André Fourie

André Fourie (gebore op 15 Maart 1944 in Pretoria) is 'n afgetrede Suid-Afrikaanse politikus, agtereenvolgens lid van die Verenigde Party, Nasionale Party, Nuwe Nasionale Party en die Vryheidsfront Plus. Fourie was 'n lid van die Volksraad vir Turffontein (van 1971 tot 1974, en weer van 1981 tot 1994), daarna van die Nasionale Vergadering van die Parlement (1994-1999), en was minister van streke en grondsake in die Kabinet van F.W. de Klerk. Laastens was hy 'n munisipale raadslid (VF+) van die stad Kaapstad van Maart 2009 tot Augustus 2016.

BiografieWysig

André Fourie begin sy nasionale politieke loopbaan in 1971 as LP vir Turffontein (distrik Johannesburg) onder die vlag van die Verenigde Party voordat hy in die Suid-Afrikaanse algemene verkiesing van 1974 deur Marais Steyn verslaan is. Nadat hy tydelik uit die politiek getree het, is hy in 1981 herkies, hierdie keer onder die kleure van die Nasionale Party.

André Fourie word later die leier van die Nasionale Party en daarna van die Nuwe Nasionale Party (NNP) van Noord-Transvaal. In 1999 was hy die topkandidaat van die NNP in sy provinsie, maar hy is nie verkies nie, en onttrek uit die politieke lewe. Hy het lojaal gebly aan die NNP totdat die ontbinding daarvan in 2004 deur Marthinus van Schalkwyk aangekondig is, wat hy teëgestaan het. Fourie weier toe om by die African National Congress aan te sluit en nadat hy dit selfs oorweeg het om 'n nuwe hersaamgestelde Nasionale Party te lei, het hy hom by die Vryheidsfront Plus aangesluit.

In Maart 2009 volg André Fourie Dirk Smit op as die enigste verkose lid van die Vryheidsfront Plus in die Kaapstadse stadsraad waar hy 'n lid was van die munisipale meerderheidsregering onder leiding van Helen Zille[1].

VerwysingsWysig