Donald Currie

Sir Donald Currie (17 September 1825 - 13 April 1909), gebore in Greenock, Skotland was 'n skeepseienaar, politikus en filantroop.

Sir Donald Currie
Currie in 1907
Gebore	(1825-09-17)17 September 1825 Greenock, Skotland , Verenigde Koninkryk
Sterf	13 April 1909 (op 83) Londen, Engeland, Verenigde Koninkryk
Nasionaliteit	Skotland
Beroep	Skeepseienaar en politikus

Borsbeeld van Donald Currie

Vroeë lewe en loopbaan

Hy is gebore op Greenock, Renfrewshire, op 17 September 1825, die derde seun van tien kinders van James Currie (1797-1851) en Elizabeth (1798-1839), dogter van Donald Martin, almal van Greenock. Sy ouers het na Belfast in 1826 verhuis. Hy ontvang opleiding in Belfast en begin in 1842 by 'n Liverpoolse skeepsmaatskappy werk. Hy word die agent van die Cunard-redery van 1849 tot 1862. Hy begin sy eie maatskappy deur skepe na die Ooste te stuur en maak die Kaap sy teikenmark vanaf 1872. Hy stig die beroemde Castle-Redery en ding mee met die Union-Redery. Sy skepe oorheers die mark na Suid-Afrika en hy word skatryk. Hy raak betrokke by die geskilpunte in die diamantvelde en word in 1880 verkies tot die Volksraad van die ZAR.

Gedurende 1900 smelt die twee rederye saam om Union-Castle-Redery te vorm. Hy word onthou as die skenker van die Curriebeker.

Familie

Currie is in 1851 getroud met Margaret, dogter van John Miller van Liverpool en Ardencraig, Bute, wat hom oorleef het. Hy het drie dogters gehad wat teen 'n koste van ₤ 25,000 'n universiteitsaal oprig, ter nagedagtenis aan hul vader, in die Universiteit van Kaapstad, waarvan die grondslagsteen in 1910 deur die hertog van Connaught gelê is.

Bron

• Ensiklopedie van Suidelike Afrika, Eric Rosenthal 1967