Jakaranda
- Hierdie artikel handel oor die Jakarandaboom. Vir ander betekenisse, sien Jakaranda (dubbelsinnig).
Die Jakaranda (Jacaranda mimosifolia) is 'n sierboom wat uit die Andes van suidelike Bolivië en aanliggende Argentinië na verskillende wêreldstreke uitgevoer en dan genaturaliseer geraak het. Buite hul bakermat is hulle nou wydverspreid in oostelike Australië, Oos- en suidelike Afrika, Hawaii en die suidoostelike VSA.[2] Die boom word aangeplant as skaduboom en ook vir die laventelpers blomme wat dit in die lente dra wanneer die boom nog sonder blare is. In Suid-Afrika en Queensland, Australië, is dit amptelik as 'n indringerplant verklaar.[2]
| Jakaranda | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Asterids |
| Orde: | Lamiales |
| Familie: | Bignoniaceae |
| Genus: | Jacaranda |
| Spesie: | J. mimosifolia
|
| Binomiale naam | |
| Jacaranda mimosifolia | |
Die bome word oor die algemeen tussen vyf en vyftien meter hoog. Die blare is dubbelveervormig en saamgesteld. Naas sierboom, het die boom ook medisinale waarde, wat onder andere teen Bacillus, Staphylococcus en Escherichia coli help.
Die Jakarandastad
wysigPretoria, die administratiewe hoofstad van Suid-Afrika, staan algemeen as die Jakarandastad bekend. 'n Groot aantal jakarandas is in die stad aangeplant. Dié bome kleur die stad se strate pers as dit in Oktober begin blom.
Die eerste twee jakarandabome in Pretoria is in die 1880's uit Brasilië ingevoer en by 'n skool in Arcadia geplant. 'n Ruk daarna het die destydse staatskweker, James Clarke, opdrag gekry om bome in die Staatskwekery in Groenkloof te kweek. Hy het 'n besending saad van Australië bestel, waarby 'n pakkie jakarandasaad per abuis ingesluit is. Teen die jaar 2000 was daar ongeveer 70 000 jakarandabome in Pretoria.[3]
Skoliere en studente aan die Universiteit van Pretoria glo dat jy goed in die eksamen sal vaar as 'n jakaranda-bloeisel op jou kop val. Verskeie Afrikaanse gedigte en liedjies verwys ook na die Jakarandastad, onder andere Valiant Swart se Jakarandastrate, Heinz Winckler se Jakarandakoningin, Anneli van Rooyen se Jakaranda jy en Laurika Rauch se liedjie, Jakarandas Bloei.[4]
Fotogalery
wysig-
Jakarandabome wat blom in Bhutan. -
Saamgestelde blare -
Blomme -
Vrugkapsules -
Stam -
Jakarandahout
_leaves_in_Hyderabad,_AP_W_IMG_6740.jpg)
_fruits_in_Hyderabad,_AP_W_IMG_6737.jpg)
_trunk_in_Hyderabad,_AP_W_IMG_6739.jpg)
Sien ook
wysigBron
wysig- Watter Boom is dit? Eugene Moll 2013 ISBN 978-1-77007-832-1
Verwysings
wysig- ↑ "Jacaranda mimosifolia information from NPGS/GRIN". www.ars-grin.gov. Geargiveer vanaf die oorspronklike op 14 Mei 2009. Besoek op 9 Maart 2008.
- ↑ 2,0 2,1 Jacaranda mimosifolia (Jacaranda), BioNET-EAFRINET, Fact Sheet
- ↑ Pretoria bly steeds die stad van jakarandas; Maar bome stellig gou tot indringers verklaar, Beeld, 24 Mei 2000
- ↑ Val tog op my!, Beeld, 3 November 2004
Eksterne skakels
wysig
Wikimedia Commons het meer media in die kategorie Jakaranda.
Wikispecies het meer inligting verwant aan Jakaranda
