Harare
Harare montage.png

Kaart Wapen
Harare in Zimbabwe.svg
Coat of arms of Harare.svg
Vlag
Flag of Harare.svg
 Land Vlag van Zimbabwe Zimbabwe
 Provinsie Harare
 Koördinate 17°50′S 31°4′O / 17.833°S 31.067°O / -17.833; 31.067
 Stigting 1890
 Stadstatus 1935
 Oppervlakte:  
 - Totaal 960,6 vk km
 Hoogte bo seevlak 1 490 m
 Bevolking:  
 - Totaal (2009) 1 606 000
 - Bevolkingsdigtheid 2 540/vk km
 Tydsone UTC+2 (SAT)
 Burgemeester Herbert Gomba[1]
 Amptelike webwerf hararecity.co.zw

Harare (voormalig, tot 1982 Salisbury) is die hoofstad van Zimbabwe. Die stad is Zimbabwe se grootste en die land se administratiewe, kommersiële en kommunikasiemiddelpunt. Dit is 'n handelsentrum vir tabak, mielies, katoen en sitrusvrugte. Vervaardigingsbedrywe sluit tekstiele, staal en chemiese stowwe in. Goud word in die omgewing ontgin. Die bevolking is in 2009 op 1 606 000 beraam. Na ramings is sowat 'n derde van Zimbabwe se bevolking in die metropolitaanse gebied van Groter Harare saamgetrek. Groter Harare se bydrae tot die land se bruto binnelandse produk (BBP) word op sowat 40 persent beraam. Die informele sektor speel 'n uiters belangrike rol. So word beraam dat daagliks meer as een miljoen informele migrantehandelaars na Harare stroom om hul goedere daar te bemark.[2]

Jakarandabome langs Montagu Ave, Salisbury in 1975

Die stad is in 1890 deur die Pioneer Column as 'n fort gestig, 'n huurleër wat deur Cecil John Rhodes op die been gebring is. Die stad het oorspronklik as Salisbury bekendgestaan, genoem na die 3de markies van Salisbury, Robert Arthur Talbot Gascoyne-Cecil, toe eerste minister van die Verenigde Koninkryk. In 1935 is stadstatus aan Salisbury toegeken. Salisbury was die hoofstad van die Sentraal-Afrikaanse Federasie vanaf 1953 tot 1963.

Met die tweede herdenking van die Zimbabwiese onafhanklikheid op 18 April 1982 is die stad se naam na Harare verander, genoem na die Mashona-hoofman Neharawa.

Sedert vroeg in die 21ste eeu is Harare nadelig geraak deur die politieke en ekonomiese krisis wat Zimbabwe na die presidensiële verkiesing van 2002 beleef. In 2007 het Harare die eenhonderd-en-veertigste plek op die tydskrif The Economist se ranglys van die wêreld se mees leefbare stede beklee.[3]

StadsbeplanningWysig

Harare se stadsuitleg met breë lane, wat nog uit die Britse koloniale tydperk dateer, word as een van die mooiste van alle hoofstede in Afrika beskou. Dikwels word Harare as 'n duale of hibriede stad met drie hoofkomponente beskryf - die historiese middestad wat as sakekern dien en waar baie belangrike instellings en ondernemings hul hoofkantore het; die welgestelde voorstede in die noorde; en die minder welvarende residensiële buurte in die suide. Hulle is verderaf van die middestad geleë en bestaan grotendeels uit informele nedersettings. Koloniale owerhede en die blanke Rhodesiese bevolking het hierdie nedersettings deur middel van groen gordels van die middestad geskei.

Al het hierdie groen ruimtes die etniese segregasie van die stadsbevolking ten doel gehad, is gelykertyd groot dele van Harare se natuurlike groen omgewing bewaar. Terwyl volgens amptelike statistieke sowat 35 persent van Harare se bevolking in hierdie suidelike buurte gehuisves word, beraam deskundiges hierdie syfer op vyftig persent of meer.

AmbassadesWysig

Een van die grootste Amerikaanse ambassades op die vasteland van Afrika (en moontlik die wêreld) is op 3 Mei 2019 deur die Amerikaanse ambassadeur in Zimbabwe, Brian Nichols, in Harare se Bluff Hill Township-buurt amptelik geopen. Die ambassadekompleks is teen 'n koste van VSA-$292 miljoen opgerig.[4]

GodsdiensWysig

Op 3 April 2016 het die destydse president van die Kerk van Jesus Christus van die Heiliges van die Laaste Dae, Thomas S. Monson (1927–2018), die bou van die Kerk se eerste tempel in Zimbabwe aangekondig. Tot op datum is die projek nog in die beplanningsfase.[5] Die Kerk het sowat 26 000 lidmate in Zimbabwe wat tans nog gebruik moet maak van die tempel te Johannesburg.

OnderwysWysig

 
'n Kleurryke straatoptog met dansers uit Kongo ter geleentheid van Harare se karnaval in 2015

Harare is die tuiste van die Universiteit van Zimbabwe.

MediabedryfWysig

In Mei 1966 is Tony Hitchman se befaamde onderhoud An Introduction to Scientology met L. Ron Hubbard, stigter van die Kerk van Sciëntologie, in die destydse Salisbury deur die Rhodesiese uitsaaikorporasie Rhodesia Television (RTV) verfilm en uitgesaai.[6] Die onderhoud, waarin Hubbard die geloofsbelydenis en stigtingsgeskiedenis van die Kerk verduidelik, is later op VHS (1986) en DVD vrygestel.[7]

SportWysig

Tydens die Krieketwêreldbeker 2003 is Harare se Harare Sportklub vir drie wedstryde ingespan.

Sien ookWysig

VerwysingsWysig

  1. "Contact Details" (in Engels). City of Harare. Geargiveer vanaf die oorspronklike op 9 Oktober 2019. Besoek op 22 Februarie 2019.
  2. Thabo Lenneiye: Harare 2040. Towards a More Inclusive City. A study by Gensler, the University of Pennsylvania School of Design, National University of Science & Technology, Old Mutual and The City of Harare. Morrisville, NC: Lulu Press 2014, bl. 14
  3. (en) Urban idylls, Economist.com.
  4. The Herald, 3 Mei 2019: Zimbabwe: US Opens $300m Embassy in Zimbabwe. Besoek op 19 Augustus 2020
  5. Temples of the Church of Jesus Christ of Latter-day Saints - Harare Zimbabwe Temple. Besoek op 19 Augustus 2020
  6. World Religion News, 15 Mei 2015: L. Ron Hubbard Gives an Introduction to Scientology in 1966 Interview. Besoek op 19 Augustus 2020
  7. Colorado Mountain College: An Introduction to Scientology. Besoek op 19 Augustus 2020

Eksterne skakelsWysig

Wiki-webtuistes

Amptelike webtuiste van Harare

Ensiklopediese inligting

Toerisme

Amerikaanse Ambassade

Media


Provinsies van Zimbabwe  
Bulawayo · Harare · Manicaland · Masjonaland-Oos · Masjonaland-Sentraal · Masjonaland-Wes · Masvingo · Matabeleland-Noord · Matabeleland-Suid · Midlands