Centurion
Centurion (voor 1994: Verwoerdburg) is 'n stad in die Gautengprovinsie, Suid-Afrika, geleë tussen Pretoria en Johannesburg.
| Centurion Verwoerdburg |
|
 |
|
  Centurion  Centurion se ligging in Gauteng
|
|
| Koördinate: 25°51′37″S 28°11′22″O / 25.86028°S 28.18944°OKoördinate: 25°51′37″S 28°11′22″O / 25.86028°S 28.18944°O | |
| Land |  Suid-Afrika
|
|---|---|
| Provinsie | Gauteng |
| Munisipaliteit | Stad Tshwane |
| Stigting | 1902 |
| Oppervlak[1] | |
| - Dorp | 394,88 km² (152,5 vk m) |
| Hoogte | 1 453 m (4 767 vt) |
| Bevolking (2011)[1] | |
| - Dorp | 236 580 |
| - Digtheid | 599/km² (1 551,4/myl2) |
| Rasverdeling (2011)[1] | |
| • Blank | 59,0% |
| • Indiër/Asiër | 8,4% |
| • Kleurling | 2,3% |
| • Swart | 29,3% |
| • Ander | 1,0% |
| Taal (2011)[1] | |
| • Afrikaans | 49,4% |
| • Engels | 26,0% |
| • Noord-Sotho | 5,2% |
| • Tswana | 3,7% |
| • Ander | 15,6% |
| Poskode (strate) | 0157 |
| Poskode (posbusse) | 0046 |
| Skakelkode(s) | 012 |
Inhoud
GeskiedenisWysig
Centurion is in 1964 as Verwoerdburg gestig, en genoem na dr. Hendrik Verwoerd, die Suid-Afrikaanse eerste minister van 1958 tot 1966. Die polities neutrale naam Centurion is later gekies, kort nadat die ANC (African National Congress) aan bewind gekom het in 1994. Dit het geen besonderse betekenis nie en is waarskynlik gekies na aanleiding van Centurion Park (nou SuperSport-park), 'n krieketstadion in die gebied.
Ná afloop van die apartheidsera in 1994 is die Indiërwoonbuurt Laudium, wat vantevore deel van Pretoria was, ingelyf by Centurion. Die woonbuurt vir swart inwoners, Olievenhoutbosch, het as plakkerskamp begin en is mettertyd geformaliseer en deel van Centurion gemaak.
In 2000 het die Centurion plaaslike regering deel geword van die Stad Tshwane Metropolitaanse Munisipaliteit, wat Pretoria insluit, en die dorpsraad het ontbind.
Tydens die Krieketwêreldbeker 2003 is vyf wedstryde in Centurion se SuperSport-park beklink.
InfrastruktuurWysig
Centurion is geleë op die kruising tussen die N1- (Johannesburg-Pretoria) en N14- (Krugersdorp-Pretoria) snelweë. Die R21 (Pretoria na O.R. Tambo Internasionale Lughawe) loop ook deur Centurion.
Centurion is 'n groeiende stad, met verskeie moderne winkelsentrums (byvoorbeeld Centurion Mall, mall@reds, Lifestyle Centre en verskeie kleiner sentrums), goeie vermaaklikplekke en talle gholfbane. Die Centurion Gholf- en Residensiële Landgoed en landgoedere in Eldoraigne se uitbreidings beskik oor uitstekende woonopsies. Die Unitas-hospitaal verskaf mediese dienste van topgehalte. Daar is ook verskeie klinieke en uitgebreide mediese praktyke vir die gemeenskap beskikbaar.
Die Highveld Techno Park-ontwikkeling huisves internasionale tegnologiemaatskappye soos Siemens Telekommunikasie, Grintek en selfs verskeie Telkom-geboue.
Sinkgate as gevolg van dolomiet is 'n algemene probleem in Centurion, en sinkgate kom gereeld voor. Streng voorwaardes vir geologiese toetse om bouplanne goedgekeur te kry help deels om die probleem te bekamp, maar dis veral die munisipaliteit wat moet sorg dat die waterpypnetwerk nie lek nie, en instandhouding van beide water- en rioollyne is besonder belangrik in Centurion.
Die dienste in Centurion is betreklik stabiel, en die stad het nie besonder baie las van kragonderbrekings of probleme met water en riool nie. Daar is wel kommer oor die gebrek aan skole en die verkeerslas, waarmee die staat nie tred gehou het met die uitbreiding van woonbuurte, veral in die suide van Centurion nie.
VervoerWysig
Daar is 'n Gautrein-stasie in Centurion. Die stasie is naby die Centurion-meer in Weslaan geleë. Passasiers kry 'n panoramiese uitsig oor Centurion soos hulle die stasie binnekom of verlaat.
Die Lanseria-lughawe, sowat 30 km van Centurion, is nog makliker bereikbaar as die groot lughawe naby Kempton Park en saam met maklike toegang na verskeie snelweë, is Centurion gerieflik verbind met sy omgewing en verder, wat die stad aantreklik maak vir 'n verskeidenheid besighede en baie konsultantfirmas.
SkoleWysig
Daar is verskeie skole in Centurion:
- Laerskool Bakenkop
- Laerskool Fleur
- Laerskool Hennopspark
- Laerskool Louis Leipoldt
- Laerskool Rooihuiskraal
- Laerskool Swartkop
- Laerskool Valhalla
- Laerskool Wierdapark
- Centurion Christian School
- Hoërskool Eldoraigne
- Hoërskool Centurion
- Hoërskool Zwartkop
- Sutherland High School
- Laerskool Raslouw
- Hoërskool Raslouw
- Cornwall Hill College
- Centurion Christelike Laerskool
- Regio Centurion Onafhanklike Laerskool
- The Way
GeografieWysig
Centurion is geleë in die oorgangsgebied tussen die Hoëveld- en die Bosveld-gebiede en die Hennopsrivier vloei deur die hart van Centurion. As gevolg van sy ligging het Centurion 'n besonder ryk voëllewe.
Woonbuurte van CenturionWysig
- Amberfield (verskeie uitbreidings)
- Blue Valley Gholflandgoed
- Bronberrick
- Brookelands Lewenstyllandgoed
- Centurion Gholflandgoed
- Claudius
- Clubview
- Cornwall Hill
- Die Hoewes
- Doringkloof
- Eco-Park Estate
- Eldo Glen, Eldo Park, Eldo View, Eldo Meadows
- Eldoraigne
- Erasmia
- Hennopspark
- Heuweloord
- Heuwelsig Landgoed
- Highveld
- Irene
- Kloofsig
- Laudium
- Lyttelton
- Lyttelton Manor
- Olievenhoutbosch
- Pierre van Ryneveldpark
- Raslouw
- Rooihuiskraal
- Sunderlandrif
- Thatchfield
- The Reeds
- Valhalla
- Verwoerdburgstad (in onbruik)
- Wierdapark
- Zwartkop.
Sien ookWysig
VerwysingsWysig
- ↑ 1,0 1,1 1,2 1,3 "Hoofplek Centurion". Sensus 2011.
Eksterne skakelsWysig
| Wikimedia Commons bevat media in verband met Centurion. |