1984

Die jaar 1984 was 'n skrikkeljaar wat volgens die Gregoriaanse kalender op 'n Sondag begin het. Dit was die 84ste jaar van die 20ste eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• 1 Januarie – Broenei word van die Verenigde Koninkryk onafhanklik.
• 8 Januarie – Broenei sluit by die ASEAN aan.
• 14-20 Januarie – Die derde Paralimpiese Winterspele word in Innsbruck, Oostenryk, aangebied.
• 19 Januarie – Die Standerbende beroof drie banke in minder as ’n uur in Johannesburg se middestad.
• 8-19 Februarie – Die 14de Olimpiese Winterspele word in Sarajevo, Joego-Slawië, aangebied.
• 15 Maart – Die Koeberg-kernkragsentrale in die Wes-Kaap bereik sy kritiese fase en op 4 April wek die kernreaktor die eerste keer elektrisiteit op.
• 16 Maart – Die Verdrag van Nkomati word gesluit tussen die kommunistiese Frelimo-regering van Mosambiek en die apartheidsregering van Suid-Afrika.
• 7 April – Die Suid-Afrikaanse Grand Prix vind plaas.
• 24 April – Apple Computer stel die Apple draagbare rekenaar bekend.
• 17-30 Junie – Die eerste deel van die sewende Paralimpiese Somerspele word in New York Stad, Verenigde State van Amerika, aangebied.
• 27 Junie – Pierre Trudeau wen die Albert Einstein-prys vir vrede.
• 22 Julie-1 Augustus – Die tweede deel van die sewende Paralimpiese Somerspele word in Stoke Mandeville, Verenigde Koninkryk, aangebied.
• 28 Julie-12 Augustus – Die 23ste Olimpiese Somerspele word in Los Angeles, Verenigde State van Amerika, aangebied.
• 3 September – P.W. Botha word Suid-Afrika se eerste uitvoerende Staatspresident.
• 4 Oktober – Die laaste volledige Toepolef Tu-144, die eerste supersoniese passasiersvliegtuig ter wêreld, wat deur die Sowjetse vliegtuigbouer Aleksei Andrejewitsj Toepolef ontwikkel is, word in diens geneem.
• 12 November – Marokko bedank uit die Organisasie vir Afrika-eenheid as gevolg van die Wes-Sahara-konflik.
• 3 Desember – Die Bhopal-gasramp, die wêreld se ergste nywerheidsongeluk veroorsaak ten minste 18 000 sterftes in die Indiese stad Bhopal.

Geboortes

• 6 Januarie – Marius van der Westhuizen, internasionale rugbyskeidsregter.
• 29 Januarie – Natalie du Toit, Suid-Afrikaanse swemster.
• 3 Februarie – Elizabeth Anne Holmes Amerikaanse sakevrou.
• 6 Februarie – André Lötter, Suid-Afrikaanse sepie-akteur.
• 15 Februarie – Himarsha Venkatsamy, Suid-Afrikaans-Indiese model en aktrise.
• 17 Februarie – AB de Villiers, Suid-Afrikaanse krieketspeler.
• 26 Februarie – Minki van der Westhuizen, Suid-Afrikaanse model en televisiepersoonlikheid.
• 2 Maart – Ian Sinclair, Amerikaanse akteur.
• 10 Maart – Ruan Pienaar, Suid-Afrikaanse rugbyspeler en Springbokskrumskakel.
• 20 Maart – iJustine, Amerikaanse aktrise en aanlynvideokletskous.
• 20 Maart – Lise Baastrup, Deense aktrise.
• 10 April – Mandy Moore, Amerikaanse sangeres en aktrise.
• 17 April – Rosanna Davison, Ierse aktrise, model en skoonheidskoningin (Mej Wêreld 2003).
• 16 Junie – Zane Kirchner, Suid-Afrikaanse rugbyspeler en Springbokheelagter.
• 18 Junie – Laudo Liebenberg, Suid-Afrikaanse akteur en sanger.
• 8 Julie – Jackie Nagtegaal, Suid-Afrikaanse skrywer.
• 11 Julie – Morné Steyn, Suid-Afrikaanse rugbyspeler en Springboklosskakel.
• 11 Julie – Rachael Taylor, Australiese televisie- en filmaktrise.
• 28 Julie – Maria Popova, Bulgaars-gebore, Amerikaans-gebaseerde skrywer en essayis.
• 3 Augustus – Jon Foster, Amerikaanse akteur.
• 18 Augustus – Wilhelm van der Walt, Suid-Afrikaanse akteur, Ty in 7de Laan.
• 31 Augustus – Charl Schwartzel, Suid-Afrikaanse professionele gholfspeler.
• 2 September – Jacques-Louis Potgieter, Suid-Afrikaanse rugbyspeler.
• 15 September – Prins Harry, Hertog van Sussex, tweede seun van Charles III en prinses Diana.
• 22 September – Godfrey Gao, 'n Kanadese akteur († 2019)
• 14 Oktober – Amalia Uys, Suid-Afrikaanse aktrise, sy was San-Mari gewees in 7de Laan.
• 25 Oktober – Katy Perry, Amerikaanse sangeres-liedjieskryfster en musikant.
• 22 November – Scarlett Johansson, Amerikaanse aktrise.
• 23 November – Lucas Grabeel, Amerikaanse akteur en vervaardiger.
• 25 November – Gaspard Ulliel, Franse rolprentakteur († 2022)
• 1 Desember – Yolandi Visser, Suid-Afrikaanse sangeres en kletsrymer.
• 6 Desember – Daryl Impey, Suid-Afrikaanse professionele fietsrenjaer.
• 7 Desember – Robert Kubica, Poolse Formule Een-renjaer.
• 16 Desember – Kaz McFadden, Suid-Afrikaanse akteur.
• 22 Desember – Basshunter, Sweedse sanger, musiekprodusent en platejoggie.

Sterftes

• 11 Januarie – Jack La Rue, Amerikaanse akteur (* 1902).
• 14 Januarie – Koos du Plessis, Suid-Afrikaanse sanger, liedjieskrywer en digter (* 1945).
• 20 Januarie – Johnny Weismuller, Amerikaanse swemmer en akteur – bekend vir sy rol as Tarzan (* 1904).
• 9 Februarie – Joeri Andropof, Sowjetpolitikus (* 1914).
• 11 Februarie – Phil Nel, Suid-Afrika se agttiende Springbokkaptein (* 1902).
• 11 Februarie – John Comer, Engelse akteur (* 1924).
• 12 Februarie – Arnold Meiring, NG predikant en Transvaalse moderator (* 1906).
• 12 Februarie – Anna Anderson, aanspraakmaker op die Russiese troon (* 1896).
• 13 Februarie – André Stander, Suid-Afrikaanse polisieoffisier en berugte bankrower (* 1946).
• 15 Februarie – Ethel Merman, Amerikaanse sangeres en aktrise (* 1908).
• 1 Maart – Jackie Coogan, Amerikaanse akteur (* 1914).
• 2 Maart – Breytie Breytenbach, eerste hoofdirekteur van Truk (* 1904).
• 5 Maart – William Powell, Amerikaanse akteur (* 1892).
• 6 Maart – Henry Wilcoxon, Britse akteur (* 1905).
• 10 Maart – June Marlowe, Amerikaanse aktrise (* 1903).
• 23 Maart – Shauna Grant, Amerikaanse aktrise, pornoster (* 1963).
• 1 April – Marvin Gaye, Amerikaanse sanger (* 1939).
• 20 April – Fred le Roux, Afrikaanse joernalis, lektor en redakteur (* 1913).
• 22 April – Ansel Adams, Amerikaanse fotograaf (* 1902).
• 26 April – Count Basie, Amerikaanse musikant en komponis (* 1904).
• 26 April – May McAvoy, Amerikaanse aktrise (* 1899).
• 29 April – Frances Day, Amerikaanse aktrise (* 1908).
• 13 Mei – Stanislaw Ulam, Pools-Amerikaanse wetenskaplike van wiskunde en kernfisika. (* 1909).
• 16 Mei – Andy Kaufman, Amerikaanse akteur, skrywer en komediant (* 1949).
• 19 Mei – Sir John Betjeman, Engelse digter, skrywer en televisie-aanbieder (* 1906).
• 24 Junie – Eitemal, Afrikaanse skrywer, digter, redenaar en vertaler (* 1901).
• 25 Junie – Michel Foucault, Franse filosoof (* 1926).
• 7 Julie – Dame Flora Robson, Engelse aktrise (* 1902).
• 9 Julie – Arthur Bleksley, Suid-Afrikaanse wetenskaplike (* 1908).
• 24 Julie – Schalk van der Merwe, Suid-Afrikaanse chirurg en politikus (* 1922).
• 5 Augustus – Richard Burton, Britse akteur (* 1925).
• 12 Augustus – Jean-Michel Basquiat, Amerikaanse kunstenaar (* 1960).
• 20 Augustus – M.D.C. de Wet Nel, Suid-Afrikaanse politikus (* 1901).
• 9 Oktober – Dr Felix Wankel Duitse uitvinder van die Wankelenjin (* 1902).
• 31 Oktober – Indira Gandhi, eertydse Eerste Minister van Indië, word in 'n sluipmoordaanval deur twee van haar eie lyfwagte vermoor (* 1917).