale span gewen.[54] Daarop het die Engelse besoek aan Namibië vir twee wedstryde gevolg en die besoekers het albei wedstryde gewen.[55]

Aan die begin van 2005 het die tweede Zimbabwiese span albei EDI-wedstryde teen Namibië verloor.[56] In April het die tweede Pakistanse span al die drie EDI-wedstryde teen Namibië gewen, voordat die driedaagse wedstryd onbeslis geëindig het.[57] Daarop het twee tuiswedstryde tydens die Interkontinentale Beker 2005 gevolg. Hoewel hulle, ná ’n oorwinning teen Uganda en ’n onbesliste wedstryd teen Kenia, in die groepfase onoorwonne gebly het, het hulle nie die halfeindstryd gehaal nie.[58] Vervolgens het Namibië aan die IKR-trofee 2005 in Ierland deelgeneem. Nadat die span Denemarke in die uitspeelwedstryd geklop het, het Namibië dié toernooi in die sewende plek afgesluit.[59] Terug in Namibië het hulle einde Julie Nieu-Seeland gehuisves, maar hulle het albei wedstryde verloor,[60] waarvan een wedstryd met net 29 lopies, nadat hulle ’n telling van 330/6 afgestaan het.[61] In Oktober dieselfde jaar het die Namibiërs die Interkontinentale Bekerhalfeindstryd aangebied, hoewel hulle nie gekwalifiseer het nie. Tydens die aanbieding van die eindstryd het hulle ná hul uitskakeling twee EDI-wedstryde in Bermuda gespeel en albei wedstryde gewen. Dié reeks is egter deur omstrede voorvalle oorskadu, nadat die Bermudaanse span Namibië van rassistiese beledigings beskuldig en tydens die tweede wedstryd die veld verlaat het, nadat ’n stormloop aan uitsmyters teen die Bermudaanse laerordekolwers ontketen is.[62] Die Namibiese Krieketraad het die rassisme-aantygings ontken.[63]

Verdere ontwikkeling (2006–2017) wysig

In Maart 2006 het Namibië Nepal gehuisves vir ’n uitdagingswedstryd om die agste en laaste kol in die Internasionale Beker 2006 se groepfase. Dié wedstryd het onbeslis geëindig, maar Namibië het nogtans vir die hooftoernooi gekwalifiseer, nadat hulle ’n voorsprong in die eerste beurt aangeteken het. In die groepfase in Mei het hulle die span teen Skotland in Aberdeen ’n beurtnederlaag gely, voordat hulle in Dublin deur Ierland met vyf paaltjies verslaan is.[64] Gedurende die Suid-Afrikaanse krieketseisoen 2006/07 het Namibië aan beide eersterangse en A-lys-krieket se tweede vlak, die Suid-Afrikaanse Lugdiens-uitdaging, deelgeneem. Namibië het in die driedaagse toernooigroep in die tweede plek[65] en in die EDI-toernooigroep in die derde plek geëindig, waarvolgens hulle die halfeindstryd met net een oorwinning te min misgeloop het.[66] Tussen hul wedstryde in dié toernooie het hulle in hul derde en laaste 2006-Interkontinentale Bekerwedstryd teen die Verenigde Arabiese Emirate gespeel en met ’n beurt gewen.[64] Op 1 April 2007 het hulle by die IKR se Hoëprestasieprogram aangesluit.[8] Namibië het nie vir die Krieketwêreldbeker 2007 gekwalifiseer nie.

In November en Desember 2007 het Namibië die Wêreldkrieketliga se afdeling twee gehuisves, waartydens hulle teen Argentinië, Denemarke, Oman, die Verenigde Arabiese Emirate en Uganda te staan gekom het. Hoewel Namibië drie van sy vyf groepwedstryde gewen het, het hulle nie die eindstryd gehaal nie. Namibië het eindelik Denemarke in die klein finale om die derde plek verslaan.[67] As een van die vier beste spanne tydens dié toernooi het Namibië tot die wêreldbekerkwalifisering 2009 gevorder, die laaste kwalifiseringstoernooi vir die Krieketwêreldbeker 2011, maar hulle het nie vir die hooftoernooi gekwalifiseer nie. Tussen Oktober 2007 en Februarie 2008 het Namibië weer aan die Suid-Afrikaanse plaaslike EDI-krieket se tweede vlak deelgeneem.[68] Namibië het in Oktober 2007 tydens die Interkontinentale Beker 2007/08 in ’n wedstryd teen Kanada gespeel; die oorblywende wedstryde teen Bermuda, Ierland, Kenia, Nederland, Skotland en die Verenigde Arabiese Emirate het in 2008 plaasgevind.[69]

Namibië het die Interkontinentale Skild 2009/10 gewen, nadat hulle die Verenigde Arabiese Emirate in Doebai met ses paaltjies verslaan het.[70] In 2011 het Namibië aan die Wêreldkrieketliga se afdeling twee deelgeneem en na die Verenigde Arabiese Emirate as naaswenner geëindig.[71] In Julie 2011 het Namibië aan die T20I-Wêreldkrieketliga se Afrika-afdeling een in Uganda deelgeneem en al sy agt groepwedstryde gewen, voordat hulle in die eindstryd deur die gasheer met ses paaltjies verslaan is.[72] Tydens dié toernooi het die veelsydige Louis van der Westhuizen 16 grenshoue in ’n onoorwonne beurt van 159 lopies geslaan; Namibië het eindelik ’n spantotaal van 262/1 teen Kenia aangeteken. Tydens die Krieketwêreldbekerkwalifisering 2014 het Namibië nie vir die Krieketwêreldbeker 2015 gekwalifiseer nie.[73] In Januarie 2015 het die Namibiërs die Wêreldkrieketliga se afdeling twee aangebied en die eindstryd gehaal, waar hulle deur Nederland met agt paaltjies geklop is.[74] Vervolgens het hulle die Wêreldkrieketligakampioenskap 2015/17 gehaal, waar hulle in die laaste plek geëindig het en na afdeling twee afgegradeer is.

“Goue generasie” (sedert 2017) wysig

 
Die veelsydige David Wiese het van 2013 tot 2016 vir Suid-Afrika gespeel en sedert 2021 vir Namibië. Tydens die T20I-wêreldbeker 2021 het hy sy span na die Super Twaalf geneem[75]

In Desember 2017 het Namibië vir die eerste keer die Suid-Afrikaanse provinsiale EDI-uitdaging se eindstryd gehaal.[76] In Februarie 2018 het Namibië die Wêreldkrieketliga se tweede afdeling aangebied, waaraan ook Kenia, die Verenigde Arabiese Emirate, Nepal, Kanada en Oman deelgeneem het.[76] Namibië het die klein finale om die derde plek gehaal, waar hulle deur Kanada verslaan is en sodoende die Krieketwêreldbeker 2019 misgeloop het.[77] Tydens die Wêreldkrieketliga se afdeling twee in 2019 het die Namibiese krieketspan vir die T20I-wêreldbeker 2021 en die Wêreldkrieketliga 2 2019–2023, die Krieketwêreldbeker 2023 se voorkwalifisering gekwalifiseer, waarmee hulle EDI-status ontvang het.[78] Nadat hulle EDI-status ontvang het, het die Namibiese nasionale krieketspan tydens die IKR se “jaarlikse ontwikkelingstoekennings” in Julie 2020 die “medelid se prestasie van die jaar”-toekenning vir opkomende krieketlande ontvang.[79] Met hul herwinning van EDI-status en daarmee gepaardgaande suksesse het die Namibiërs weer in krieket begin belangstel.[46] Namibië word intussen as die tweede beste Afrikaspan na Suid-Afrika en nog voor die toetsland Zimbabwe beskou.[10]

Tydens die T20I-wêreldbeker 2021 in Oman en die Verenigde Arabiese Emirate het Namibië vir die eerste keer aan dié toernooi deelgeneem. In hul openingswedstryd het hulle Nederland verslaan en aansluitend ’n verrassende oorwinning teen die volle lid Ierland aangeteken, waarmee hulle die tweede rondte, die Super Twaalf, gehaal het.[80] Dit was Namibië se eerste oorwinnings tydens ’n wêreldbeker en hul oorwinning teen Ierland was hul eerste teen ’n toetsland.[81] In die Super Twaalf het die span net daarin geslaag om Skotland te klop (hul eerste oorwinning in die tweede rondte van ’n wêreldbeker), terwyl hulle in al die ander vier wedstryde deur Afghanistan, Pakistan, Nieu-Seeland en Indië geklop en sodoende uit dié toernooi geskakel is.[82] Hul troosprys was hul regstreekse kwalifisering vir die T20I-wêreldbeker 2022 in Australië.[14] In November 2021 is Namibië saam met Suid-Afrika en Zimbabwe as medegasheer vir die Krieketwêreldbeker 2027 benoem. Tydens dié toernooi sal vir die eerste keer krieketwêreldbekerwedstryde in Namibië aangebied word.[83]

In Mei 2022 het hulle ná ’n oorwinning teen Zimbabwe vir die eerste keer ’n T20I-reeks teen ’n volle lid van die IKR beklink.[84] In Junie 2022 het die Namibiese keurspan ’n nieamptelike EDI-reeks teen Hongkong met 3–0 gewen. Tydens dié reeks het Lo-handre Louwrens in die derde wedstryd ’n honderdtal aangeteken.[85] Tydens die T20I-wêreldbeker 2022 se eerste rondte het die Namibiërs in die openingswedstryd daarin geslaag om Sri Lanka met 55 lopies te verslaan, toe hulle dié opponent op 108 lopies uitgeboul het.[86] Daarna is hulle egter deur Nederland en die Verenigde Arabiese Emirate geklop, waarmee hulle uit dié toernooi geskakel is.[87]

Die Wêreldkrieketliga 2 2019–2023 het Namibië in die vierde plek afgesluit en die Krieketwêreldbeker-uitspeelrondte 2023 gehaal. Dit is in Namibië beslis en die gasheer het dié toernooi in die derde plek onder ses deelnemers beëindig, waarmee hulle die Krieketwêreldbekerkwalifisering 2023 vir die Krieketwêreldbeker 2023 misgeloop het. As ’n troosprys het hulle die Wêreldkrieketliga 2 2023–2027 vir die Krieketwêreldbeker 2027 gehaal.[88] Tydens die uitspeelrondte het Namibië op 29 Maart 2023 teen Papoea-Nieu-Guinee met 381/8 die meeste EDI-lopies deur ’n assosiaatlid nog aangeteken.[89] Die Afrikakwalifisering vir die T20I-wêreldbeker 2024 het die Namibiërs onoorwonne afgesluit, nadat hulle onder andere die volle lid Zimbabwe geklop het. Daarmee het hulle vir hul derde agtereenvolgende T20I-wêreldbekertoernooi gekwalifiseer.[90]

Kleure, kenteken en bynaam wysig

 
Kenteken van Krieket Namibië

In EDI- en T20I-krieket dra Namibiese spelers helderblou truie met donkerblou moue en ’n rooi V-halslyn en donkerblou broeke. Veldwerkers dra ’n donkerblou bofbalpet met rooi kleuraksente of ’n donkerblou sonhoed. Die kolwers se helms is op ’n soortgelyke manier geverf. Gedurende IKR-toernooie verskyn die borg se embleem op die regtermou en die belettering NAMIBIA verskyn in die middel van die trui.

Krieket Namibië se kenteken toon ’n rooi krieketbal voor twee geboë blou lyne, terwyl die Namibiese nasionale krieketspan se kenteken ’n in blou gestiliseerde visarend met die belettering NAMIBIA daarbo toon. Die Namibiese nasionale krieketspan se bynaam is “die Arende”, ontleen aan die Namibiese wapendier, die visarend.[6] Sedert 2022 is Richelieu, ’n brandewynhandelsmerk van die Suid-Afrikaanse drankmaatskappy Distell die span se naamborg, waarvolgens die span die amptelike naam Richelieu Eagles (“Richelieu Arende”) dra.[91]

Tuisstadions wysig

Ligging van Namibiese krieketstadions

Die Namibiese nasionale span het tot dusver vier stadions vir tuiswedstryde gebruik. Die Wanderers-krieketveld naby Wanderers in Windhoek word as tuisstadion beskou en het die meeste wedstryde gehuisves.

No. Stadion Plek Eerste wedstryd
1 Wanderers-krieketveld Windhoek 1990
2 Sentrum vir Krieketontwikkelingsveld Windhoek 2001
3 Affiespark Windhoek 2014
4 Sparta-krieketklubveld Walvisbaai 5 Januarie 2019
5 United Ground Windhoek 19 Augustus 2019

Krieketwêreldbekerstadions wysig

Saam met Suid-Afrika en Zimbabwe sal Namibië die Krieketwêreldbeker 2027 aanbied.[83] Vir dié toernooi is die oprigting van ’n nuwe nasionale stadion beplan.[92]

Spelers wysig

Spelerstatistieke wysig

Altesaam het vir Namibië 39 spelers EDI- en 24 spelers T20I-krieket gespeel. Vervolgens die spelers wat vir die Namibiese span die meeste lopies aangeteken en die meeste paaltjies geneem het.

Lopies wysig

EDI T20I
Speler Tydperk EDIs Lopies Speler Tydperk T20Is Lopies
Gerhard Erasmus 2019–hede 40 1 593 Gerhard Erasmus 2019–hede 52 1 194
Michael van Lingen 2021–hede 28 0873 Craig Williams 2019–2022 35 0805
Jan Nicol Loftie-Eaton 2021–hede 32 0718 Nikolaas Davin 2019–hede 27 0779
Zane Green 2019–hede 33 0662 JJ Smit 2019–hede 43 0738
JJ Smit 2019–2022 29 0651 Stephan Baard 2019–2022 28 714
Korrek teen: 1 Desember 2023[93] Korrek teen: 1 Desember 2023[94]

Paaltjies wysig

EDI T20I
Speler Tydperk EDIs Paaltjies Speler Tydperk T20Is Paaltjies
Ruben Trumpelmann 2021–hede 34 60 Jan Frylinck 2019–hede 48 60
Bernard Scholtz 2019–hede 41 56 Bernard Scholtz 2019–hede 49 54
Tangeni Lungameni 2019–hede 22 37 JJ Smit 2019–hede 43 46
JJ Smit 2019–2022 29 35 Gerhard Erasmus 2019–hede 52 35
Jan Frylinck 2019–hede 28 34 David Wiese 2021–hede 25 25
Korrek teen: 1 Desember 2023[95] Korrek teen: 1 Desember 2023[96]

Spankapteins wysig

Tot op hede was drie spelers reeds die kaptein vir Namibië tydens ’n EDI en twee tydens ’n T20I.[97]

EDI[98] T20I[99]
No. Naam Tydperk Naam Tydperk
1 Deon Kotzé 2003 Stephan Baard 2019
2 Gerhard Erasmus 2019–hede Gerhard Erasmus 2019–hede
3 JJ Smit 2021

Rekords wysig

EDI-rekord teen ander lande wysig

Teenstander Wedstryde Gewen Verloor Gelykop Onbeslis % Gewen Eerste oorwinning
t. Toetslande
  Australië 1 0 1 0 0 0,00
  Engeland 1 0 1 0 0 0,00
  Indië 1 0 1 0 0 0,00
  Pakistan 1 0 1 0 0 0,00
  Zimbabwe 1 0 1 0 0 0,00
t. Assosiaatlede
  Jersey 1 1 0 0 0 100 30 Maart 2023
  Kanada 1 1 0 0 0 100 4 April 2023
  Nederland 1 0 1 0 0 0,00
  Nepal 6 3 2 0 1 50,00 11 Julie 2022
  Oman 7 5 2 0 0 71,42 27 April 2019
  Papoea-Nieu-Guinee 7 7 0 0 0 100,00 22 September 2019
  Skotland 6 1 5 0 0 16,67 5 Desember 2022
  Verenigde Arabiese Emirate 7 1 6 0 0 14,28 25 Februarie 2023
  Verenigde State 7 4 3 0 0 57,14 20 September 2019
Algeheel 48 23 24 0 1 47,91 27 April 2019
Rekords volledig tot en met EDI #4705 op 19 November 2023. Laaste keer hersien op 1 Desember 2023. Wenpersentasies sluit geen uitslae uit en tel gelykop as ’n halwe oorwinning.[100]

Wêreldbekerrekord wysig

Jaar Uitslag
1975 Nie in aanmerking nie – nie ’n IKR-lid nie
1979 Nie in aanmerking nie – nie ’n IKR-lid nie
1983 Nie in aanmerking nie – nie ’n IKR-lid nie
1987 Nie in aanmerking nie – nie ’n IKR-lid nie
1992 Nie in aanmerking nie – nie ’n IKR-lid nie
1996 Nie gekwalifiseer nie
1999 Nie gekwalifiseer nie
2003 Groepfase: 14/14
2007 Nie gekwalifiseer nie
2011 Nie gekwalifiseer nie
2015 Nie gekwalifiseer nie
2019 Nie gekwalifiseer nie
2023 Nie gekwalifiseer nie
2027 N.v.t.
2031 N.v.t.

Kampioenetrofeerekord wysig

Jaar Uitslag
1998 Nie gekwalifiseer nie
2000 Nie gekwalifiseer nie
2002 Nie gekwalifiseer nie
2004 Nie gekwalifiseer nie
2006 Nie gekwalifiseer nie
2009 Nie gekwalifiseer nie
2013 Nie gekwalifiseer nie
2017 Nie gekwalifiseer nie
2025 Nie gekwalifiseer nie
2029 N.v.t.

T20I-rekord teen ander lande wysig

Teenstander Wedstryde Gewen Verloor Gelykop Onbeslis % Gewen Eerste T20I-oorwinning
t. Toetslande
  Afghanistan 1 0 1 0 0 0,00
  Ierland 2 1 1 0 0 50,00 22 Oktober 2021
  Indië 1 0 1 0 0 0,00
  Nieu-Seeland 1 0 1 0 0 0,00
  Pakistan 1 0 1 0 0 0,00
  Sri Lanka 2 1 1 0 0 50,00 16 Oktober 2022
  Zimbabwe 11 7 4 0 0 63,63 19 Mei 2022
t. Assosiaatlede
  Bermuda 1 1 0 0 0 100,00 23 Oktober 2019
  Botswana 5 5 0 0 0 100,00 22 Mei 2019
  Ghana 1 1 0 0 0 100,00 20 Mei 2019
  Kenia 2 2 0 0 0 100,00 25 Oktober 2019
  Nederland 3 1 2 0 0 33,33 20 Oktober 2021
  Nigerië 1 1 0 0 0 100,00 30 November 2023
  Oman 1 1 0 0 0 100,00 29 Oktober 2019
  Papoea-Nieu-Guinee 3 1 2 0 0 33,33 10 Oktober 2021
  Rwanda 1 1 0 0 0 100,00 25 November 2023
  Singapoer 1 1 0 0 0 100,00 20 Mei 2019
  Skotland 3 3 0 0 0 100,00 27 Oktober 2021
  Tanzanië 1 1 0 0 0 100,00 28 November 2023
  Uganda 8 7 1 0 0 87,50 21 Mei 2019
  Verenigde Arabiese Emirate 2 1 1 0 0 50,00 5 Oktober 2021
Algeheel 52 36 16 0 0 69,23 20 Mei 2019
Rekords volledig tot en met T20I #2378 op 30 November 2023. Gelykop verwys na wedstryde wat deur ’n valbyl (soos ’n Superboulbeurt) beslis is. Wenpersentasies sluit geen uitslae uit en gelykop as ’n halwe oorwinning (ongeag die valbyl).[101]

T20I-wêreldbekerrekord wysig

Jaar Uitslag
2007 Nie gekwalifiseer nie
2009 Nie gekwalifiseer nie
2010 Nie gekwalifiseer nie
2012 Nie gekwalifiseer nie
2014 Nie gekwalifiseer nie
2016 Nie gekwalifiseer nie
2021 Super Twaalf
2022 Eerste rondte
2024 gekwalifiseer
2026 N.v.t.
2028 N.v.t.
2030 N.v.t.

Jeug wysig

Die Namibiese o/19-nasionale krieketspan is van die suksesvolstes op die vasteland van Afrika. Hulle het onder andere aan die o/19-krieketwêreldbeker 2006 deelgeneem en die ICC Africa U19 CWCQ in September 2010 in Windhoek gewen. Hulle het vir die o/19-krieketwêreldbeker 2012 gekwalifiseer en tydens die 2016-toernooi die kwarteindrondte gehaal, nadat hulle onder andere die verdedigende wêreldkampioen Suid-Afrika geklop het. Hulle het dié toernooi in die sewende plek afgesluit.

Namibië is medegasheer van die o/19-krieketwêreldbeker 2026.

Toekennings wysig

Die nasionale span het talle toekennings deur die Internasionale Krieketraad ontvang, onder andere:

2009
PEPSI-ICC Africa Development Regional Award
  • Best Spirit of Cricket Initiative
  • Best Overall Cricket Development Programme
2010
PEPSI-ICC Africa Development Regional Award
  • Best Spirit of Cricket Initiative
  • Best Overall Cricket Development Programme
  • Best Overall Cricket Promotion & Marketing Award
2020
ICC’s Annual Development Awards
  • ICC Associate Member Men’s Performance of the Year Award
2021
  • ICC Development Initiative of the Year
  • ICC Associate Member Men’s Performance of the Year Award

Rekords wysig

Op 13 Julie 2011 het die Namibiese nasionale Krieketspan teen die Keniaanse nasionale krieketspan talle nieamptelike T20I-wêreldrekords opgestel,[102] waaronder met 262 lopies die meeste vir ’n paaltjie. Louis van der Westhuizen het met 159 lopies die hoogste individuelle telling aangeteken en met 16 grenshoue die meeste in ’n beurt gemoker, maar ook saam met Sarel Burger met 168 onoorwonne lopies die hoogste gesamentlike telling om die tweede paaltjie.[103] Hoewel dié wedstryd tydens ’n amptelike toernooi aangebied is (ICC Africa Region Division One Twenty20), is dié rekords nieamptelik, aangesien dit nie oor amptelike T20I-status beskik het nie.[104]

Sien ook wysig

Verwysings wysig

  1. (en) "ICC Rankings". Internasionale Krieketraad.
  2. (en) "ODI matches – Team records". ESPNcricinfo.
  3. (en) "ODI matches – 2024 Team records". ESPNcricinfo.
  4. (en) "T20I matches – Team records". ESPNcricinfo.
  5. (en) "T20I matches – 2024 Team records". ESPNcricinfo.
  6. 6,0 6,1 (en) "ICC T20 World Cup Africa Final – Unique Trophy Shoot Leaves Captains In Awe". Ugandese Krieketvereniging. Geargiveer vanaf die oorspronklike op 16 Julie 2019. Besoek op 16 Julie 2019.
  7. 7,0 7,1 7,2 (en) "Namibia". Cricket Archive. Geargiveer vanaf die oorspronklike op 30 April 2019. Besoek op 30 April 2019.
  8. 8,0 8,1 (en) "Denmark added to ICC High Performance Program". ICC Europe Media Release. Krieket Europa. 20 Desember 2006. Geargiveer vanaf die oorspronklike op 27 September 2007. Besoek op 27 September 2007.
  9. (en) "Australia rout India to retain World Cup". ESPNcricinfo. Besoek op 8 Februarie 2024.
  10. 10,0 10,1 (en) "England's gold, Australia's fall, Pakistan's homecoming". ESPNcricinfo. 27 Desember 2019. Besoek op 8 Februarie 2024.
  11. (en) "All T20 matches between ICC members to get international status". Internasionale Krieketraad. 26 April 2018. Besoek op 8 Februarie 2024.
  12. (en) "Men's ODI Team Rankings". Internasionale Krieketraad. 22 November 2023. Besoek op 8 Februarie 2024.
  13. (en) "Men's T20I Team Rankings". Internasionale Krieketraad. 3 November 2023. Besoek op 8 Februarie 2024.
  14. 14,0 14,1 (en) Firdose Moonda (22 Oktober 2021). "Namibia live out their desert dream". ESPNcricinfo. Besoek op 8 Februarie 2024.
  15. (en) "About Us". Krieket Namibië. Besoek op 8 Februarie 2024.
  16. 16,0 16,1 16,2 (en) "Cricket Namibia". Internasionale Krieketraad. Besoek op 8 Februarie 2024.
  17. (en) "Members". Afrikakrieketvereniging. Besoek op 8 Februarie 2024.
  18. (en) "Committee, Trials & Info". Krieket Namibië. Besoek op 8 Februarie 2024.
  19. (en) Martin Williamson (11 Januarie 2006). "The Under-19 World Cup". ESPNcricinfo. Besoek op 8 Februarie 2024.
  20. (en) Koos Van Zyl (2002). Namibian Cricket: A Tale of Guts and Glory. Gamsberg Macmillan. ISBN 978-99916-0-416-9.
  21. (en) "Miscellaneous Matches played by South West Africa". Cricket Archive. Geargiveer vanaf die oorspronklike op 18 Januarie 2022. Besoek op 18 Januarie 2022.
  22. (en) Abdul Minty (April 1971). "International Boycott of Apartheid Sport". United Nations Unit on Apartheid.
  23. (en) "From Montreal to Gleneagles". New Zealand History. Minister van Kultuur en Erfenis. 11 April 2014. Besoek op 8 Februarie 2024.
  24. (en) SAIRV: A Survey of Race Relations in South Africa 1977. Johannesburg 1978, bl. 563–564.
  25. (en) "History of Cricket Namibia". Krieket Namibië. Geargiveer vanaf die oorspronklike op 14 November 2012. Besoek op 14 November 2012.
  26. (en) "The Namibian ― archives" (PDF). The Namibian. 14 Junie 2021. Besoek op 8 Februarie 2024.
  27. (en) "Gloucestershire in Namibia 1989/90". Cricket Archive. Geargiveer vanaf die oorspronklike op 3 Oktober 2015. Besoek op 3 Oktober 2015.
  28. (en) "Netherlands in Namibia 1989/90". Cricket Archive. Geargiveer vanaf die oorspronklike op 14 Oktober 2013. Besoek op 14 Oktober 2013.
  29. (en) "History of African cricket association". ESPNcricinfo. Geargiveer vanaf die oorspronklike op 14 Junie 2021. Besoek op 14 Junie 2021.
  30. (en) "Scorecard of 2001 ICC Trophy Final". Cricket Archive. 15 Julie 2001. Geargiveer vanaf die oorspronklike op 1 Desember 2016. Besoek op 1 Desember 2016.
  31. (en) "2002 ICC 6 Nations Challenge Points Table". Cricket Archive. Geargiveer vanaf die oorspronklike op 3 Maart 2016. Besoek op 3 Maart 2016.
  32. (en) "2002 Africa Cup". Krieket Europa. Geargiveer vanaf die oorspronklike op 12 Junie 2012. Besoek op 12 Junie 2012.
  33. (en) "Namibia in Zimbabwe 2002/03". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  34. (en) "Namibia in Kenya 2002/03". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  35. (en) "Standard Bank Cup 2002/03 Points Table". Cricket Archive. Geargiveer vanaf die oorspronklike op 4 Maart 2016. Besoek op 4 Maart 2016.
  36. (en) "Bangladesh in Namibia 2002/03". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  37. (en) John Ward (10 Februarie 2003). "Zimbabwe beat Namibia and the weather". ESPNcricinfo. Besoek op 8 Februarie 2024.
  38. (en) Agha Akbar (16 Februarie 2003). "Akram, Akhtar decimate Namibia in trial by fire". ESPNcricinfo. Besoek op 8 Februarie 2024.
  39. (en) Stephen Lamb (19 Februarie 2003). "England still in contention after 55-run win". ESPNcricinfo. Besoek op 8 Februarie 2024.
  40. (en) Anand Vasu (23 Februarie 2003). "Well-oiled Indian machine steamrolls Namibia". ESPNcricinfo. Besoek op 8 Februarie 2024.
  41. (en) Keith Lane (27 Februarie 2003). "Records fall as Australia break the Namibian dream". ESPNcricinfo. Besoek op 8 Februarie 2024.
  42. (en) "ODIs – Highest winning margins". ESPNcricinfo. Besoek op 8 Februarie 2024.
  43. (en) Ralph Dellor (3 Maart 2003). "Dutch prove to be too strong for brave Namibia". ESPNcricinfo. Besoek op 8 Februarie 2024.
  44. (en) "Records / Namibia / One-Day Internationals / Best bowling figures in an innings". ESPNcricinfo. Besoek op 8 Februarie 2024.
  45. (en) Alex Gibbons (9 Januarie 2005). "The ten greatest sporting all-rounders". The Guardian. Besoek op 8 Februarie 2024.
  46. 46,0 46,1 (en) Deivarayan Muthu (30 Oktober 2021). "Albie Morkel: 'Cricket was a dying sport in Namibia, but people have started watching again'". ESPNcricinfo. Besoek op 8 Februarie 2024.
  47. (en) "Zimbabwe A in Namibia 2003/04". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  48. (en) "Namibia in Zimbabwe 2003/04". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  49. (en) "Bangladesh in Namibia 2003/04". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  50. (en) "2004 ICC 6 Nations Challenge". Krieket Europa. Geargiveer vanaf die oorspronklike op 30 Maart 2012. Besoek op 30 Maart 2012.
  51. (en) "2004 Intercontinental Cup". Krieket Europa. Geargiveer vanaf die oorspronklike op 25 Februarie 2013. Besoek op 25 Februarie 2013.
  52. (en) "Points Table for 2004 African tournament". ESPNcricinfo. Besoek op 8 Februarie 2024.
  53. (en) "Faithwear Clothing Inter-Provincial One-Day Competition 2004/05 Points Table". Cricket Archive. Geargiveer vanaf die oorspronklike op 9 April 2016. Besoek op 9 April 2016.
  54. (en) "Namibia in Zimbabwe 2004/05". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  55. (en) "England in Namibia 2004/05". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  56. (en) "Zimbabwe A in Namibia 2004/05". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  57. (en) "Pakistan A in Namibia 2004/05". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  58. (en) "2005 ICC Intercontinental Cup". Krieket Europa. Geargiveer vanaf die oorspronklike op 2 Februarie 2014. Besoek op 2 Februarie 2014.
  59. (en) "Scorecard of Denmark v Namibia". Cricket Archive. 11 Julie 2005. Geargiveer vanaf die oorspronklike op 3 Junie 2019. Besoek op 3 Junie 2019.
  60. (en) "New Zealand in Namibia 2005/06". Cricket Archive. Geargiveer vanaf die oorspronklike op 5 November 2013. Besoek op 5 November 2013.
  61. (en) "Scorecard of Namibia v New Zealand". Cricket Archive. 30 Julie 2005. Geargiveer vanaf die oorspronklike op 23 November 2016. Besoek op 23 November 2016.
  62. (en) "Racism, rows and a walk-off tarnish 'friendly' one-dayers". ESPNcricinfo. 30 Oktober 2005. Besoek op 8 Februarie 2024.
  63. (en) "Bermuda's allegations 'rejected with contempt'". ESPNcricinfo. 4 November 2005. Besoek op 8 Februarie 2024.
  64. 64,0 64,1 (en) "2006 ICC Intercontinental Cup". Krieket Europa. Geargiveer vanaf die oorspronklike op 24 Februarie 2013. Besoek op 24 Februarie 2013.
  65. (en) "2006/07 South African Airways Provincial Three-Day Challenge points table". Cricket Archive. Geargiveer vanaf die oorspronklike op 4 Maart 2016. Besoek op 4 Maart 2016.
  66. (en) "2006/07 South African Airways Provincial One-Day Challenge points table". Cricket Archive. Geargiveer vanaf die oorspronklike op 4 Maart 2016. Besoek op 4 Maart 2016.
  67. (en) "UAE finish top of the pile". ESPNcricinfo. 2 Desember 2007. Besoek op 8 Februarie 2024.
  68. (en) Andrew Nixon (29 Junie 2007). "Namibia to continue in South African provincial cricket". Krieket Europa. Geargiveer vanaf die oorspronklike op 4 Maart 2016. Besoek op 4 Maart 2016.
  69. (en) "ICC Intercontinental Cup 2007–2008". Krieket Europa. Geargiveer vanaf die oorspronklike op 14 Februarie 2014. Besoek op 14 Februarie 2014.
  70. (en) "ICC Intercontinental Shield 2009–10". Krieket Europa. Geargiveer vanaf die oorspronklike op 29 September 2012. Besoek op 29 September 2012.
  71. (en) "World Cricket League Division 2: Dubai, April 2011". Krieket Europa. Geargiveer vanaf die oorspronklike op 1 Februarie 2014. Besoek op 1 Februarie 2014.
  72. (en) "ICC World Twenty20 Qualifier". Internasionale Krieketraad. Geargiveer vanaf die oorspronklike op 7 Januarie 2010. Besoek op 7 Januarie 2010.
  73. (en) "UAE and Scotland one win from World Cup". ESPNcricinfo. 28 Januarie 2014. Besoek op 8 Februarie 2024.
  74. (en) "Rippon stars as Netherlands take title". ESPNcricinfo. 24 Januarie 2015. Besoek op 8 Februarie 2024.
  75. (en) "David Wiese". ESPNcricinfo. Besoek op 8 Februarie 2024.
  76. 76,0 76,1 (en) Helge Schütz (19 Desember 2017). "Namibia Cricket Year Review". The Namibian. Geargiveer vanaf die oorspronklike op 9 Oktober 2019. Besoek op 9 Oktober 2019.
  77. (en) "Canada defend 247 to claim third place". ESPNcricinfo. 15 Februarie 2018. Besoek op 8 Februarie 2024.
  78. (en) "Hard work, courage pays off as Namibia claim ODI status". Internasionale Krieketraad. 27 Julie 2020. Besoek op 8 Februarie 2024.
  79. (en) Isaac Lockett (28 Julie 2020). "ICC recognises the work of Associates in annual Development Awards announcements". Emerging Cricket. Besoek op 8 Februarie 2024.
  80. (en) Hemant Brar (22 Oktober 2021). "Wiese, Erasmus the heroes as Namibia qualify for the Super 12s". ESPNcricinfo. Besoek op 8 Februarie 2024.
  81. (en) Nick Friend (20 Oktober 2021). "Namibia's moment, with a sprinkling of David Wiese's stardust". The Cricketer. Besoek op 8 Februarie 2024.
  82. (en) Andrew Voerman (6 November 2021). "Late batting surge sets Black Caps up to beat Namibia at Twenty20 World Cup". Stuff. Besoek op 8 Februarie 2024.
  83. 83,0 83,1 (en) Nagraj Gollapudi (16 November 2021). "USA co-hosts for 2024 T20 WC, Pakistan gets 2025 Champions Trophy, India and Bangladesh 2031 World Cup". ESPNcricinfo. Besoek op 8 Februarie 2024.
  84. (en) "Namibia earn historic T20I series win after successfully defending 127 against Zimbabwe". ESPNcricinfo. 24 Mei 2022. Besoek op 8 Februarie 2024.
  85. (en) "Hong Kong tour of Namibia 2022". ESPNcricinfo. 12 Junie 2022. Besoek op 8 Februarie 2024.
  86. (en) Andrew Fidel Fernando (16 Oktober 2022). "Namibia kick off World Cup in style with famous upset". ESPNcricinfo. Besoek op 8 Februarie 2024.
  87. (en) "UAE beat Namibia to send Netherlands into Super 12 at T20 World Cup". The Namibian. 20 Oktober 2022. Besoek op 8 Februarie 2024.
  88. (en) Andrew Nixon (5 April 2023). "UAE and Canada win on final day in Windhoek". Krieket Europa. Besoek op 8 Februarie 2024.
  89. (en) Bertus de Jong (29 Maart 2023). "Namibia, PNG tumble records in high-scoring encounter". Cricbuzz. Besoek op 8 Februarie 2024.
  90. (en) "Namibia seal their spot in 2024 T20 World Cup". ESPNcricinfo. 28 November 2023. Besoek op 8 Februarie 2024.
  91. (en) "Eagles Naming Rights Sponsor Revealed". Krieket Namibië. 31 Maart 2022. Besoek op 8 Februarie 2024.
  92. (en) Tielman Van Lill (30 November 2023). "Progress with state-of-the-art stadium". Windhoek Express. Besoek op 8 Februarie 2024.
  93. (en) "Records / Namibia / One-Day Internationals / Most Runs". ESPNcricinfo. Besoek op 8 Februarie 2024.
  94. (en) "Records / Namibia / Twenty20 Internationals / Most Runs". ESPNcricinfo. Besoek op 8 Februarie 2024.
  95. (en) "Records / Namibia / One-Day Internationals / Most Wickets". ESPNcricinfo. Besoek op 8 Februarie 2024.
  96. (en) "Records / Namibia / Twenty20 Internationals / Most Wickets". ESPNcricinfo. Besoek op 8 Februarie 2024.
  97. Die tydperk verwys na die ooreenstemmende krieketseisoen waarin die eerste of laaste wedstryd van die tyd as kaptein gespeel is.
  98. (en) "Records / Namibia / One-Day Internationals / List of Captains". ESPNcricinfo. Besoek op 8 Februarie 2024.
  99. (en) "Records / Namibia / Twenty20 Internationals / List of Captains". ESPNcricinfo. Besoek op 8 Februarie 2024.
  100. (en) "Records / Namibia / ODI matches / Result summary". ESPNcricinfo. 19 November 2023. Besoek op 8 Februarie 2024.
  101. (en) "Records / Namibia / Twenty20 Internationals / Result summary". ESPNcricinfo. 30 November 2023. Besoek op 8 Februarie 2024.
  102. (en) "Kenya continue to disappoint". ESPNcricinfo. 13 Julie 2011. Besoek op 8 Februarie 2024.
  103. (en) "Namibia set world records against Kenya". Namibia Sport. 29 Januarie 2013. Geargiveer vanaf die oorspronklike op 28 November 2011. Besoek op 28 November 2011.
  104. (en) "ICC Classification of Official Cricket" (PDF). Internasionale Krieketraad. Geargiveer vanaf die oorspronklike (PDF) op 6 November 2012. Besoek op 6 November 2012.

Verdere leesstof wysig

  • (en) Koos van Zyl (2002). Namibian Cricket: A Tale of Guts and Glory. Gamsberg Macmillan. ISBN 978-99916-0-416-9.

Eksterne skakels wysig