1820

Die jaar 1820 was 'n skrikkeljaar wat volgens die Gregoriaanse kalender op 'n Saterdag begin het. Dit was die 20ste jaar van die 19de eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• Aankoms van die Britse 1820-Setlaars in die Oos-Kaap.
• Stigting van die dorp Worcester in die Wes-Kaap.
• Heinrich Wilhelm Olbers skryf sy dokument Olbers se Paradoks.
• Die konstruksie van ´n pad oor die St. Gotthardpas in Switserland begin.
• 1 Januarie – Staatsgreep in Spanje; die land word in 'n konstitusionele monargie omgeskep.
• 27 Januarie – Seevaarders sien Antarktika vir die eerste keer.
• 15 Maart – Maine word die 23ste deelstaat van die Verenigde State.
• 12 Mei – Annibale Sermattei della Genga (later Pous Leo XII) word vikaris generaal van Rome.
• 23 Augustus – Die South African Bible Society, voorloper van die Bybelgenootskap van Suid-Afrika word onder die leierskap van Rufane Donkin gestig.

Geboortes

• 17 Januarie – Anne Brontë, Engelse skryfster († 1849).
• 15 Februarie – Susan B. Anthony, was 'n Amerikaanse vroueregte-aktivis († 1906).
• 17 Februarie – Henri Vieuxtemps, Belgiese komponis en violis († 1881).
• 27 April – Herbert Spencer, Engelse filosoof († 1903).
• 12 Mei – Florence Nightingale, bekend as die Dame met die lamp († 1910).
• 27 November – John Thomas Baines, was 'n Engelse kunstenaar en ontdekkingsreisiger van die Britse kolonies van Suider-Afrika en Australië († 1875).
• 28 November – Friedrich Engels, Duitse industrialis en sosiale wetenskaplike († 1895).

Sterftes

• 29 Januarie – George III van die Verenigde Koninkryk (* 1738).
• 12 Maart – Sir Alexander Mackenzie, Skotse pelshandelaar en ontdekkingsreisiger (* 1764).
• 6 Augustus – Anton Wranitzky, Tsjeggiese komponis (* 1761).
• 9 Augustus – Anders Sparrman, Sweedse natuurkundige en reisiger aan die Kaap (* 1748).
• Onbekend – Cornelius Kok I, 'n leier (kaptein) van die Griekwas in Suid-Afrika (* 1746).