1823

Die jaar 1823 was 'n gewone jaar wat volgens die Gregoriaanse kalender op 'n Woensdag begin het. Dit was die 23ste jaar van die 19de eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 10 Maart – Pous Pius VII stel 13 nuwe kardinale aan, waaronder Francesco Bertazzoli, titulêr aartsbiskop van Edessa.
• 4 Mei – Die Slag van die vierde Mei tussen Brasilië en Portugal.
• 16 Mei – Pous Pius VII stel Anne-Louis-Henri de La Fare, aartsbiskop van Sens, Frankryk aan as kardinaal.
• 21 Julie – Die eerste blanke persoon in die Transvaal word op Makwassie gebore, die baba Broadbents.
• 28 September – Pous Leo XII volg Pous Pius VII op as pous van die Rooms-Katolieke Kerk.
• 5 Oktober – Pous Leo XII word gekroon deur kardinaal Fabrizio Ruffo.
• 23 Desember – A Visit From St. Nicholas, toegeskryf aan Clement Clarke Moore, word gepubliseer.
• Onbekend – Die Slag van Dithakong vind plaas tydens die Mfecane.

Geboortes

• 3 Maart – Dirkie Uys, kinderheld en seun van Voortrekkerleier Piet Uys († 1838).
• 23 April – Abdülmecid I, 'n sultan van die Ottomaanse Ryk († 1861).
• 6 Desember – Jan Brand, President van die Vrystaat († 1888).

Sterftes

• 26 Januarie – Edward Jenner, 'n Britse dokter wat 'n entstof teen pokke ontwikkel het (* 1749).
• 7 Februarie – Ann Radcliffe, Engelse skrywer (* 1764).
• 3 Augustus – Jacob Abraham de Mist, staatshoof van die Bataafse Republiek en kommissaris-generaal van die Kaapkolonie (* 1749).
• 20 Augustus – Pous Pius VII, die 251ste pous van die Rooms-Katolieke Kerk (* 1742).