Bermuda (Engels: [bərˈmjuːdə]) is 'n eilandgroep in die Wes-Atlantiese Oseaan, 'n entjie voor die kus van Noord-Amerika. Dit is 'n Britse oorsese gebiedsdeel onder soewereiniteit van die Verenigde Koninkryk, maar het sy eie plaaslike regering. Bermuda het 'n bevolking van 63 913 in 2019 gehad en 'n oppervlakte van 53,2 km². Die hoofstad is Hamilton en die grootste stad St. George’s, wat tot in 1815 as hoofstad van Bermuda gedien het. Die eiland is veral bekend vir die Bermudadriehoek en gewild onder toeriste.[5] Dit is ook die plek waar die Bermudabroek uitgevind is en gewildheid verwerf het.

Bermuda
Vlag van Bermuda Wapen van Bermuda
Vlag Wapen
Nasionale leuse: Quo Fata Ferunt[1]
(Latyn vir: "Waarheen ons die lot dra")
Volkslied: God Save the King
(Engels vir: "God beskerm die koning")

Nasionale lied: Hail to Bermuda a
Ligging van Bermuda
Hoofstad Hamilton

32°18′N 64°47′W / 32.300°N 64.783°W / 32.300; -64.783

Grootste stad St. George’s

32°23′N 64°41′W / 32.383°N 64.683°W / 32.383; -64.683

Amptelike tale Engels[1]
Regering

Monarg
• Goewerneur
Eerste minister
• Verantwoordelike
Britse ministerb
Parlementêre afhanklikheid
onder ’n grondwetlike monargie
Charles III
Rena Lalgie
Edward David Burt

James Cleverly
Onafhanklikheid

1620
Oppervlakte
 - Totaal
 
 - Water (%)
 
53,2 km2  (230ste)
20,5 myl2
27
Bevolking
 - 2019-skatting
 - 2016-sensus
 - Digtheid
 
63 913[2] ()
63 779
1 388 / km2 (9de)
3 465,4 / myl2
BBP (KKP)
 - Totaal
 - Per capita
2019-skatting

$7,484 miljard[3] (161ste)
$117 097 (4de)

MOI (2013) 0,981 ()  –  baie hoog
Geldeenheid Dollar c (BMD)
Tydsone
 - Somertyd
AST (UTC-4)
ADT (UTC-3)
Internet-TLD .bm
Skakelkode +1-441
a. Hail to Bermuda word gebruik as Bermuda se volkslied by sportbyeenkomste.[4]
b. Vir al die Britse oorsese gebiede
c. saam met die Amerikaanse dollar.
Nasa-Satellietbeeld van Bermuda
Kaart van Bermuda

Bermuda is in 1505 deur die Spaanse ontdekkingsreisiger Juan de Bermúdez vir Europa ontdek en later na hom genoem.[6] Dié eiland is deur die Spaanse Ryk opgeëis, maar nooit deur Spanje gekoloniseer nie. Twee jaar ná die stigting van Jamestown in Virginië het Engelse onder leiding van die Virginia Company in Bermuda gevestig. St. George’s, dié eiland se eerste hoofstad, is in 1612 gestig[7] en tot in 1614 is dié eiland as deel van die kolonie in Virginië bestuur. In 1684 het die Engelse Kroon die beheer oorgeneem en Bermuda het in 1707, met die Act of Union 1707 wat die Koninkryk van Engeland en Koninkryk van Skotland tot die Koninkryk van Groot-Brittanje laat saamsmelt het, 'n Britse Kroonkolonie geword. Nadat Newfoundland in 1949 deel van Kanada geword het, het Bermuda die oudste oorblywende Britse oorsese gebied geword. Met die heraansluiting van Hongkong by China in 1997 het Bermuda die mees bevolkte afhanklike gebied geword (vanaf 2002 oorsese gebied). Bermuda word deur die Verenigde Nasies as 'n gebied sonder eie regering beskou.[8] Die eilandgroep is 'n gesogte vakansieplek en die ekonomie is veral op toerisme en buitelandse bankdienste gebaseer.[1]

Sport wysig

Krieket is Bermuda se nasionale sportsoort[9] en die nasionale krieketspan het aan die Krieketwêreldbeker 2007 in Wes-Indië deelgeneem.

Boerekrygsgevangenes wysig

Vyf van Bermuda se eilande is gebruik om ongeveer 5 000 Boerekrygsgevangenes tydens die Tweede Vryheidsoorlog, ook bekend as die Anglo-Boereoorlog, te huisves. Die Boere is volgens hulle oortuigings ten opsigte van die oorlog op aparte eilande verdeel. Diegene wat geglo het dat die oorlog moes voortgaan is na Darrell's Eiland gestuur en is swaar bewaak. Morgan's Eiland het 884 man gehuisves, Tucker's Eiland 809, Burt's Eiland 607 en Port's Eiland 35, waar die hospitaalfasiliteite was.[10]

Die koerant The New York Times het verskeie stories oor Boerekrygsgevangenes in Bermuda gepubliseer, byvoorbeeld die poging tot muitery op pad na Bermuda toe, en die daaropvolgende krygswet wat op Darryll's Eiland gegeld het,[11] sowel as drie Boerekrygsgevanenes se ontsnapping na die vasteland van Bermuda[11] en ook oor die "avonture" van 'n jong Boeresoldaat wat op die stoomskip Trinidad in New York aangekom het.[11]

Verwysings wysig

  1. 1,0 1,1 1,2 (en) "Bermuda". CIA World Factbook. Central Intelligence Agency. Besoek op 19 September 2022.
  2. (en) "Bermuda | Data". Wêreldbank. Besoek op 9 Augustus 2021.
  3. (en) "Bermuda | Data". Wêreldbank. Besoek op 9 Augustus 2021.
  4. (en) "Bermuda – London 2012 Olympics". Telegraph. Julie 2012. Geargiveer vanaf die oorspronklike op 9 Oktober 2019. Besoek op 20 Augustus 2018.
  5. HAT Taal-en-feitegids, Pearson, Desember 2013, ISBN 978-1-77578-243-8
  6. (en) Morison, Samuel (1974). The European Discovery of America: The Southern Voyages, 1492–1616. New York: Oxford University Press.
  7. (en) "Bermuda – History and Heritage". Smithsonian. 6 November 2007. Geargiveer vanaf die oorspronklike op 24 Mei 2012. Besoek op 3 Desember 2008.
  8. (en) "Non-Self-Governing Territories". Algemene Vergadering van die Verenigde Nasies. Geargiveer vanaf die oorspronklike op 13 September 2019. Besoek op 20 Augustus 2018.
  9. (en) Luke, Will (Maart 2007). "Cricket by association". The Wisden Cricketer. Geargiveer vanaf die oorspronklike op 21 Junie 2010. Besoek op 20 Augustus 2018.
  10. (en) http://www.angloboerwar.com/other-information/89-prisoner-of-war-camps/1838-camp-for-boers-bermuda
  11. 11,0 11,1 11,2 (en) THE PRISONERS AT BERMUDA.; Boers Attempted to Mutiny in the Course of the Voyage -- Martial Law on Darrell's Island, The New York Times

Bronnelys wysig

Algemeen

Eksterne skakels wysig

Wiki-webtuistes

Geskiedenis van Bermudaanse seilvaart


  Verenigde Koninkryk  
LandeEngelandSkotlandWallisNoord-Ierland
Oorsese gebiedeAnguillaBermudaBrits-Antarktiese GebiedBritse Indiese OseaangebiedBritse Maagde-eilandeFalkland-eilandeGibraltarKaaimanseilandeMontserratPitcairneilandeSint Helena, Ascension en Tristan da CunhaSuid-Georgië en die Suidelike SandwicheilandeTurks- en Caicoseilande
KroongebiedeEiland ManGuernseyJersey
Sowereine militêre basisseAkrotiri en Dhekelië