15 Maart

15 Maart is die 74ste dag van die jaar in die Gregoriaanse kalender (75ste in ’n skrikkeljaar). Daar is nog 291 dae in die jaar.

Gebeure

• 44 v.C. – Julius Caesar van die Romeinse Republiek word deur Marcus Junius Brutus en verskeie ander Romeinse senators op die Ides van Maart doodgesteek.
• 1545 – Pous Paulus III publiseer die bul Laetere Hierusalem waarin opgeroep word na die konsilie van Trente.
• 1493 – Christophorus Columbus keer na Spanje terug na sy eerste reis na die Amerikas.
• 1557 – Pous Paulus IV stel nog 10 nuwe kardinale aan waaronder Michele Ghislieri (later Pous Pius V).
• 1717 – Pous Clemens XI stel Giberto Bartolomeo Borromeo, titulêr patriarg van Antiochië aan as kardinaal.
• 1773 – Pous Clemens XIV stel Gennaro Antonio de Simone, apostoliese protonotarius aan as kardinaal.
• 1820 – Maine word die 23ste deelstaat van die Verenigde State.
• 1830 – Pous Pius VIII stel drie nuwe kardinale aan waaronder Thomas Weld, titulêr biskop van Amiclea.
• 1877 – Geskiedenis van krieket: Krieketspelers wat Engeland en Australië verteenwoordig, speel die eerste toetswedstryd op die Melbourne-krieketveld.
• 1906 – Charles Rolls en Henry Royce stig die motorvervaardiger maatskappy Rolls-Royce.
• 1917 – Tsaar Nikolaas II van Rusland word gedwing om te abdikeer in die Februarie-rewolusie wat drie eeue van Romanof heerskappy beëindig.
• 2019 – 50 mense sterf in 'n skietaanval op twee moskees tydens die Vrydaggebed in Christchurch, Nieu-Seeland.

Geboortes

• 1713 – Nicolas Louis de Lacaille, Franse sterrekundige († 1762).
• 1767 – Andrew Jackson, sewende President van die Verenigde State († 1845).
• 1810 – Kommandant-Generaal Stephanus Schoeman, waarnemende Staatspresident van die Zuid-Afrikaansche Republiek († 1890).
• 1841 – John X. Merriman, laaste eerste minister van die Kaapkolonie voor die Uniewording van Suid-Afrika in 1910 († 1926).
• 1874 – Ds. Willem Postma, Gereformeerde predikant en Afrikaanse baanbrekerskrywer († 1920).
• 1927 – Ian Player, Suid-Afrikaanse natuurbewaarder en broer van Gary Player († 2014).
• 1932 – Alan Bean, Amerikaanse ruimtevaarder († 2018).
• 1940 – Haas Schoeman, Springbokrugbyspeler († 2006).
• 1988 – Juan de Jongh, Springbokrugbyspeler.

Sterftes

• 752 – Pous Sagarias, die 91ste pous van die Rooms-Katolieke Kerk (* onbekend).
• 1898 – Benjamin Woolfield Mountfort, Nieu-Seelandse argitek (* 1825).
• 1967 – Paddy Carolin, Suid-Afrika se agtse Springbokkaptein (* 1881).
• 2015 – Collins Chabane, Suid-Afrikaanse minister van openbare dienste en administrasie (* 1960).

Vakansie dae

• Feesdag van Pous Sagarias in die Rooms-Katolieke Kerk.