Steve Waugh
Stephen Rodger Waugh (gebore 2 Junie 1965) is 'n Australiese voormalige internasionale krieketspeler en tweelingbroer van die krieketspeler Mark Waugh. Hy was ook 'n medium-pas bouler. As Australiese kaptein van 1997 tot 2004 het hy Australië tot vyftien van hul rekord sestien opeenvolgende toetsoorwinnings gelei, en tot oorwinning in die Krieketwêreldbeker 1999. Waugh word beskou as die suksesvolste toetskaptein in die geskiedenis met 41 oorwinnings en 'n wenverhouding van 72%. Hy het onder meer tydens die Kampioenetrofeë in 1998 en 2000, asook die krieketwêreldbekertoernooie in 1987, 1992, 1996 en 1999 vir Australië gespeel.
| Steve Waugh | ||||||
|---|---|---|---|---|---|---|
| ||||||
| Volle naam | Stephen Rodger Waugh | |||||
| Gebore | 2 Junie 1965 Campsie, Nieu-Suid-Wallis, Australië | |||||
| Bynaam(e) | Tugger, Ice Man | |||||
| Lengte | 1,79 m | |||||
| Kolfstyl | Regshandig | |||||
| Boulstyl | Regshandig mediumvinnig | |||||
| Rol | Middelordekolwer | |||||
| Familie | Mark Waugh (broer) Dean Waugh (broer) Austin Waugh (seun) | |||||
| Internasionale geskiedenis | ||||||
| Nasionale span | Australië | |||||
| Toetsdebuut (no 335) | 26 Desember 1985 v Indië | |||||
| Laaste Toets | 2 Januarie 2004 v Indië | |||||
| EDI debuut (no 90) | 9 Januarie 1986 v Nieu-Seeland | |||||
| Laaste EDI | 3 Februarie 2002 v Suid-Afrika | |||||
| EDI hempno. | 5 | |||||
| Eersterangse spaninligting | ||||||
| Jaar(e) | Span | |||||
| 1984/85–2003/04 | Nieu-Suid-Wallis | |||||
| 1987–1988 | Somerset | |||||
| 1998 | Ierland | |||||
| 2002 | Kent | |||||
| Loopbaanstatistiek | ||||||
| Kompetisie | Toets | EDI | 1ste rang | A-lys | ||
| Wedstryde | 168 | 325 | 356 | 436 | ||
| Lopies aangeteken | 10 927 | 7 569 | 24 052 | 11 764 | ||
| Kolfgemiddeld | 51.06 | 32.90 | 51.94 | 37.70 | ||
| 100s/50s | 32/50 | 3/45 | 79/97 | 13/67 | ||
| Hoogste telling | 200 | 120* | 216* | 140* | ||
| Aflewerings geboul | 7 805 | 8 883 | 17 428 | 11 245 | ||
| Paaltjies | 92 | 195 | 249 | 257 | ||
| Boulgemiddeld | 37.44 | 34.67 | 32.75 | 33.49 | ||
| 5 paaltjies in 'n kolfbeurt | 3 | 0 | 5 | 0 | ||
| 10 paaltjies in 'n wedstryd | 0 | 0 | 0 | 0 | ||
| Beste boulontleding | 5/28 | 4/33 | 6/51 | 4/32 | ||
| Vangskote/Stonkings | 112/– | 111/– | 273/– | 150/– | ||
| Bron: ESPNcricinfo, 31 Desember 2004 | ||||||
Hy is 'n boorling van Nieu-Suid-Wallis, waar hy sy eersterangse krieketloopbaan in 1984 begin het. Hy het van 1999 tot 2004 die Australiese toetskrieketspan aangevoer en was die toetskrieketspeler wat die meeste verskynings in die geskiedenis behaal het, met 168 toetswedstryde, totdat Sachin Tendulkar van Indië hierdie rekord in 2010 verbeter het. In die vroeë stadiums van sy loopbaan is hy beskou as slegs 'n "matig talentvolle" speler, en het op 'n stadium sy toetsplek aan sy broer Mark verloor, maar voortgegaan om een van die voorste kolwers van sy tyd te word. Hy is een van slegs dertien spelers wat meer as 10 000 toetslopies aangeteken het.
Hy is in 2004 aangewys as Australiër van die Jaar vir sy filantropiese werk, en opgeneem in die IKR se Heldesaal voor sy tuisaanhangers by die Sydney-krieketveld in Januarie 2010.
Bekend as 'n aanvallende en soms genadeloos doeltreffende kaptein, het Waugh kritiek oor "manipulasie van die puntestelsel" tydens die Krieketwêreldbeker om sy span se vordering te verseker, verwerp, en was dikwels krities teenoor die media. In 2003 is hy beskryf as 'n "koelbloedige, wetenskaplike" leier deur die krieketrubriekskrywer van The Times, Simon Barnes, wat opgemerk het dat "Waugh jou persoonlik wil verslaan". Waugh is aan die einde van sy laaste toetswedstryd deur sy spanmaats as eerbetoon om die Sydney-krieketveld gedra. In 'n aanhangerpeiling wat in 2017 deur die CA gedoen is, is hy in die land se beste Ashes XI in die afgelope 40 jaar aangewys.[1][2][3][4][5][6]
Verwysings wysig
- ↑ (en) "RECORDS / TEST MATCHES / INDIVIDUAL RECORDS (CAPTAINS, PLAYERS, UMPIRES) / MOST MATCHES AS CAPTAIN". ESPNcricinfo. Besoek op 22 November 2022.
- ↑ (en) "An Ashes superstar and much more". ESPNcricinfo. Besoek op 22 November 2022.
- ↑ (en) "Australian of the Year Awards". Geargiveer vanaf die oorspronklike op 27 Augustus 2009. Besoek op 3 Oktober 2009.
- ↑ (en) Wendy Lewis (2010). Australians of the Year. Pier 9 Press. ISBN 978-1-74196-809-5.
- ↑ (en) "Lindwall, Miller, O'Reilly, Trumper and Waugh – Australian legends inducted into ICC Cricket Hall of Fame". Geargiveer vanaf die oorspronklike op 3 Maart 2016. Besoek op 3 Maart 2016.
- ↑ (en) Gideon Haigh. "One hundred per cent Australian". ESPNcricInfo. Besoek op 22 November 2022.
Eksterne skakels wysig
Wikimedia Commons het meer media in die kategorie Steve Waugh.- (en) Steve Waugh se profiel op ESPNcricinfo
