Maak hoofkeuseskerm oop

Christchurch-aanval van 2019

2019 terroris-aanval in Nieu-Seeland

Die Christchurch-aanval van 2019 het by die Al Noor-moskee en die Linwood Islamitiese sentrum in Christchurch, Nieu-Seeland plaasgevind.[1] Die aanval het om 13:40 op 15 Maart 2019 NZDT (00:40 UTC) tydens die gebruiklike Vrydaggebed begin. 50 mense is in die skietaanval dood.[2][3][4] Die polisie het twee motorbomme opgespoor en onskadelik gestel.[5]

Die voorval is die eerste massaskietvoorval in Nieu-Seeland sedert die Raurimu-slagting van 1997 en is deur die Nieu-Seelandse premier Jacinda Ardern, Australiese premier Scott Morrison en VK-premier Theresa May as 'n terroriste-aanval bestempel. Die aanvaller het as 'n eensame wolf-terroris opgetree.

Daar word vermoed dat slegs één verdagte by die aanval betrokke was: 'n 28-jarige Australiër wat as 'n aanhanger van wit meerderwaardigheid geïdentifiseer is, en Neo-Nazi-simbole en wit-meerderwaardigheid-tekste op sy vuurwapens en aanlynplasings vertoon het.[6][7]

VerwysingsWysig

  1. (af) 49 dood in skietery in Nieu-Seeland, Netwerk24, 15 Maart 2019
  2. (en) "New Zealand mosque shootings kill 49". 15 Maart 2019 – via www.bbc.co.uk. 
  3. (en) "Christchurch shootings: Death toll rises to 49 following terrorist attack – live updates". Stuff.co.nz. 15 Maart 2019. Besoek op 15 Maart 2019. 
  4. (en) "Christchurch shootings see 49 people killed in attacks on mosques". ABC Online. 15 Maart 2019. Besoek op 15 Maart 2019. 
  5. (en) "Christchurch mosque shooting kills 49, gun laws will change PM says". Stuff. 16 Maart 2019. Besoek op 16 Maart 2019. 
  6. (en) "Mosque shooting: Christchurch gunman livestreamed shooting". The New Zealand Herald. 15 Maart 2019. ISSN 1170-0777. Besoek op 15 Maart 2019. 
  7. (en) Weill, Kelly; Sommer, Will. "Mosque Attack Video Linked to 'White Genocide' Rant". www.thedailybeast.com. Daily Beast. Besoek op 15 Maart 2019. 

Koördinate: 43°31′58″S 172°36′42″O / 43.5329°S 172.6118°O / -43.5329; 172.6118